I. Heiðmörk, landslag - kontrast hrauns og furu frábær göngutúr (1 klst), einn fallegasti staður innan borgarmarkanna.
II. Snæfellsnes - undir jökli. Hæfilegur bíltúr að Búðum og Arnarstapa. Taka með sér nesti.
III. Þingvellir ekki svo langt undan
IV. Eyrarbakki - Stokkseyri - ((Grindavík (gamli bærinn)). Það fyrrnefnda með viðkomu í fjörunni og taka myndir af sjávarróti og gömlum bárujárnshúsum. Alltaf hitt meðal ferðamanna og svo auðvitað koma við á rómuðum veitingastöðum sem eru frábærir fyrir lunch. Gufustrókar á hellisheiði.

Hellisheiðin ef það viðrar vel, Hveragerði, Undir Eyjafjöllum ( suðurlandið er reyndar allt magnþrungið). Á Skógum undir Eyjafjöllum er gönguleið upp á fjallshrygginn sem er möguleiki að sé orðin göngufær. Útsýni til Vestmannaeyja í eina áttina, Eyjafjallajökul í aðra og Vík í Mýrdal í fjarska í þá þriðju

Krýsuvík er náttúrulega alltaf klassík ásamt Reykjanesfólkvangi, en það er ekki nema nokkurra tíma rúntur samt - nema þið komið við í lóninu og brennið smá pening í mat í leiðinni

Ég geri ráð fyrir því að Austfirðir séu of langt í burtu ? Þar er ýmislegt að sjá, sérstaklega fyrir ljósmyndara..

Og svo má ekki gleyma, sólsetur og sólarupprás frá Reykjanestá eða Höfnum. Hreint afbragð.

Þingvellir eru að koma sterkir inn, Gullfoss og Geysir auðvitað, þó ég nenni eiginlega ekki að fara á Geysi, soldið antiklæmax finnst mér. Svo var ég að hugsa um að fara með hann á Hafnir, var að fá tip um að það væri mjög fallegt þar og hentar því það er ekki langt í burtu.

Ég hef farið rúnt um suðurlandið og langar að fara þangað ef við höfum tíma. Var líka að fá tip með að fara uppá Snæfellsnes og keyra Hvalfjörðinn.

Frábært að fá input frá ykkur, keep it coming!!

Þetta er ekkert flókið Anna mín. Standard túristaferð væri ferðalagið frá seljalandsfossi (sem er gaman að sjá og ganga fyrir aftan, veit samt ekki hvort það er hægt núna) og austur að jökulsárlóni.. eiginlega ALLT á þeirri vegalengd er ólýsanlega fallegt.

Stopp á leiðinni eru fyrir utan seljalands, t.d. Skógar eins og Þór nefndi hér að ofan, ALGJÖRT möst er að fara með hann í Reynisfjöru við Vík (þar sem allar bílaauglýsingarnar eru teknar), það er rosa gaman að skoða fjaðrárgljúfur sem er rétt hjá Kirkjubæjarklaustri, það er gaman að fara upp að Svartafossi í Skaftafelli og svo auðvitað að hoppa út í lóninu .

Þetta væri megaferð að fara á 2-3 dögum.. má ég koma með?

Mæli með vegahandbókinni.. hún er schnilld!

Takk væla - það liggur við að ég ætti að fá mér guide í þessa ferð, ég er jafn mikill túristi og hann!!

Ég er ekkert smá ánægð með þessi tips, nú kaupi ég vegahandbók! Vúhú! Hvar fæ ég svoleiðis? Bensínstöðvum?

Mín reynsla með útlendinga er að Krýsuvíkurhringurinn klikkar ekki..færð allt þar... plús hveralyktina og það sem best er að þetta er bara í Reykjavík (eða svo gott sem)

Hvað tekur það langann tíma? Að fara Krýsuvíkurhringinn.

Og. Er það vel merkt? Ég held að ég hafi aldrei heyrt um þetta!

Ég hef sportað með mína útlendinga uppá Snæfellsjökul, ef himinn er heiðskýr. Kaupir ferð með snjótroðara uppá topp og útsýnið er svo magnað að maður gleymir að draga andann. Styttri ferðir eru svo t.d. Krísuvíkurferð. Annars finnst þeim nú líka magnað að þvo af sér skítinn í árbæjarlaug eftir myrkur

Úff.. veit ekki hvort ég má við því að gleyma að draga andann

Ég er mikið að spá í Krýsuvíkurleiðina, líst vel á hana þó ég viti ekkert hvar hún er.

Árbæjarlaug? Er það hluti af árbæjarsafni? Er hægt að brjótast þar inn eftir myrkur eða er alltaf myrkur þar?

Pre electricity sundlaug. Voru til sundlaugar áður en það var til rafmagn?

