ravings of a lunatic: Hrafnarnir mínir

Hrafnarnir mínir

Föstudagur, 21. maí 2010

Ég er í skýjunum. Var að fá þessa æðislegu hrafna, sem Úlfar Sveinbjörnsson sker út. Hrafn er uppáhalds fuglinn minn og lengi langaði mig að eiga einn sem gæludýr, en hætti við þegar ég tók þá hugsun lengra og áttaði mig á því að dýrinu myndi aldrei líða vel lokað í búri eða íbúð. Ég sé ekki hvað er varið í að eiga gæludýr ef því líður ekki vel. En nú á ég tvo og mér finnst þeir svo flottir!

Hann Úlfar er algjör snillingur og sker út alla íslensku fuglaflóruna og þeir eru alveg ótrúlega flottir hjá honum. Ég held að það séu reyndar ekki komnar myndir af þeim á heimasíðuna hans en hér er hún samt: www.ulli.is

Nú þarf ég bara að ákveða hvað þeir eiga að heita.
(Mér finnst Huginn og Muninn of standard, en það er vissulega klassískt)
----

Jón og Gulli? ha ha ha
Pú og Pa hljómar nokkuð vel.
Hægri og Vinstri hljómar líka vel.
Statler og Waldorf væri snilld.
Eddie og Richie, steinliggur auðvitað.
Harrý og Heimir has a ring to it.
Skafti og Skapti er nokkuð gott.
Geir og Grani gæti virkað.
Pat og Mat, ég þekki þá reyndar bara undir samheitinu: Klaufabárðarnir

| anna | 11:32 |

comments

Jeeves and Wooster

Nr. 1 | posted by: Maggi G | 21.05.2010 | 17:05:05 | [+] |

ha ha ha góð tilllaga!

Black Adder og Baldrick?
Butch Cassidy and the Sundance Kid
Simon and Garfunkel

Þeir verða eiginlega að bæta hvorn annan upp. Mér finnst það alltaf betra, þá er balance. Ég vil ekki að annar sé rosalega klár og hinn plain stúbid.

Hey! Annar getur verið rosalega duglegur að viða að sér þekkingu þó hann hafi ekki hæfileika til að færa sér hana í nyt - hinn hefur common sense, gáfur og hæfileika en er latur að viða að sér þekkingu svo hann þarf á hinum að halda - og öfugt.

Það er deginum ljósara að saman eru þessir hrafnar gjörsamlega ósigrandi.

Nr. 2 | posted by: anna | 21.05.2010 | 17:34:10 | [+] |

Eru þetta ekki bara Anna og Anna.is? Þeir eru mjög fallegir. Ég á einmitt keramikhrafn eftir Guðmund frá Miðdal sem mér þykir ógurlega vænt um. Ég hef þó aldrei tekið mig til og skírt hann, hm...

Nr. 3 | posted by: Kristín | 21.05.2010 | 18:06:33 | [+] |

Kristín. Þetta er helvíti góð tillaga. Með þeim betri.

Þegar ég var lítil gat ég ekki gefið neinu nafn, dúkkurnar mínar skiptu um nafn vikulega, stundum á klukkutíma fresti. Ég hafði þungar áhyggjur af því að ég myndi aldrei geta skírt börnin mín þegar ég myndi eignast þau, en það tókst.

Mér finnst gaman að skíra hluti, þannig gef ég þeim merkingu.

En ég skíri ekki alla hluti - bara þá sem skipta máli smile

Ég er þegar búin að spyrja hvort þessi maður er tilbúinn að búa til stórann hrafn fyrir mig. Mér finnst þetta svo fallegt handverk. Ég á kannski eftir að hafa alla íslensku fuglana hjá mér, hann gerir t.d. ofboðslega fallega lóu og ég hlakka til að sjá spóann.

Nr. 4 | posted by: anna | 21.05.2010 | 18:37:16 | [+] |