 |
|
|
|
 |
So far..
Sunnudagur, 03. janúar 2010
Við erum nú ekkert búin að sitja við non-stop í jólafríinu, en þetta er staðan á púsluspilinu akkúrat núna. Í gær fórum við í bíó að sjá Avatar og ég varð ekki fyrir vonbrigðum, enda var ég að fara á magnað sjónarspil, ekki söguþráð og leik. Í morgunmat fékk ég mér hráfæði, kókoskúlur með döðlum og gráfíkjum og hnetum. Víst er það hráfæði. Drakk jólasveinaöl með. Í dag eru 70 burpees. 30 dagar eftir. Ég er ekki viss um að ég vilji að þessi áskorun endi, ef ég hugsa um vöðvana sem nú þegar eru komnir - og samt er ég ekki búin að gera helminginn af total burpee magninu. Já.. og gleðilegt nýtt ár!
 Ég heiti Anna og ég er kókisti.
Fimmtudagur, 07. janúar 2010
Ég ákvað að hætta að drekka kók fyrir jólin - nema þegar ég fer t.d. út að borða (sem gerist afar sjaldan). Mér finnst kók nefnilega betra með mat en vín og ég hef alltaf verið frekar léleg í léttvínunum. Á veitingastöðum sem bjóða bara uppá pepsí vel ég yfirleitt að drekka vatn. Það var ekkert mál að hætta að drekka kók og vera kóklaus yfir hátíðarnar, enda þurfti ég lítið að nota heilann þar sem ég var í fríi. Nú, þegar ég er komin aftur í vinnuna, hef ég verið eins og draugur uppúr öðrum draug - bæði fór svefninn í algjört fokk hjá mér yfir hátíðarnar svo ég er að reyna að koma mér á réttan kjöl í því máli, en svo vantar mig líka sykurinn og koffeinið sem hefur haldið mér gangandi til þessa. Ég byrjaði reyndar fyrsta vinnudaginn á nýju ári á því að mæta með tvær dósir af kók í vinnuna, af því ég var gjörsamlega ósofin. Ég gat bara drukkið aðra, hin fór í ruslið. Mér leið hreint út sagt illa að drekka kókið, sem er alveg ný upplifun fyrir mig.
Ég er að vona að þetta sé varanlegt og að ég geti orðið húkkt á grænt te í staðinn fyrir svarta dauða. Bless kók, halló grænt te!
Snilld
Föstudagur, 08. janúar 2010
Þegar ég kom heim úr vinnunni áðan tilkynnti ég krökkunum að í dag, og eftirleiðis á föstudögum þegar þau eru að fara til pabba síns, beri þeim að skila mér íbúðinni hreinni áður en þau fara. Einkasonurinn slökkti á playstation, stóð upp og lýsti því yfir að hann hafi nú bara aldrei á ævinni heyrt annan eins yfirgang og frekju. En tók nú samt til í stofunni áður en hann fór. Frumburðurinn sá um að setja óhreint leirtau í uppþvottavélina og nú hlusta ég á hana mala í eldhúsinu - uppþvottavélina. Af hverju datt mér þetta ekki í hug áður? Á meðan þau voru að þrífa tók ég 75 froskastökk. Með armbeygju OG hala. BOOOJAH!
Dagur 76
Laugardagur, 09. janúar 2010
Ég ætlaði að klára að þrífa íbúðina í gær áður en ég færi í helgarfrí, en ég var svo þreytt að um klukkan ellefu má segja að ég hafi yfirbugast úr þreytu, svo ég fór í bað og að sofa. Planið var að taka mig í smá dekur áður en ég færi að sofa, en ég var of þreytt. Ég vaknaði klukkan níu í morgun og fékk mér hafragraut. Ég er búin að þrífa og rétt í þessu var ég að klára 76 burpees. Það lekur af mér svitinn, ég finn svitatauma leka niður bakið á mér, og ég hlakka til að fara í bað í hreinu baðherbergi. Þegar ég er búin í baði ætla ég að dekra við mig eins og planið var. Á eftir er ég að fara að hitta vinkonu mína, við ætlum að borða saman og fara í bíó að sjá mynd sem mig er búið að langa að sjá lengi. Woody Allen klikkar sjaldan.
