Ég hef lengi reynt að sannfæra mig um að Mustang séu flottir bílar, af því að ég held að einhvers staðar innst inni viti ég að svo sé. Innræting mín frá æskuárum kemur þó í veg fyrir að ég leyfi mér að viðurkenna slíka villutrú - Chevy er málið. Camaro, Chevelle, Corvette - en Ford? Nei, fjandinn fjarri mér. Aldrei. Amk ekki opinberlega - en með glóandi járn við viðkvæma líkamsparta þá - þá mundi ég frekar taka undir með þér en syni þínum...

Þú talar eins og Mustang sé framsóknarflokkurinn.

Bílar eru ekki trúarbrögð. Þó einhver eigi Mustang þýðir það ekki (allavega ekki í mínum huga) að hann geti ekki átt neitt annað eða líkað við neina aðra bílategund. Mér finnst það allavega spes.

Ég var einmitt að tala við mann í gærkvöldi sem sagðist hafa séð umfjöllun um nýjasta mustanginn og bíllinn var gagnrýndur fyrir að sum smáatriði voru ekki alveg eins flott og þau hefðu geta verið. Ég svaraði að muscle cars eiga að vera... (og ég fann ekki rétta orðið, hann fann það fyrir mig) ..svolítið hráir.

Mustang er eins og flottur karlmaður en hann er ekki með mesta tilfinningaþroskann á jörðinni og hann gerir stundum heimskulega hluti vegna þess að hann er með of mikið af karlhormónum í kerfinu. En það er akkúrat eitt af því sem er svo heillandi við hann in the first place og þú elskar hann eins og hann er - með kostum og göllum.

Corvette er meira.. eins og flott kona. Fíngerð og fljót upp.

Ef ég væri fáránlega efnuð myndi ég sennilega safna bílum og eina bílategundin sem mér dettur í hug sem ég hefði ekki áhuga á að kaupa er VW línan - og Skoda. Ég myndi t.d. vilja eiga allavega einn Trabant og einn Moskwitch

Ég held að ég hafi ógeð á vw vegna þess að.. nei. Ég veit það ekki. Kannski fékk ég ógeð á Garfield árunum. Mér finnst VW bara boring bílar. Skoda veit ég hinsvegar nákvæmlega hvað það er sem ég meika ekki. Merkið. Ég held að Skoda sé gott dæmi um klúður í rebranding.

Bílar ekki trúarbrögð? Kanntu annan?
Í mínu æskuumhverfi voru bílar svo sannarlega trúarbrögð, þar sem Chevrolet var Guð (og aðrir GM-bílar tilheyrðu englunum) og Ford fjandinn sjálfur. Chrysler og allt það dót var svo bara eitthvað fyrir sérvitringa. En þetta gilti bara um ameríska bíla - mikill rígur og samkeppni í gangi (tek það fram að ég var bara smápatti sem fékk þetta beint í æð frá eldri fjölskyldumeðlimum sem voru á kafi í kvartmílustússi og álíka gáfulegum hlutum og eyddu flestum kvöldum í "skúrnum" þar sem ég fékk oft að hanga með þeim).
Nema hvað, auðvitað er Mustang - sérstaklega eldri týpurnar - flottur bíll. Það bara eimir enn eftir af innrætingunni, sjáðu til, því lengi býr að fyrstu gerð...
Ég ræð hins vegar af mati þínu á Corvettunni að þú hafir aldrei kynnst slíku apparati neitt sérstaklega náið - því hún er kenjótt með eindæmum, óstýrilát - og hrá. Það gildir eiginlega það sama um hana og Stanginn, nýjustu árgerðirnar eru orðnar einum of fágaðar, mér skilst að þær allra nýjustu hafi meira að segja þokkalega aksturseiginleika! Það er algjör bylting í sögu Corvette, því get ég lofað.
Það eru til fjölmargir bílar sem ég hef nákvæmlega ekkert álit á (Hyundai kemur strax upp í hugann), en ég skil ekkert í andúð þinni á VW. Hvað með Bjölluna (þá gömlu, n.b.)? Og Golf GTI? Rúgbrauðið? Allt helvíti töff bílar.

"kenjótt með eindæmum, óstýrilát" hehehe

Ég hef bara kynnst einni Corvettu og hún var ný. Ekkert hrátt við þann bíl.

Sennilega endurspeglar það trúleysi mitt almennt hversu litla "trú" ég hef á bílaframleiðendum. Sama gildir um tónlist. Ég á engan uppáhalds tónlistarmann, en ég á uppáhalds lög. Ég á engan uppáhalds bílaframleiðanda, en ég á uppáhalds bíla.

Kannski er þetta spurning um uppeldi. Samt. Ég var alin upp á kristilegu heimili.

Sammála með Hyundai. Gamla bjallan er náttúrlega æði en nýja bjallan? Crap. Golf, in any way shape or form, finnst mér ljótir bílar. Gæti samt alveg hugsað mér að eiga rúgbrauð.