 |
|
|
|
 |
All better
Þriðjudagur, 18. nóvember 2008
Á föstudagskvöldið kom fyrrverandi eiginmaður minn að sækja börnin. Spurði hvort ég væri farin að hamstra klósett í kreppunni þar sem inná miðju stofugólfi stóð heilt klósett í allri sinni dýrð. Fékk það afhent fyrr um daginn. Ég reyndi að ljúga að honum að ég væri búin að ákveða að leggja allan sparnaðinn minn í klósett en hann þekkir mig of vel og fannst það ósennilegt. Nú er búið að skipta út klósettinu inná baði en einkasonurinn varð mjög fúll þegar ég sagði honum að við værum ekki að setja upp klósett í stofunni, honum fannst það svo upplagt. Á laugardaginn fór ég á mótmælin niðrí bæ. Gaman að sjá þverskurð þjóðfélagsins þarna og ég ætla að fara næst. Engin spurning. Fór líka í ræktina og hélt út heila æfingu, sem mér finnst nú bara helvíti gott miðað við hvernig ástandið er búið að vera á mér. Þurfti virkilega á því að halda að hreyfa mig. Ég fór í vinnuna í gærmorgun í fyrsta skipti í nærri þrjár vikur. Eftir vinnu í gær var ég svo þreytt að ég sofnaði um kvöldmatarleytið og svaf fram á nótt. Krakkarnir eru orðin svo vön því að ég sé meðvitundarlaus einhversstaðar að þeim fannst þetta ekkert óeðlilegt og datt ekki í hug að vekja mig. Ég er minna þreytt í dag en ég var í gær. Hringdi í LÍN í gær og lagði inn formlega kvörtun yfir því að helvítis baunateljararnir hjá Intrum hafi sent mér og foreldrum mínum lokaaðvörun/hótun vegna greiðslu sem ég er löngu búin að borga og ég er að hugsa um að fara frammá að mér og ábyrgðamönnunum mínum verði send skrifleg afsökunarbeiðni á þessu ónæði. Ljóta skítastofnunin sem Intrum er og ég virðist í uppáhaldi þar á bæ því þetta er í annað skiptið sem þeir gera þetta á þessu ári. Aldrei senda þeir mér neitt sem er í alvöru vanskilum af því það er ekkert í vanskilum! Ef þú lendir í þessu, hvað sem þú gerir, ekki eyða orðum í starfsfólk Intrum. Heyrðist konan hjá Lín líka tala af reynslu þegar hún pirraði sig yfir því af hverju í fjandanum þeir væru að senda á fólk sem er búið að borga. Sennilega hata ég Intrum jafn mikið og þeir hata mig - þó mig gruni að ég hati þá af meiri ástríðu. Til hvers að gera hluti ef maður gerir þá ekki af ástríðu? Í hádeginu í dag fór ég að hitta mann sem kenndi mér á stuttu námskeiði fyrir.. ca 100 árum síðan (9). Ég lærði ekkert á þessu námskeiði því í fyrsta tímanum var ég fárveik þannig að ekkert af því sem hann sagði rataði innum réttar rásir í heilanum á mér og í næsta tíma leið mér eins og ég væri komin í the twilight zone og allir væru að tala japönsku. Hann spurði hvort hann væri svona lélegur kennari, ekki held ég nú að það sé málið. Ég er satt að segja hrædd við námsefnið sem hann var að kenna - enda er það mjög skerí. Serious and professional. Eftir aðgerðina síðasta þriðjudag hef ég lagast alveg ótrúlega - loksins - enda var ég búin að ákveða að ég yrði fljót að jafna mig þegar sýkingarvaldurinn væri fjarlægður og þetta reyndist rétta tönnin. Þegar ég fór að lagast áttaði ég mig á því að ég er sennilega búin að veik miklu lengur en ég gerði mér grein fyrir, mögulega tvo síðustu mánuði. Þetta gerðist bara svo hægt að ég hélt að ég væri svona illa sofin eða illa nærð eða illa stressuð eða illa eitthvað - allt annað en flat out