 |
|
|
|
 |
Fyrsti dagurinn
Þriðjudagur, 01. janúar 2008
Ég ætlaði að liggja í leti í dag en entist bara til hádegis, þá kláraði ég að ganga frá eftir gærkvöldið og seinnipartinn fór ég í dekur. Byrjaði á því að fara í heitt bað, buffera mig hátt og lágt. Tók sjálfa mig í manicure og pedicure og ef ég væri ekki búin að fjarlægja feldinn á mér myndi hann glansa. Í staðinn er ég bara með silkimjúka fótleggi. Akkúrat núna er ég að úða í mig harðfiskflögum sem Hugi gaf mér í gærkvöldi, þvílíkt sælgæti. Hann er svo góður að ég þarf ekki smjör - en smjör er einmitt eitt af því sem ég er hætt að borða. Ég strengi ekki áramótaheit alla jafna nema í ár hef ég gefið sjálfri mér eitt loforð: ég ætla að hafa svo góðar hægðir allt þetta ár, að það jaðrar við að vera ævintýralegt. Reglulegar og einu sinni á dag. Ég hef nefnilega ákveðið að verða betri manneskja og þá er gott að byrja á grundvallaratriðunum. | anna | 21:09 |
comments
Fólk sem segir að við ofmetum góðar hægðir veit ekkert hvað það er að tala um, það er bara full of shit! Nr. 1 | posted by: Breiðholtshatarinn | 1.01.2008 | 22:30:58 | [+] |post a comment
|
