Innilega sammála! Er búin að vera brjáluð út af einmitt þessu! Flokkapólitík er skítug og gamaldags. Og búin að vera það lengi. Endalaust eiginhagsmunapot og klíkuskapur. Það þarf að byrja á að skipta um kerfi. Þetta virkar ekki og hefur ekki gert það lengi.

Ég sá kvikmyndina um ABBA á sínum tíma í Austurbæjarbíói. Og söngleikinn erlendis. Tískan mætti alveg koma aftur. Stundum geng ég um í ímynduðum diskógalla og silfurstígvélum með þykkum botni. Það virkar ansi vel.

Anna, ég skil að þú sér reið. Það er sársaukafullt að horfa upp á þetta. Maður fellir tár yfir bílaauglýsingum.

Tvær stofnanir samfélagsins eru ábyrgar.

Ég er sammála þér í því að stjórnmálin eru í heild sinni ábyrg fyrir klúðrinu og þ.a.l. aðrar undirstofnanir þeirra eins og fjármálaeftirlit, Seðlabanki og fleiri.

En þú gleymir annari meginstofnun og það eru fjölmiðlarnir. Þeir bera jafn mikla ábyrgð því þeir gefa sig út fyrir að vera fjórða valdið en brugðust sínu eftirlitshlutverki með því að gefa sig á vald valdamönnum í stjórnmálum og viðskiptalífi. Og eru því miður enn við sama heygarðshornið.

Þetta er rétt Egill, mér finnst bara svo ágætt að kalla þá heilögu þrenninguna.

Það eru engir fjölmiðlar í landinu sem mark er takandi á. Egill Helga reynir að keyra umræðuna áfram en það vantar hard core rannsóknarblaðamennsku og fréttaskýringar. Það þarf að fylgja málum eftir - og það þarf að gera það í blöðum sem menn geta lesið á kamrinum heima hjá sér. Það er eins og fólki finnist hlutirnir hafa meira vægi hafi þeir verið prentaðir á pappír - sem gerir þetta ennþá alvarlegra í ljósi þess að það er engin pappír hér sem mark er takandi á og engin að sinna vinnunni sinni.

Það þarf utanaðkomandi aðila til að rannsaka þetta mál allt og mögulega erlenda fréttamenn til að koma með fréttaskýringar, ef einhver botn á að nást í þetta. Sérðu fyrir þér að einhver af íslensku fjölmiðlunum eigi eftir að skýra hlutlaust og af fagmennsku frá því sem átti sér stað?

Agnes setti tónin hvað það varðar með þessari alkóhólísku kenningu sem allir ráðamenn taka undir í einum kór: þetta var sko... öllum hinum að kenna.

My ass.

Rétt, fjölmiðlarnir hafa staðið sig afar illa sem fjórða valdið. Enda ekki undarlegt ef litið er til eigendanna. Hins vegar vil ég minna á að tveir þættir á Rás 1 hafa stundað alvöru rannsóknarblaðamennsku og bæði varað við og upplýst um allt sem nú er komið fram. Það hafa þeir gert í fjölda viðtala og fréttaskýringa undanfarin ár. Þetta eru þættirnir Spegillinn og Krossgötur.

Góður punktur Sigga. Það þarf hinsvegar að prenta þetta á pappír líka til að fólk hlusti.

Mér finnst það allavega stundum vera þannig.

Ég tek undir þetta sem þú segir, Anna og sammála Siggu með t.d. Spegilinn. Mjög góður þáttur en því miður er hlustunin ekki næg. Kannski er þetta rétt sem þú segir með pappírinn.

Vandinn í hnotskurn er þessi.

Fjölmiðlarnir hafa skilgreint stjórnmálaflokka og viðskiptablokkir sem skjólstæðinga sína en ekki fólkið í landinu. Ef allir fjölmiðlar myndu skilgreina fólkið í landinu sem sína skjólstæðinga þá væru efnistök allt önnur.

Því miður eru allir fjölmiðlar undir sömu sök seldir og er þá RÚV ekki undanskilið. Því miður.

Ég hef lagt þetta til sem grundvallarlausn og þá tel ég að annað fylgi nokkuð náttúrulega í kjölfarið:

1. Gera landið að einu kjördæmi og bylta þannig möguleikum fólks til að bjóða sig fram. Við þessa breytingu myndum við losna við stóran hluta af núverandi stjórnmálamönnum og fá nýtt blóð sem síður væri kosið á þing af því það lofaði göngum í einhverju krummaskuði heldur myndi vinna fyrir þjóðina alla.

2. Auka gagnsæi allra stofnana samfélagsins með því að innleiða gæðastjórnunarkerfi fyrir Ísland. Það myndi tryggja aðgang almennings að öllum stofnunum og ef stofnun sinnir ekki því hlutverki væri auðvelt að kvarta og kvörtunum svarað innan mjög stutts tíma. Upplýsingagjöf um stjórnmálaflokka og fjármál þeirra yrði bylt. Hugmyndir yrðu sóttar til Svíþjóðar og Noregs.

3. Fjölmiðlar yrðu skyldaðir til og myndu lýsa því yfir að fólkið í landinu væru skjólstæðingar þeirra og eignarhaldi þeirra yrði gjörbylt með nýju fjölmiðlafrumvarpi (ég vildi að við hefðum haft gæfu til að samþykkja það síðasta, það hefði án vafa breytt miklu. Munum hverjir voru á móti því.)

Ég er svo innilega sammála þessu. Hef oft sett fram svipaðar hugmyndir sjálf. Það er mjög brýnt að stokka kerfið upp núna.

Já og ég gleymdi - þetta er því miður satt með muninn á ljósvakamiðli og prenti. Það sem er sett á prent er virðist varanlegra - töluðu orðin hverfa út í myrkrið. Eru svo stutt í loftinu. Samt sem áður er talaða orðið ekki síður varanlegt ef út í það er farið - geymt á safni.

Hvernig getur fólkið hrint þessum hugmyndum í framkvæmd, allavega komið þessu áleiðis? Ég segi að alþýðan eigi að taka upp slagorðið "ekki gera ekki neitt" - enda er þetta það sem við eigum eftir að fá troðið ofaní kokið á okkur eftir mjög stuttan tíma - ef við gerum ekki neitt.

Og jafnvel þó við gerum eitthvað, þetta land er rjúkandi rústir. Mér þætti þó huggun harmi gegn ef eitthvað skárra system rís uppúr rústunum.

Ég vil líka fá alvöru mótmæli þar sem einn maður er ekki tekin fyrir. Listinn er svo miklu lengri. Það þarf að stokka öllu upp hérna.

Með ljósvakamiðla, eru gerð handrit að þáttunum? Ef handritin væru sett á netið væri þetta strax orðið varanlegra því þá væri hægt að vísa í þetta - og prenta út.

Með fyrirvara um skerta meðvitund