Djöfull er ég steikt stundum á mánudögum...

Hér er leiðarlýsing sem þú getur notast við og ég gef mér þá forsendu að þú vaknir báða dagana í Reykjavík.

Föstudagur:

Ekið frá Reykjavík um Nesjavallaveg (já þú þarft að fara í framhjá Rauðavatni) til Nesjavalla.

Ekið frá Nesjavöllum á Þingvöll og áfram í gegnum þjóðgarðinn. Lyngdalsheiðin sennilega lokuð og því þarftu að keyra framhjá Sogsvirkun og niður framhjá Álftavatni og í Grímsnesið.

Beygt til vinstri og stoppa við Kerið til að skoða.

Áfram ekið í átt að Laugarvatni og þarft síðan að ákveða hvort þú vilt beyja að Laugarvatni eða aka beint áfram að Geysi. Síðan á Gullfoss.

Ekið til baka frá Gullfossi og í Grímsnesið aftur, þaðan á Selfoss og í gegnum Stokkseyri/Eyrarbakka. Kvöldverður á Við fjöruborðið á Stokkseyri.

Ekið til baka til Reykjavíkur í gegnum Þrengslin (já, þú ferð aftur framhjá Rauðavatni).

Þetta er löng ferð en hann fær mjög gott sýnishorn af íslensku landslagi.

Laugardagur:

Vakna aðeins seinna en á föstudeginum og stefna á Krísuvíkurhringinn. Getur væntanlega komist inn á hann frá Völlunum í Hafnarfirði (hjá Haukahúsinu). Getið skoðað Saltfisksafnið í Grindavík og síðan Bláa lónið og heim aftur.

Þetta er heldur styttri hringur og léttari.

Mér finnst mjög notaleg tilhugsun að vakna báða dagana í Reykjavík.

Mér líst líka mjög vel á að vakna seinna á laugardeginum.

Þekkirðu mig eitthvað?

Takk fyrir leiðbeiningarnar, ég kem mjög sennilega til með að nota þær. Samhliða vegahandbókinni og landakorti.

Smá bakþankar eða kannski bara ábending. Kannaðu Nesjavallaleiðina varðandi færð áður en þú leggur af stað. Ef hún er ófær þá þarftu að fara Mosfellsheiðina til Þingvalla en annað er eins.

Já, ég myndi segja að ég þekkti þig - eitthvað

Gaaaaaaaaaddemit. Ekkert svona! Nú er ég forvitin!

My lips are sealed. Sorry.

Össss

Vertu nú dugleg að elda fyrir hann. Fyrir okkur útlendingana er ekkert betra en ferskur fiskur.

Blessuð vertu, hann kemur ekki til með að hafa nokkurn áhuga á að skoða Ísland eftir að hann hefur séð þig. Vertu bara í rúminu milli þess sem þið borðið.

Krýsuvíkurhringurinn:
Getur tekið frá einum upp í 4-5 tíma eftir stoppi

Ferð inn á þetta hjá völlunum í Hafnarfirði eins og einhver sagði hér að ofan og keyrir í átt til fjalla. Kleifarvatn er fyrsta stopp en þar er áhugavert að það fór að minnka í vatninu fyrir nokkrum árum en er núna aftur komið í svipað horf (held ég). Rétt fyrir ofan Kleifarvatn er stór hver sem er MJÖG flottur, man ekki hvað hann heitir en það er ca 20 mín labb frá veginum og það besta er að það eru ekki margir sem koma þangað þannig að fyrir útlending er þetta “ósnortin náttúra Íslands” (flott setning eh?)

Hinum megin við veginn er svo pínkulítil heit sundlaug en hinsvegar er kannski erfitt að finna hana..ok slepptu henni.. en keyrir áfram þar til þú kemur á Krýsuvíkursvæðið. Hendir honum þar út til að mynda og soga í sig Hveraloftið.

Svo er hægt að fara niður að björgum (en ég veit ekki hvernig bíl þú ert á) og líka keyra lengra og skella sér á vitann. Þar er stórbrotið landslag (og skítakuldi) og þar er líka þarna miðbaugurinn eða hvað þetta er kallað þegar þú ert með annan fótinn í evrópu og hinn í ammeríku.

Á Kleifarvatni eru líka hellar þar sem einhverjir hugvitssamir hafa gert listaverk í steininn (andlit) og ef þú vilt labba aðeins meira þá er hægt að labba upp eftir einni hlíðinni og finna þar annað vatn (Arnarvatn???)