Staðan á nýju ári
Sunnudagur, 10. janúar 2010
Á þessari mynd má sjá (á gráu tölunum) Önnu eftir massa fjalla sumar - en fyrir burpees áskorunina sem hófst á einu léttu froskastökki þann 26. október í fyrra. Á hinni myndinni með rauðu tölunum má sjá Önnu rétt eftir jólasukkið - og við erum að tala um MASSA jólasukk, nammi og laufabrauð og matur og rjómi og smjör og you name it. Ég hef ekki þorað að mæla mig en fékk fyrirspurn um stöðuna í gær. Niðurstöðurnar komu mér á óvart. Eru þið að sjá byssurnar! hehehe 77 burpees í dag..
Fyndið
Sunnudagur, 10. janúar 2010
Mér finnst svolítið fyndið að daginn sem ég klára burpees áskorunina, er groundhog day í bandaríkjunum. Mig langar að taka aðra áskorun þegar þessi er búin, en hún þarf að vera geranleg. Veit einhver um aðra góða æfingu sem væri hægt að fara uppí 100 á 100 dögum?
The central preoccupation of my life
Mánudagur, 11. janúar 2010
Luggage Salesman: Have you thought much about luggage, Mr. Banks? As the luggage salesman opens two doors, you hear and angel like choir and a big trunk is revealed Joe: WOW!
Hægt en örugglega
Mánudagur, 11. janúar 2010
Before
After
Trendið er orðið þannig að þegar ég geng framhjá borðinu lít ég yfir púslið, púsla þremur bitum og fer svo að gera eitthvað annað, svo restin mun ganga hægt.
Joe
Þriðjudagur, 12. janúar 2010
Just the way
Fimmtudagur, 14. janúar 2010
xxx says: ég er fastur í bandarískum tónlistarmönnum
Hafragrautur
Föstudagur, 15. janúar 2010
Klukkan hálf átta í morgun spurði ég son minn hvort ég ætti að elda hafragraut fyrir okkur. Hann sagði "já", svo stóð hann upp og bætti við, "ég skal taka til í eldhúsinu, ég veit hvað þér finnst leiðinlegt að elda þegar allt er í drasli". Eldhúsið var allt í drasli vegna þess að það var ekki búið að ganga frá eftir matinn kvöldið áður. Krakkarnir vita, vegna þess að ég hef sagt þeim það, að þegar ég kem heim úr vinnunni er ég oftar en ekki þreytt, og það kemur fyrir að mér fallast hendur þegar eldhúsið er í rúst. Ef þau ganga frá eftir sig og eldhúsið er sæmilega hreint þegar ég kem heim eru meiri líkur á því að ég eldi kvöldmat. Og þegar ég elda geng ég venjulega frá matseldinni sjálf, þó þau þurfi að ganga frá eftir matinn. En ég þarf alltaf að segja þeim að ganga frá eftir matinn og stundum geri ég það ekki vegna þess að ég er þreytt. Á meðan ég eldaði hafragrautinn gekk hann samviskusamlega frá öllu óhreinu í uppþvottavélina og þegar grauturinn var tilbúinn, gekk ég frá pottinum og sleifinni í uppþvottavélina líka og við settumst niður í hreinu eldhúsi og borðuðum morgunmat saman.
Vængbrotin með engar hækjur
Föstudagur, 15. janúar 2010
Venjulega þá myndi ég kaupa mér sígarettur og kók og reykja eins og strompur og þamba kókið og vaka fram á nótt og skrifa eitthvað blogg þar sem ég geri lítið úr því hvað mér líður illa. Og mig er búið að langa í sígarettu annað slagið í dag. En þegar ég hugsa um að kaupa sígarettur þá hættir mig að langa. Fantasían er "ein sígaretta", ekki tuttugu, og þegar ég tek hugsunina lengra og hugsa um hvernig það er að anda reyknum að mér úr þessari einu sígarettu þá kúgast ég, og mig hættir að langa í þessa einu. Og mig langar ekki í kók. Mér finnst þetta ömurlegt. Mér á ekki eftir að finnast það ömurlegt á morgun þegar ég geri 83 froskastökk. Málið er að ég veit ekki hvað annað ég á þá að gera. Ég kann ekki að kópa við sársauka án þess að hafa fíknirnar mínar. Hann bara er, og ég veit ekki hvað ég get gert svo hann fari. Sumir nota áfengi, aðrir mat til að bæta upp eitthvað sem vantar. Mig langar ekki í áfengi og ég er ekki svöng. Það eina sem mig langar í er nærvera, snerting og nánd. En ég get ekki keypt það og þó það væri til sölu útí tíu-ellefu, þá hefði ég sennilega ekki efni á því. Svo ég græt á meðan ég skrifa um að mér finnst erfitt að hafa ekki fíknirnar mínar lengur til að hugga mig. Það er það eina sem mér dettur í hug að gera.
