ravings of a lunatic: Mold

Mold

Miðvikudagur, 01. ágúst 2007

Hann teygði sig yfir borðið eins og hann ætlaði að taka af mér gleraugun og ég færði mig til baka.

Taktu þau af. Ég sé þig ekki almennilega.

Ég hef þekkt menn sem spurðu mig af hverju ég væri alltaf með gleraugu en ég hef ekki hitt mann áður sem gengur í málið. Þegar ég færðist undan, bað hann mig að taka þau niður. Hann var eiginlega soldið skipandi, en ekki dónalegur. Eins og gleraugun færu verulega í taugarnar á honum.

Ég tók þau af og lagði þau á borðið. Fannst þetta skrítið og leið eiginlega eins og ég væri kviknakin.

Þetta er í annað sinn sem hann biður mig að taka þau af og í annað sinn sem ég geri það. Merkilegt, því ég tek gleraugun venjulega ekki af þó ég sé beðin um það. Mér finnst betra að hafa þau. Kannski af því þá sér fólk mig ekki almennilega..

Hann: þú þarft bara smá mold, það er allt sem þú þarft
Anna: mold?
Hann: já, næringu til að fæða það sem þú ert þegar byrjuð að búa til, svo það vaxi hraðar.
Anna: hvað flokkast undir mold?
Anna: þú
Hann: já
Anna: en af hverju þú?
Anna: why do you care?
Hann: þú þurftir á mér að halda, and we connect

Ég brosti.

Anna: hvað fleira er mold?
Hann: mold er hvað það sem býr til stemminguna sem fær þig til að gera það sem þú ert ánægð með. Vinna sem hentar þér, börn sem hafa trú á þér, vinir, ástvinir, landslag, yoga, áhugamál - en fyrst og fremst annað fólk
Anna: já
Hann: þegar þú sagðir við mig í gær "og svo kemur þú og gerir daginn minn góðan aftur" það er mold, tilfinningin sem þú fannst þá
Anna: ég er aldrei þannig mold fyrir þig, er það ekki ósanngjarnt?
Hann: sambönd sem ekki eru í jafnvægi endast ekki, okkar samband hefur bara vaxið
Hann: þú gerir meira fyrir mig en þú heldur

Ég brosti aftur.

Anna: það er sjaldgæft held ég að einhver hreinlega þori að sýna væntumþykju eins og þú gerir
Hann: er það?
Anna: já
Anna: mér finnst það, því þú hefur ekki alterier motive. Þú ert einlægur.
Anna: eins og þegar þú tekur utanum mig þegar þú finnur að ég þarf á því að halda, en ekki af því þú vorkennir mér eða heldur að ég komi til með að sofa hjá þér. Það er ekkert algengt
Hann: kannski ekki. það er einhvernveginn mjög bein leið á milli okkar, óvanalega svo
Anna: já það er það
Anna: gott að vita að þetta sé actually til í þessum heimi og hægt að finna þó maður sé orðin aldraður

Hann fór að hlæja.

Hann: veistu hvað lætur mér líða vel?
Anna: nei
Hann: þegar þér líður illa og ég veit að ég þarf bara að faðma þig og þér líður vel aftur

Anna: spáðu samt
Anna: ef einhver hefði alltaf gert það fyrir mig
Hann: við hefðum bara átt að kynnast mikið fyrr .. lítill tími eftir núna
Anna: já

Anna: kannski var bara ekki grundvöllur fyrr
Hann: sennilega ekki

Hann: ég verð svolítið afbrýðissamur þegar þú segir að þú hafir tengst öðrum á þennan hátt
Hann: soldið sick
--

Hann says: var að lesa færsluna þína
Hann says: þú ert glettilega góður penni
Anna says: takk
Hann says: nei.. mér finnst það ekki
Hann says: ég sagði þetta bara til að fá að sofa hjá þér
Anna says: lol

| anna | 19:19 |