Hvaða þjóð hittir þú ?
Ég hitti nefnilega þjóð í dag, hún var ekki niðri á Austurvelli. Kannski hefur það verið einhver önnur þjóð ...

Láttu nú ekki svona Geir.

Það verður gaman að sjá Harde-Geir í fjölmiðlum í fyrramálið, haldandi því fram að ríkisstjórnin ætli ekki að láta undan þrýstingi mótmælenda.

Mér sýnist annars að skilaboðin séu skýr, og að það sé orðin ansi mikin samstaða um að þingið, FME og Seðlabankinn eigi að laxera.

Það sem skúffar -- en kannski er það kostur, veit það ekki -- er að það hefur enn ekki fæðst uppreisnarforningi, sem etv. getur tekið að sér forystu í uppbyggingu landsins.

Kannski að Ísland sé þar sem Pólland var árið 1980?

"The growing debt burden became insupportable in the late 1970s and economic growth had become negative by 1979.”

"The Gdańsk Agreement is very important to the politics of Poland because the strikes exposed the corruption and negligence within the state’s leadership. In recognizing individual rights, such as the freedom of expression, the government is opened for the creation of civil societies. "

http://en.wikipedia.org/wiki/Gda%C5%84sk_Agreement

Er næsta skrefið ekki að búa til 15-20 kröfur á hendur stjórnvöldum og semja?

Við erum byrjuð að vinna í þessu.

Saman.

Var þar líka, líst vel á þessa þjóð.

Ég er búinn að hugsa mikið um þetta, og líst eiginlega mjög illa á kosningar.

Ég er ekki viss um að það kerfi sem er gallað eigi að nota nokkurn tíma framar.

Áður en haldið er í kosningar hefði ég vilja sá 10-20 skýr atriði sem núverandi stjórnmálamenn verða að skrifa undir.

Það þarf að gera kröfu um og semja um tam. gagnsæi, opna stjórnsýslu, osfrv. áður en lengra er haldið. Annars heldur sama pukrið áfram í gegnum næstu kosningabaráttu, og við endum uppi með Framsóknarflokkinn sem margfaldan sigurvegara, sem fer beint í ríkisstjórn með leifunum af Samfylkingunni.

Algjörlega sammála þér. Hvers vegna heldurðu að við séum að þessu: www.lydveldisbyltingin.is

Annars vil ég reyndar e.k. fagstjórn/neyðarstjórn í minnst hálft ár áður en við kjósum. Fólk sem tæklar ástandið og kemur því í viðunnandi farveg. Ég veit ekki um einn stjórnmálamann sem ég treysti til þess.

En þar er lagt upp til kosninga, ekki satt?

Ég er eiginlega á því að Pólska leiðin sé málið. Setja fram kröfur hér og nú, og skilgreina náið hvernig á að ná þeim fram.

Láta and...... stjórmálamenn skrifa persónulega undir yfirlýsingar og standa við þær (tam. að gefa upp alla hlutabréfaeign sl. 5 ár og til dagsins í dag). Árið 1980 höfðu starfsmenn skipasmíðastöðvarinnar í Gdansk gífurleg áhrif. Með Samstöðu.

Það væri auðvitað draumastaðan, en til þess þurfum við að semja það sem við viljum, og við erum byrjuð á því.

Mér er nákvæmlega sama hver sér um að breyta reglunum, hvort það er núverandi stjórn eða stjórnin sem tekur við af þeim. Mér er sama, svo lengi sem þessu er breytt.

Það sem háir mótmælunum nú er að kröfurnar miða að því að þessir höfðingjar segi af sér, og að það verði boðað til kosninga.

Það hentar orðið flestum flokkum að gera það, og á sama tíma myndu þeir ekki skuldbinda sig til að gera eitt eða neitt.

Ég vil sjá skuldbinginar -- ekki kosningaloforð -- áður en verður svo mikið sem hugsað um kosningar.