Glimmer
Sunnudagur, 17. janúar 2010
Í gær fann ég blogg sem ég féll strax fyrir. Matarblogg, æðislegur matur. Up-beat og jákvætt. Og ég sé að ég er alveg að misskilja þetta með hafragrautinn. Hafragrauturinn hjá þessari konu er eins og ævintýri. Alveg eins og lífið á að vera - og eins og lífið getur verið þegar þú nennir að sinna því. Jákvætt hugarfar best með glimmeri.
No shit
Sunnudagur, 17. janúar 2010
As I look back on all my childhood dreams 84 froskastökk búin fyrir daginn í dag. Mittið komið niður í 66. 16 dagar eftir.
Spurning
Sunnudagur, 17. janúar 2010
Það var verið að spyrja mig hvort ég sé til í að koma á Hvannadalshnúk í sumar. Á ég að treysta mér í svoleiðis ferð?
Fjallkonan
Mánudagur, 18. janúar 2010
Ég var ekki fyrr búin að skrá mig í ferð á hæsta tind landsins í vor, 15. mars, en ég fékk tölvupóst frá gömlum vinnufélaga þar sem hann bauð mér að koma með í fullt af ferðum, þar á meðal á Eyjafjallajökul í sumar. Ekkert smá spennandi! Ég hef líka ákveðið að næsta "froskastökks-áskorun" muni innihalda æfingar sem nýtast mér í fjallgöngu. Ferðin á Hvannadalshnjúk er í raun fjórtán ferðir, þrettán æfingaferðir og sú fjórtánda beint á toppinn. Nú sit ég í vinnunni og brosi útað eyrum.
Dagur 85
Mánudagur, 18. janúar 2010
Ég er búin með froskastökk dagsins. Tók 40 stk non stop, og svo 45 án þess að stoppa.
Fáránlega hressandi.
Blast from the past
Mánudagur, 18. janúar 2010
Undanfarin kvöld hefur einkasonurinn verið að tala um að hann langi að uppgötva leyndardóma fortíðar - hvað leikjatölvur varðar. Sure, það er rosa hip og cool að eiga allskonar x-box og wii og ps3 - en, það jafnast nákvæmlega ekki neitt á við.. drumroll.. Nintendo NES! (Angelic AAAAAAAAAAAAAAAAAAAAAAAAAAAAAAAAAA sound)
Í kvöld mætti, alveg óvænt, velunnari fjölskyldunnar með stóran pakka sem hann afhenti okkur. Yngsti meðlimur fjölskyldunnar fékk að opna, og í kassanum var Nintendo NES vél - in mint condition. Þetta er í fyrsta skipti sem ég sé son minn missa málið. Hann gat ekki talað, hann varð svo hissa. Það er nefnilega tvennt ólíkt að fá eitthvað sem fæst útí búð - eða fá eitthvað sem er illfáanlegt. Ekki nóg með að við fengum vélina, heldur var original blaster gun með. Allir sem komnir eru til vits og ára vita hvað er fáránlega gaman að spila duck hunt. Því það er fáránlegt, þetta er bara of silly leikur til að hann sé eitthvað annað en frábær.
Þvílíkt kvöld hjá okkur. Mér hefur farið verulega aftur í færni minni en djö er gaman að spila þessa leiki. Eldast lygilega vel. Okkur vantar samt krúsjal leiki í þessa græju, svo ef einhver á Gunsmoke fyrir NES eða Zelda leiki sem hann vill gefa eða selja á sanngjörnu verði, endilega hafði samband!