Get sent þér nánari lýsingar í mail ef þú vilt
meinvill

Iss, geri þér grikk. Þú þekkir mig ekki og ég ekki þig. -Nema í netheimum. Fannst samt mikilvægt að nefna Hvalfjörðinn, nátturuperla sem á það til að gleymast. Keyrir eins og þú sért að fara í Mosó og keyrir í gegn - síðan síðasta beygja til hægri áður en göngin koma..Stoppið svo í Ferstiklu og fáið ykkur hamborgaratilboð á 1800.-

Ég sé ekki þörfina að fara út fyrir höfuðborgina þegar við erum með alla þessa nátturu í rvk.

Getur keyrt uppí öskuhlíð, þar er fullt af trjám og svoleiðis dóti, tekur u.þ.b. 3 mínútur að keyra hana í gegn, keyrir síðan með hann í N1 í öskjuhlíðinni og splæsir í pylsu með kartöflusalati. Stutt, ódýrt og enginn séns að þú villist.

Ég ætla að gefa honum að borða, no worries Organisti.
Í rúminu! Nah.. það er ekkert vit.

Rúnar. Við erum að tala saman. Má líka ekki gera lítið úr trénu við vesturbæjarlaugina, það er mjög fallegt!

Meinvill. Þú mátt alveg endilega senda mér tölvupóst

lesANDI. Hvaða grikk varstu að gera mér? Verður að gefa mér þetta inn með teskeið!

Nálægt RVK dettur mjer helst í hug...
Reykjanes:
Kleifarvatn, Krísuvík og Reykjanesviti
http://flickr.com/search/?s=int&ss=2&w=all&q=Reykjanesviti&m=text

Þingvellir, Kerið og jafnvel Gullfoss og Geysir (eða norður í átt að Kaldadal til að sjá Skjaldbreið, Okið og Langjökul, veit reyndar ekki um færðina, en það eru 15 stig í dag hjá mér)
http://flickr.com/search/?s=int&ss=2&w=all&q=%C3%9Eingvellir&m=text
http://flickr.com/search/?s=int&ss=2&w=all&q=gullfoss&m=text

Nesjavellir, Hengilssvæðið og Nesjavallaleið
http://flickr.com/search/?s=int&ss=2&w=all&q=Nesjavellir&m=text

Hvalfjörður
http://flickr.com/search/?s=int&ss=2&w=all&q=Hvalfj%C3%B6r%C3%B0ur+Landslag&m=text

Snæfellsnes
http://flickr.com/search/?s=int&ss=2&w=all&q=Sn%C3%A6fellsnes&m=text

Norðurljós
http://flickr.com/search/?s=int&ss=2&w=all&q=aurora+iceland&m=text

Ég myndi samt reyna að gera þetta þannig að þið þyrftuð ekki að flýta ykkur neitt og ég myndi líka taka með mér hljóðbók á ipod og koffeintöflur svo þér leiðist ekki á meðan...

Takk fyrir þetta Ljenzherra. Þessar myndir eru magnaðar.

Þegar ég smellti og fór að skoða hvíslaði ég "vá" - en - furðulegt nokk.. ekki ein af þessum myndum kallar fram vellíðan hjá mér þó mér finnist þær mjög ofboðslega fallegar.

Stórmerkilegt.

Kassi af kók, nintendo og málið er dautt.

Það tók þennan mann tvö ár að trúa að ég væri í alvöru kona en ekki feitur og ljótur karlmaður sem hefur alter-egóið anna.is. Kannski yrði skemmtilegra fyrir hann að hitta kallinn - uppá svona landslög að gera.

Ég lét mér actually detta í hug að fá einhvern stórann karlmann með mikið skegg til að taka á móti honum á flugvellinum. Bara í gríni.

Mjög dimmraddað og með útbreiddan faðminn:

"Hi! I'm Anna!"

Væri það mjög ljótt?

Þvert á móti, ég myndi telja það ákaflega viðeigandi.

Láttu svo durginn teyma hann að bílnum og láta hann setja hafurtask sitt í plastklætt skottið, við hliðina á skóflu, hafnaboltakylfu og poka af óleskjuðu kalki.

Aumingja vesalings maðurinn..

ahhh, greinilega ekki grikkur þá. Hélt að það tæki á taugarnar þegar ókunnigir kommentuðu. En sem áhugaljósmyndari vildi ég nefna Hvalfjörðinn. Enginn grikkur þá & enginn teskeið.

Isss... ég þekki ekki alla sem kommenta hjá mér. Ég væri komin á kvíðastillandi ef ég ætlaði að taka nærri mér ef fólk sem ég þekki ekki persónulega tjáir sig í kommenti.

Með því að kommenta, og með því að gera það oft, eykur fólk hinsvegar líkurnar á að ég kynnist því. Það er allavega reynslan.

Ég spái því að ég fari Hvalfjörðinn. Á eftir að ræða þetta við Stephen, eða á ég bara að taka svipuna á málið og segja honum að hlýða!

Þori það ekki, gæti turnað honum on.