Föstudagur, 11. desember 2009
Þegar ég var að útbúa jóladagatal afa úlfs, skannaði ég inn fullt af gömlum myndum. Meðal annars fann ég þessa mynd af mér þar sem ég ligg á gólfinu og dingla öðrum fætinum.

Einhverra hluta vegna þykir mér mjög vænt um þessa mynd.
Í dag er ég búin að borða svo mikið að mig langar mest að fara að sofa, það var nefnilega árlegt jólahlaðborð Marel í dag. Þá taka konurnar í eldhúsinu sig til og leggja nótt við dag í heila viku og bjóða uppá þvílíka massa veislu í matsalnum að það er lygilegt.
Ég komst samt bara eina ferð og missti af öllum heita matnum, því ég var sprungin.