Á réttri leið
Þriðjudagur, 19. janúar 2010
Eins og mér fannst það ömurlegt um daginn finnst mér allt í einu svo frábært að ég sé laus við hækjurnar, kók og sígarettur, og að mér líði betur án þeirra. Ég er ennþá nikótínfíkill, nota tyggjó, svo markmiðinu er ekki alveg náð, en þegar mér finnst orðið ógeðslegt að reykja hlýtur það að teljast áfangi. Ég ætla að hætta að nota tyggjóið á þessu ári. Er að velta fyrir mér að hætta að nota það þegar ég klára áskorunina. Og eins og alltaf þegar ég byrja að hreyfa mig fer ég strax að velja hollari mat. Þegar krakkarnir fá sér samloku á pönnu fæ ég mér gróft brauð með kæfu og venjulegt skyr, og mér finnst það betra. Mér líður líka svo miklu betur á allan hátt. Alveg ótrúlegt hvað matur skiptir miklu máli hvað bæði andlega og líkamlega vellíðan varðar. Ég borða nánast engan sykur, en ég er alltaf með ávexti við höndina og drekk nánast eingöngu vatn. Ég hef orku allan daginn og þegar ég tek froskastökkin strax eftir vinnu hef ég orku allt kvöldið og líður vel. Ég er orðin þreytt um klukkan ellefu og ég sofna fyrir miðnætti - og - vakna fyrr á morgnanna, úthvíld. Hver hefði trúað að það fylgdi því svona mikil vellíðan að lifa ábyrgu og reglulegu lífi. Ég held að ég hafi, satt að segja, aldrei gert það svona "vel" áður - enda vantaði alltaf hreyfinguna inní planið. Í grunninn held ég að þetta sé froskastökkunum að þakka, sem er í sjálfu sér alveg frábært, því froskastökkin taka ekki langan tíma og þar sem ég geri þetta í stofunni heima hjá mér fer engin tími í að koma mér "á staðinn" eða heim aftur. Ég er búin að vita lengi að ég yrði að hreyfa mig reglulega og reyna að koma hreyfingu inní daglega rútínu hjá mér, og þökk sé þessari áskorun er það orðið þannig. Ég hreyfi mig á hverjum degi og líður vel þegar ég geri það - þó það sé massa erfitt. Nú þarf ég bara að halda áfram á þessari braut.
Unfuckingbelievable
Þriðjudagur, 19. janúar 2010
Ef ég var sveitt í gær er það ekkert miðað við hvað ég er sveitt núna, enda var ég að klára 86 froskastökk í einni lotu. Ég ætlaði að fara uppí fimmtíu og taka pásu, en þegar ég var komin þangað fann ég að ég átti það mikið eftir að ég ákvað að klára þetta bara. Ég finn ekkert smá fyrir vöðvunum í handleggjunum eftir þetta og ég hef aldrei á ævinni svitnað svona mikið. Já, ég er með vitni. Ég er farin að velta fyrir mér hvað ég á að gera til að verðlauna mig þegar þessu er lokið, en mér dettur ekkert í hug. Eru þið með einhverjar hugmyndir?
Diskó/Fönk fertugsafmæli
Fimmtudagur, 21. janúar 2010
Í lok mánaðarins er ég að fara í klikkað diskó/fönk fertugsafmæli og það er ætlast til þess að maður sé dressed for the occasion. Ég er með valkvíða dauðans, hvort á ég velja A, eða B?
Gleðilegan bóndadag!
Föstudagur, 22. janúar 2010
Ég óska íslenskum karlmönnum gleði og hamingju á þessum yndislega degi. Njótið lífsins!
Búin að brjóta 90 froska múrinn
Sunnudagur, 24. janúar 2010
Djöfull er þetta hressandi. 91 froskastökk í búin dag og níu dagar eftir í 100. Ég ætlaði að halda mér í 100 í 100 daga, en þegar ég fór að finna vöðvana framaná lærunum og hvað þeir eru búnir að bólgna ótrúlega út, hætti ég við. Þessi æfing reynir greinilega mikið á þessa vöðva og ef ég held áfram í 100 á dag mun ég líta út eins og.. ég veit ekki hvað. Nú er planið að droppa niður í 50 froskahopp á dag þegar áskorunin klárast og taka tvær æfingar með, uppí 100 á 100 dögum. Í kvöld er það svo dinner and a movie.
Barry Manilow Part II
Mánudagur, 25. janúar 2010
Ég sýndi klippu úr þessum Family Guy þætti fyrir ekki svo löngu síðan, en það var áður en ég vissi að þeir tækju Barry Manilow djókið lengra. Þetta byrjar 1min og 21sek inní þáttinn og þeir taka þetta alla leið á tónleikana og það er algjörlega priceless. (Klippan er allur þátturinn, ég hef bara horft á Barry - það var nóg fyrir mig.) Oh Quagmire...
Huggun
Föstudagur, 29. janúar 2010
Ég var hjá tannlækni í morgun. Aðgerðin gekk vel, ég á að mæta hjá honum næst eftir ár til að fylgjast með beinígræðslunni og hvort hún er ekki til friðs. Þegar ég lá í stólnum stóð ég mig að því að hughreysta sjálfa mig. Mér finnst svo fyndið hvað mannskepnan er útsjónasöm, því ég var ekki meðvituð um að ég væri að gera þetta. Ég er rétthent og nota hægri höndina miklu meira en þá vinstri, en í þessari stöðu var sú hægri, sú "sterka", alveg máttlaus, en sú vinstri og "veikari" kom to the rescue og hélt alveg þéttingsfast um þessa hægri, rétt eins og það væri einhver annar hjá mér að veita mér stuðning.
