Well, I am going to go to sleep now, that seems like a good way to see a draumaprins.

Víst eru til prinsar á ýslandi, a.m.k. ég. Gerðu ekki lítið út okkur þótt við liggjum í leyni, kannski harpgiftir en elskum þig samt. Þesssi prins hér guðar á glugga þinn ekki sjaldnar en daglega; ekki einvörðungu vegna þess að fátt finnst honum skemmtilegra að lesa en hugleiðingar þínar, heldur fremur vegna þess að hann vill vita hvenær raunveruleg þörf er á því að hann komi skeiðandi á hvíta hestinum til að svipta þér á bak og ríða með þig út í sólarlagið, burt frá innrivefnum ógurlega og öðru því sem spillir gleði þinni.

Vertu alltaf klár með vegabréfið og börnin í bakpokanum, þetta gæti skollitð á með litlum fyrirvara.

Þinn einlægastur,

Prins

Jahahá!

Dregur til stórtíðinda.
Hvar ert þú búinn að vera sl. fimm ár? Ha?

Komdu á svarta fáknum, mér leiðast hvítir hestar og bílar.

Þessi prins hér að ofan verðskuldar varla stórt p. Hann skrifar óhreint og kæmist varla yfir síkið að kastala Önnu þótt vindubrúin lægi flöt fyrir honum.

Kæra Anna, varaðu þig á lukkuriddurum eins og honum, nógir erum við aðrir sem elskum þig.

Hinn prinsinn

Oh greit. Skitsó prins.

yay.

Eða bræður. Varla margar aðalsættir á Íslandi.

Sennilega tvíburar.

Yaya, segirðu, næstum því. Það er stórt orð og merkingarþrungið, við réttar aðstæður. Enda hafa þessar sjálfskipuðu prinsadruslur dregið sig í hlé. Þeir eru líka að fróðra kvenna sögn skitsó og skammast sín fyrir þær lausu hægðir og óhreinar nærbuxurnar.

Gráttu þá ekki, aðrir skárri eru að smeygja sér í ístöðin á enn betri hrossum, kannski ekki kolsvörtum en dökkleitum þó.

Ó.. ég var farin að sjá fyrir mér að ég væri með backup ef annar væri með hausverk.

Not to worry, ég felli ekki eitt tár yfir mönnum í óhreinum nærbuxum.

Síðast þegar karlmaður kom að heimsækja mig á hesti vakti það mikla lukku í götunni. Þú verður að gefa mér smá fyrirvara, gæti skellt upp götupartíi fyrir nágrannana. Er stemming fyrir rauðum dregli?

Hvernig kampavín drekkurðu helst?

Nú ertu að missa þig í bullið, góða. Það er bara hrossið sem drekkur kampavín, riddarinn vill vatn, langriðinn og skraufþurr úr eyðimörkinni. Og engin teppi, takk, nema fyrir Blesa. Sá sem sat hann gengur sárum iljum alla leið að hásæti gyðjunnar, hneigir sig djúpt og spyr: Hvað get ég gert fyrir þig?

Þú yrðir að byrja á að fella drekann. Það er reyndar búið að myrða alvöru drekann minn sem mér var farið að þykja mjög vænt um (Stockholm syndrome), en ég er með skjaldböku hérna sem er farin að fara í taugarnar á mér. Hún heitir Jónas.

Þú verður að byrja á að fella Jónas. Ef þú treystir þér til þess, þá skal ég segja þér hvað þú getur gert fyrir mig.

Hvar finn ég ógnvaldinn Jónas? Sigaðu honum á ip-töluna mína og láttu hann naga hana inn að vefrót. Þar gríp ég í snjáldrið á honum... og kem svo á þinn fund með nýeldaða súpu.

Nýeldaða súpu. Fullkomið.

Jónas er byrjaður að naga.

Riddarinn vaktar allar snúrur og hlustar grannt eftir skrjáfi í veggjum, en enn er tíðindalaust.

Suðan er þó að koma upp í pottinum og kryddjurtir ýmsar innan seilingar.

En hvar er Jónas?

Er Jónas kannski bara hugarfóstur meyjarinnar? Eitthvert ævintýramonster sem hún hefur komið sér upp til að bægja frá ólukkuriddurum sem óttast dreka?

Þú ert þegar byrjaður að gera hluti sem draumaprinsar þurfa að kunna.

Hann þarf að sjá í gegnum mig.

Það er engin Jónas. Og það er enginn dreki.

Þú hefur afvopnað mig.

Hér eru engin ævintýr að verða. Slökkt hefir verið undir potti; riddarinn mígur á glóðirnar, sviptir sér á bak Blesa og ríður út í óvissuna.

Í leit að því sem hann veit ekki hvað er.

Góða ferð.

Úff...það vantar ekki yfirlýsngarnar frá prinsunum hérna á svæðinu. Sem varpar upp spurningunni: "Hvað er svona merkilegt vði það að vera prins?" Sé ekki alveg hvað er svona eftirsóknarvert við það að vera prins, en það sem er athylgisverðara...hvers væntum við að prinsum? Eiga þeir að redda einhverju fyrir okkur? Gæti verið...Það er bara svo miklu meira spennandi að græja hlutina sjálf...og þú, Anna, ert manneskja sem augljóslega græjar hlutina sjálf. Kannski þarftu bara einhvern sem er duglegri að benda þér á allt það sem þú hefur áorkað sjálf, á eigin forsendum. Og þetta með togstreituna...það er ekkert slæmt, alls ekki....bara eitthvað til að skoða og glöggva sig á - við getum kallað það stökkpall á nýjar lendur...spennandi staður...

..og þess vegna hef ég ekkert við prins að gera, ég þarf DREKA!

Þú skilur mig.