Pabbi, eða afi Úlfur eins og hann er kallaður á þessu heimili, varð sextugur í gær. Á laugardaginn fórum við systurnar með honum út að borða en á meðan við vorum að borða var fólk að tínast inná efstu hæðina á Einari Ben þar sem surprise partý beið pabba eftir matinn. Við vorum búnar að hafa samband við fullt af fólki sem pabbi hefur ekki séð í mörg ár.

Mér finnst þessi mynd af pabba og Júlíu ein af bestu myndum kvöldsins, tekin í matnum.

Hér er pabbi kominn á Einar Ben og allir búnir að hrópa "surprise" !

Við systurnar vorum ekkert smá ánægðar með hvað þetta tókst vel til. Júlía stóð nú samt eiginlega fyrir þessari surprise veislu, fékk hugmyndina og sá um allan undirbúning. Það eina sem ég gerði var að hringja í fólk og bjóða því að koma. Ég er svo ánægð með systur mína, þetta var æðislega vel heppnað!

Í gærkvöldi var svo haldin aðeins minni veisla fyrir nánustu ættingja og þar afhentum ég og krakkarnir afa Úlf jóladagatal sem við útbjuggum fyrir hann í afmælisgjöf. Get náttúrlega ekki sagt frá því hvað er í gluggunum, hann lofaði að opna bara einn glugga á dag!!

Þetta eru búnir að vera svo skemmtilegir dagar og næsta afmæli sem ég kvíði fyrir er hætt að vera 60.

Ég er komin uppí 70.

Eins hryllilega og mér leist fyrst á google wave er það farið að grow on me soldið - svo bætið mér við!

Hvað segir fólk annars um þetta nýja google dót?

Fyrir 45 dögum síðan tók ég áskorun. Þessi áskorun kom frá konu sem tók þátt í sterkasta kona Íslands og snýst um að taka ákveðna æfingu á hverjum degi og bæta einni við þangað til ég fer uppí 100 - á hundrað dögum.

Þetta er æfingin:

Karlmönnum finnst skemmtilegra að skoða þetta demo:

Ég byrjaði á að taka eina, dag no 2 tók ég tvær o.s.frv. Í dag er ég komin uppí 45 og 2. febrúar klára ég 100. Ég mun taka 60 á aðfangadag.

Í sjálfu sér er aðal áskorunin ekki að fara uppí hundrað, ég get það alveg í dag með stuttum hléum. Aðal áskorunin er að gera þetta á hverjum degi. Finna tíma til þess. Byrja án þess að pæla í að þetta sé erfitt. Halda áfram þó maður sé orðinn þreyttur í 30. Gefast ekki upp.

Allavega er það aðal áskorunin fyrir mig.

Ég mæli ekki með að gera þetta í gallabuxum.

Eitt hefur samt komið upp, því þetta er kallað burpee á ensku. Er til nafn á þessa æfingu á íslensku? Ég og Kristín ákváðum að kalla þetta "þræfingu" (þrek-æfing). Hefur einhver betri tillögu?

Einkasonurinn hefur fundið stillingu á hljómborðinu sem kallar fram allskonar skot og sprengi hljóð. Í gærkvöldi frumflutti hann Skotsinfóníu í C dúr af innlifun á meðan ég lá sofandi í sófanum.

Það sem mig dreymdi á meðan var ansi skrautlegt og þegar ég vaknaði og spurði hvað hann væri eiginlega að gera sagði hann: "ég er að spila stríð" og ég horfði á litlu fingurna hans dansa fimlega um nótnaborðið.

Nú hef ég ekki prufað að vera í stríði en þetta hljómaði mjög sannfærandi hjá honum.

Mig langar að finna hóstastillingu á þessari græju og semja Flensupolka.

Einu sinni fannst mér ólívur alveg ógeðslega vondar og pestó og allt þetta dót. En svo fór ég að umgangast svo mikið af fólki sem borðaði þetta eins og því væri borgað fyrir - og svo nautnalega, að mig langaði að prufa. En mér fannst þetta ennþá vont á bragðið. Reyndi samt að fá mér eina og eina til að vera töff eins og allir hinir, og fela grettuna.

Núna er ég allt í einu með massa craving í ólívur og mér finnst þær svo góðar. Í millitíðinni hef ég reyndar lært að meta allskonar pestó og svartar ólívur, en ég er með massa craving í grænar ólívur núna.

Kannski þarf líkaminn eitthvað efni sem er í ólívum til að byggja froskastökks með armbeygju og halavöðva?