D I S C O
Föstudagur, 29. janúar 2010
Í kvöld var ég að tala við karlmann sem hallaði sér skyndilega upp að mér eins og hann ætlaði að hvísla einhverju að mér, en ég heyrði ekkert. Þegar hann rétti úr sér sagði hann: "mikið rosalega er góð lykt af þér - ég er búin að finna þessa lykt frá því ég fór að tala við þig og hélt að hún væri af þér, og það var rétt." Ég veit ekki af hverju, en af því ég er svo innstillt á lykt sjálf þá finnst mér alltaf svo gaman þegar einhver sér ástæðu til að minnast á að það sé góð lykt af mér. Síðast þegar ég hitti þennan mann var ég gift og hann talaði fyrst við mig eins og ég væri það ennþá. Spurði hvort við værum ennþá í íbúðinni og hvernig gengi. Ég hélt fyrst að hann væri að rugla mér saman við einhverja aðra, það eru svo mörg ár síðan ég var í sambúð með einhverjum. Vá hvað þetta var skrítin upplifun. Pöntunin á diskóbúningnum fór eitthvað á mis - EN - þökk sé frábæru fólki hefur mér verið reddað silfur pallíettutopp, og stuttu leðurpilsi. Killer. Djöfull verður þetta massa skemmtilegt afmæli.
So far
Laugardagur, 30. janúar 2010
Byrjaði daginn á að fara á Esjuna með fjallahópnum í fáránlega góðu veðri. Gleymdi náttúrlega myndavél eins og asni, en tók nokkrar myndir á símann. Þær gera þessum morgni svo sannarlega ekki nógu góð skil.
Þetta var æðisleg ganga, mjög kalt á toppnum en frábært útsýni og ég var með gott nesti. Hrikalega er gott að borða mat úti þegar maður er búinn að hreyfa sig. Ég fékk far hjá þeim sem ég var samferða bæði upp og niður fjallið og hann skutlaði mér þangað sem ég þurfti að fara á eftir. Ég get ekki sagt frá því núna hvert ég var að fara, en ég mun gera það á morgun, því það sem tók við eftir Esjuna í dag var.. geðveikislega gaman! Tók 97 froskastökk dagsins þegar ég kom heim og þá á ég 3 daga og 297 froskastökk eftir af þessum 5050 sem alls eru í áskoruninni. Á eftir fór ég í laaaangt heitt bað, bloggaði á handklæðinu á meðan ég borðaði hreint skyr og flatkökur með hangikjöti og núna.. þarf ég að græja mig því ég er að fara í fertugsafmæli í kvöld. Fokk hvað þetta er búin að vera skemmtilegur dagur!
Eitthvað til að hræðast?
Sunnudagur, 31. janúar 2010
Það sýnir sig
Sunnudagur, 31. janúar 2010
Ekkert að sjá þótt þú setjist uppá. Veist ekki hvað, en þú situr áfram Ofan við ský er álft á flugi Og kannski er svo enn að þú sitjir stilltur. Ofan við ský er álft á flugi Og því er svo enn að þú situr stilltur. Sigurður Guðmundsson/Hjálmar
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Frá því ég var unglingur hef ég notað þennan svarta, ljúffenga drykk til að halda mér gangandi þegar ég er hætt að hafa orku til að starfa. Og mér hefur fundist það dásamlegt. Í gamla daga drakk ég kók í gleri en svo færði ég mig yfir í kók í dós. Í vinnunni hef ég drukkið tvær kók í dós yfir daginn og þannig haldið blóðsykrinum uppi allan daginn og þar með starfsorkunni. Ég þamba ekki kók, ég fæ mér sopa á ca tíu mínútna fresti og þannig endist þetta mér allan daginn. Hljómar svolítið eins og dömubindaauglýsing.
Í fyrradag hrökk ég upp í vinnunni og áttaði mig á því að ég var búin að vera steinsofandi í korter - í stólnum. Daginn eftir (í gær) var ég sami draugurinn, og alveg að sofna, þegar ég ákvað að þetta væri bara ekki að ganga upp. Ég stóð frammi fyrir því að þurfa að velja. Annaðhvort þyrfti ég að finna örvandi efni sem virkar og er minna destructive en kók, eða fara bara í kókið aftur - þó mér líði ekki vel að drekka það. Ég fór að versla í matinn, keypti ávexti til að hafa í vinnunni og grænt te í pilluformi. Þegar ég kom aftur í vinnuna tók ég eina töflu. Og viti menn! Ég hef verið vakandi síðan - allavega á vinnutíma.
