 |
|
|
|
 |
Ferðamamma
Miðvikudagur, 24. október 2007
Í bílnum á leiðinni heim áðan Einkasonur: Mamma! Ég vil ekkert að þú sért að fara til útlanda í vinnunni. Þú mátt ekki hætta hjá Glitni! Ég vil ekkert eiga einhverja ferðamömmu sem er aldrei heima hjá sér! Þau létu líka svona þegar ég hætti hjá ISNIC. Komu með yfirlýsingar um að bankar væru af hinu illa og ég yrði vond og ég mætti ekkert fara to the dark side og hugsa bara um peninga. Ég kunni bara ekki við að blogga um það allt þá, hehehe Í dag þykir þeim svo vænt um Glitni að ég spái því að Glitnir verði alltaf þeirra viðskiptabanki. Enda hafa þau aðeins kynnst fólkinu sem ég vinn með, bæði í gegnum það sem ég hef sagt þeim og líka af eigin raun, þó það hafi ekki verið oft þar sem ég blanda vinnunni minni og fjölskyldunni lítið saman. Geymi þetta í sitthvorum pappakassanum uppí haus. Það er betra þannig. En.. þó ég skilji við eiginmennina mína þýðir það ekki að ég hætti að "halda með" þeim. Glitnir er bestur. Vill svo skemmtilega til að þau vita ekki hvað Marel gerir svo þau geta ekki sett neitt útá fyrirtækið. Sagði þeim líka að ég kæmi nú sennilega með nammi heim úr fríhöfninni ef ég færi út. Það bar tilætlaðan árangur. | anna | 22:24 |
comments
Blessuð vertu þau verða fljót að gleyma þessu þegar þú byrjar að kaupa samviskugjafirnar. Það er nefnilega óhjákvæmilegur fylgikvilli ferðamömmunar. Eftir 8 góð ár í ferðamömmuvinnu veit ég nákvæmlega hvað ég syng. Meira að segja þegar maður kemur heim eftir að vera veðurtepptur á Ísafirði í 3 daga í júní spyrja þau: Hvað keyptirðu í fríhöfninni? Ha! Er engin fríhöfn á Reykjavíkurflugvelli? Nú en komstu ekki við í HogM? Nei elskan þau verða fljót að komast upp á lagið! Svo er örugglega fínt að vinna hjá Marel og örugglega einhverjir fjölskyldudagar eða eitthvað svoleiðis. Ég á pottþétt eftir að koma og fá pointers frá sjóaðri ferðamömmu eins og þér þegar þetta brestur á Með sérfræðing á línunni! Nr. 2 | posted by: anna | 27.10.2007 | 12:48:22 | [+] |post a comment
|