Þegar ég var að útbúa jóladagatal afa úlfs, skannaði ég inn fullt af gömlum myndum. Meðal annars fann ég þessa mynd af mér þar sem ég ligg á gólfinu og dingla öðrum fætinum.

Einhverra hluta vegna þykir mér mjög vænt um þessa mynd.

Í dag er ég búin að borða svo mikið að mig langar mest að fara að sofa, það var nefnilega árlegt jólahlaðborð Marel í dag. Þá taka konurnar í eldhúsinu sig til og leggja nótt við dag í heila viku og bjóða uppá þvílíka massa veislu í matsalnum að það er lygilegt.

Ég komst samt bara eina ferð og missti af öllum heita matnum, því ég var sprungin.

Í gærkvöldi sá ég myndina Julie & Julia í bíó. Ohhh hvað þetta er yndisleg mynd! Alveg grunaði mig að ég myndi fíla þessa í ræmur - sem ég gerði.

Þegar ég kom heim fór ég beint á netið og pantaði mér bókina (eða bækurnar) Mastering the Art of French Cooking - ég fæ þær í byrjun janúar og ég get ekki beðið!

Meryl Streep er með betri leikkonum sem ég hef séð. Hún er gjörsamlega dásamleg sem Julia Child. Ég elska fólk sem þorir að vera það sjálft. Julia Child hefur verið akkúrat þannig kona.

Ég brosi alveg hringinn þegar ég rifja upp sum atriðin í myndinni.

Yndisleg bíó upplifun.

Ég var að klára að gera 50 burpees á stofugólfinu. Það þýðir að ég er búin með helminginn af tímanum, en aðeins lítinn hluta af burpees. Á morgun geri ég 51.

Akkúrat núna líður mér eins og ég sé að örmagnast. Mér er hrikalega illt í handleggjunum, magavöðvunum og lærvöðvunum. Ég er fáránlega móð og svitna á stöðum sem ég vissi ekki að ég hefði staði.

En djöfull er ég ánægð með mig. Ég fokking rúla.

Mér finnst að Ingó og ég ættum að fá kassa af gler-kóki frá Vífilfelli fyrir þessa. Þetta er heiðarleg mynd.

"Þú getur komið með græjur og ég tek þá bara myndir af þér á meðan þú ert að taka þig til - en mig langar að taka myndir af þér ómálaðri."

Hvaða ónáttúra er að biðja mig um að vera ómáluð í myndatöku, hugsaði ég, en sagði já - vitandi að ég gæti þá bara látið hann henda öllum "ómáluðu" myndunum. En þegar ég kom heim úr vinnunni í gærkvöldi steinsofnaði ég, svaf yfir mig og þegar Ingó hringdi í mig korter yfir átta var ég nývöknuð og rauk strax út.

Þetta er akkúrat ástandið sem maður á að vera í þegar einhver er að fara að taka myndir af þér.

Við byrjuðum, eins og venjulega, og á fystu myndunum var ég þreytt og utanvið mig.

Hann tók breik, fór að stilla lýsinguna, færa kastara og fleira þegar ég spurði hvort ég mætti ekki taka burpees æfingarnar á meðan. Ekkert mál. Ég tók tíu og svo aftur tíu. Á eftir var ég svo þreytt að ég lagðist á gólfið. Hann breytti lýsingunni aftur og fór að taka myndir af mér á gólfinu. Ég hef ekki verið svona afslöppuð í myndatöku áður, bæði erum við Ingó byrjuð að mynda e.k. relationship, ég treysti honum því þetta er ekki í fyrsta skipti sem hann tekur myndir af mér, og ég var líka þreytt, bæði eftir daginn og líka eftir æfingarnar sem ég tók.

Mér finnst þessi ljósmyndasession okkar Ingó svo skemmtileg - og ég nennti ekki að mála mig þegar á hólminn var komið, svo þetta eru face off myndir.

Myndin heitir "Resurrection" og er eftir Peter Callesen.

Hafið það yndislega gott yfir hátíðarnar.

Það tók okkur þrjú kvöld að púsla 1500 bita púsluspil, uppáhalds púsluspilið mitt frá Ryba; Romantic town.

Nú erum við hinsvegar búin að setja saman rammann af 4000 bita púsluspili sem er líka eftir Ryba, heitir Trafalgar og mun líta svona út þegar við erum búin:

En akkúrat núna lítur þetta svona út (5 þúsund kallinn er til að hafa viðmið varðandi stærð) :

Spurningin er.. hvað verðum við lengi að klára?