veik. Eftir að ég komst í lag er ég búin að spæna upp "to do" listanum mínum. Bíllinn hreinn og skoðaður, kominn á nagla og tilbúinn fyrir veturinn. Allir skór sólaðir. Búin að fara yfir póstinn minn, finna allar ávísanir ársins (og nokkrar sem voru sendar til mín á síðasta ári) og innleysa - nema útlendu tékkana, það er ekki hægt að leysa þá út í bananalýðveldinu. Aðalsprauta Marel bandsins hafði samband við mig fyrir tveimur vikum og tilkynnti mér að ég yrði að vera komin á lappir fyrir 5. des, því þá væri ég að syngja með bandinu. Og nú er ég komin á lappir. Fyrir þetta gigg með blúsbandinu þarf ég að útvega mér blues brothers hatt, sólgleraugu og lakkrísbindi. Á einhver þannig til að lána mér? Ætla að sleppa börtunum, gengur ekkert að safna þessu. Annars er hér ein hugmynd fyrir fólk sem er leitt á að fá rukkanir. | anna | 18:54 |
comments
Ég á mjög líklega ekki eftir að eignast fyrrverandi eiginmann og þú, en það er hins vegar örugglega ólíklegt að ég mun aldrei eignast jafn góðan fyrrverandi eiginmann og þú. Ég mun samt reyna að hafa upp á þér á Austurvelli, ég verð með skilti sem segir "Lakkrísinn lækki - lýsið hækki!" Nr. 1 | posted by: AlanHudson | 19.11.2008 | 4:14:49 | [+] |Alveg er ég sammála þér með Intrum. Þeir eru búnir að leggja mig í einelti frá því í september vegna árs gamallar skuldar minnar við mötuneyti Melaskóla. Ég er nýbúin að hringja í þriðja skipti til þeirra til að útskýra að ég væri ekki tilbúin til að borga árs dráttarvexti ofan á þessa kröfu þar sem barnið mitt var ekki í þessu tiltekna mötuneyti fyrr en í september á ÞESSU ÁRI. Ertu farin að sóla skó líka??? Það er steingólf hjá Marel, eða.. skeljasandur eða eitthvað. Allavega er gólfið þannig að sólarnir undir skónum hjá manni tætast upp svo ef ég ætti ekki að kaupa mér nýja skó fyrir vinnuna á tveggja mánaða fresti, þá þarf ég að láta sóla mína jafn oft. Ég er komin með fricking afsláttarkort hjá skósmið! Ég þvæ ekki bíla heldur né bóna og umfelga ekki einu sinni hérna útá plani. Ég outsorsa þessu öllu saman. Skipti ekki einu sinni um klósett sjálf en gaf reyndar manninum sem gerði það fyrir mig að borða þegar hann var búinn og ég held að hann hafi alveg verið sáttur. Auk þess er ég helvíti góður handlangari og honum fannst gaman að vinna þetta með mér. Í dag fór ég í meiri útréttingar og bráðum fer þetta alveg að verða búið - í bili. Guði sé lof að þetta sé ekki búið alveg. Note to self: tékka á líftryggingunni. Nr. 5 | posted by: anna | 19.11.2008 | 19:21:27 | [+] |Fråbær lausn, eg ætla ad teikna fullt af køngulom fyrir næstu månadarmøt.. Jå Intrum eru bjånar...eg fekk vægt hjartaåfall i gær, fekk meil fra Intrum um ad eg væri med tæplega 700.000.- i vanskilum å ymsum stødum.... kikti svo betur yfir brefid og thad åtti bara ad fara a allt adra Elinu... ekkert verid ad tekka serstaklega a thvi hvada e-mail er sent å Ég þekki þig ekki neitt Anna, en ég hef lesið bloggið þitt árum saman og er til í að lána þér svarta Bogart-hattinn minn og speglasólgleraugun (hvort tveggja keypt í Þýskalandi 1984). Lakkrísbindið mitt er hins vegar vínrautt leðurbindi sem passar líklega ekki (en það er frá 1982 eða þar um bil). Nr. 7 | posted by: Guðrún | 21.11.2008 | 0:47:47 | [+] |post a comment
|
