 |
|
|
|
 |
Key Tronic
Mánudagur, 07. júlí 2008
Lyklaborðið mitt er ónýtt vegna þess ég helti kóki yfir það í fyrradag. Ctrl takkinn virkar ekki eins og hann á að gera, samt virkar hann betur núna en hann gerði í gær. Í gær var allt að gerast. Fullt af gluggum og dóti sem ég hef aldrei séð áður birtist á skjánum þegar ég notaði Ctrl. Það er svona að lifa á brúninni. Ég á annað lyklaborð hérna einhversstaðar. Gagnast mér lítið þar sem ég veit ekki hvar það er. Samt er eins og mig minni að ég hafi sett það á "góðan stað" vegna þess að ég á til að skemma amk 1 lyklaborð á ári. Oftast skemmi ég þau á sumrin og oftast með því að hella einhverju ofaní þau og oftast vegna þess að ég er að slá til flugu sem sleppur - vegna þess að ég er með hugan við það sem ég er að gera á lyklaborðinu, ekki við að drepa fluguna. Þegar ég átta mig á því að ég er búin að drepa lyklaborðið dæmi ég fluguna til dauða. Þó ég þurfi að rústa íbúðinni til að ná henni. Þess vegna er íbúðin mín í rúst núna. Ég held að ég hafi skrifað næstum nákvæmlega svona blogg áður. Og mér er sama. Þegar flugan var dauð henti ég henni frammaf svölunum. Kannski var þetta hundur, húsið nötraði þegar hún lenti á jörðinni. Vildi láta kalla sig Lúkas. Flugur eru í alvöru geðveikar. Annars var ég að keyra um daginn með sportskiptingunni minni þegar kom í ljós að ég var ekki ein í bílnum. Hjá mér var geitungur. Anna Rambó, cool as ice, opnaði alla fjarstýrða glugga í bílnum, fann Whitney Houston disk sem ég setti í magasínið. Geitungurinn fór alveg um leið. (Þetta virkar á karlmenn líka.) Whitney er næstum jafn öflug og WD40. Smá útúrdúr. Ég elska WD40 og eftir að ég skoðaði heimasíðuna þeirra elska ég það bara meira "plays as hard as you do". Með svona tag line.. meina.. þú getur ekki tapað. Það er ekkert sem ekki er hægt að gera með þessu efni. Þú getur drepið pöddur, kryddað pizzur, lagað rennilása og spreyjað í augun á sveittum og uppáþrengjandi lúðum á djamminu. Útúrdúr lýkur. Það er svona þegar maður er í extreme aðstæðum, þá tekur eðlisávísunin við og maður bara veit hvað þarf að gera. Ég er kannski ekki í extreme aðstæðum núna en ég þarf annaðhvort að finna lyklaborðið sem er á góða staðnum - sem ég veit ekki hvar er - eða kaupa lyklaborð. Sennilega er ég fljótari að kaupa nýtt. Á eftir held ég stutta minningarathöfn en ég ætla ekki að henda gamla lyklaborðinu frammaf svölunum því þetta þetta er síðasta góða KeyTronic lyklaborðið mitt. Örlögin leika mig grátt. Blóm og kransar afþakkaðir - en þeir sem eiga KeyTronic lyklaborð sem þeir eru hættir að nota, dead serious: Anna Helgadóttir (pref. ergoforce) Hvar fæ ég alvöru lyklaborð í dag? | anna | 21:42 |
comments
Gömlu IBM hlunkarnir voru bestir. Ég gæti átt eitt KeyTronic, en ef það er enn finnanlegt þá er það á góðum stað mörg þúsund kílómetra héðan. Ef ég rekst á það síðar meir þá skal ég hafa þig í huga. Þú vilt fá svona með jarðtengdri bilslá (sem er víst ekki jarðtengd, bara með eldingarmerki)? Nr. 1 | posted by: AlanHudson | 8.07.2008 | 2:30:13 | [+] |Tjah.. Ég veit ekki nákvæmlega hvað það er við keytronic sem ég elska, það er bara eitthvað við hvernig er að koma við takkana og hvernig það hallar. Og þeir eru hættir að framleiða lyklaborðin sem mér finnst best, allavega fannst mér síðasta keytronic lyklaborð sem ég keypti ekki gott. Kannski læt ég bara svona af því ég fór af makka rusl lyklaborði yfir á keytronic og það var ást við.. fyrsta innslátt? Það var dásamlegt. Hvað segirðu Alan, allir hressir? Nr. 2 | posted by: anna | 8.07.2008 | 3:53:43 | [+] |Fáðu þér Das lyklaborð. Það er nákvæmlega eins í laginu og Keytronic Ergoforce. Annars á ég tvö IBM lyklaborð, af gömlu PS/1 tegundinni, sem bæði Keytronic Ergoforce og Daskeyboard eru byggð á. Þú mátt fá annað. Það þyrfti sennilega að taka það í sundur og hreinsa. Nr. 4 | posted by: Elías | 8.07.2008 | 9:36:44 | [+] |Get mælt með einu sem rifjar bara upp góðar minningar Þú gætir prófað að setja lyklaborðið í uppþvottavélina, veit að það hefur virkað vel hjá mörgum, og hey það verður ekkert ónýtara við það en það er Nei ég er ekki að grínast með þetta, en skv þessu http://www.npr.org/templates/story/story.php?storyId=11029793 er þetta víst afar vond hugmynd en skv þessari grein http://fourone.org/chris/2007/09/22/keyboards-dishwashers/ virkar þetta vel. Eins og ég sagði lyklaborðið verður varla ónýtara en ónýtt? Nr. 8 | posted by: Kjartan Þór | 8.07.2008 | 20:58:56 | [+] |Hehe, skil það ég þoli ekki Logitech lyklaborð, annars vil ég bara svona http://www.microsoft.com/hardware/mouseandkeyboard/productdetails.aspx?pid=043 Nr. 10 | posted by: Kjartan Þór | 8.07.2008 | 22:28:06 | [+] |hehe já, ég reyndar spila svo lítið af tölvuleikjum Lyklaborðið í uppþvottavélina virkar vel. Enn betur ef þú nennir að rífa það í sundur og sleppa því að setja straumrásaplötuna með, svo getur þú átt skemmtilega föndurstund við að troða tökkunum á aftur Ef þú ert að leita að alvöru lyklaborði þá getur þú fengið þögla útgáfu af IBM hlunkunum frá UNISYS http://pckeyboards.stores.yahoo.net/en104bl.html Nr. 13 | posted by: spörri | 9.07.2008 | 11:14:45 | [+] |Unicomp ekki unisys sorry Nr. 14 | posted by: spörri | 9.07.2008 | 11:16:19 | [+] |Ég á Keytronics lyklaborð sem þú getur fengið gefins. Þú veist emailið mitt.. Nr. 16 | posted by: Þór | 11.07.2008 | 0:59:33 | [+] |post a comment
|
en þeir leikir sem ég spila helst ruglast ekkert þó maður sé á svona borði
