Sæl Anna, ég hef verið dyggur lesandi þinn í nokkurn tíma núna en held að ég sé bara að kommenta í fyrsta eða annað skiptið þrátt fyrir það...

En ég mátti til með að spyrja, þessi maður sem þú varst að tala við og gekk "heim" í tjaldið sitt; gæti nokkuð verið að hann sé breskur? (Ég á einmitt vin sem þessi litla lýsing passar svo vel við! )

Úff fyrirgefðu, ég vona að þér sé sama að ég spyrji!

Tony hefur ekki tekið eitt lag með bandinu?

Hæ Jóhanna, gaman að sjá komment frá þér!

Já auðvitað máttu spyrja. Hann er ekki breskur, hann er íslenskur þessi - en alvöru organisti samt!

Alan. Því miður. Ég hefði viljað hafa allt gengið á staðnum.

Þetta var glæsilegt gigg engu að síður!

Ó já Alan! Þetta var ekkert smá flott hjá þeim!

Ó Anna, þú ert nú meiri dúllan

Úff, þú hefur verið á Grundarfirði? Vonandi varst þú ekki skvísan sem ældi í blómabeðið fyrir utan gluggann minn um fjögurleytið.

Leiðinlegt þetta með blómin Æsa, en eins og kemur fram í færslunni var ég í partíi til klukkan fimm um nóttina og þó ég sé klárlega fjölhæf, hef ég ekki masterað að vera á tveimur stöðum í einu.

Ennþá.

Ég legg það líka ekki í vana minn að æla á almannafæri og mér þykir vænt um blóm. Það er líka svo auðvelt að forðast þesslags aðstæður, maður drekkur bara hóflega.

Ég reikna með að þú búir á Grundarfirði fyrst þú átt blómabeð og glugga þar. Í hvaða hverfi ert þú? Ég tilheyrði gula.

Haha nú jæja, þetta hefur þá ekki verið sá sami! Ég er samt alveg viss um að hann hafi verið frábær organisti þrátt fyrir það!

Ég veit að smámunasemin er alveg að drepa mig, en að sjá þig og fá þig eru í öfugri röð í næst-neðsta versinu.

Þó svö að röðin skipti örugglega ekki miklu máli í raunveruleikanum

Hm. Hvaða gítaleikari lét Organista outshina sig?

Organistinn var með pípu. Menn keppa ekki svo glatt við svoleiðis.

Ég var helgargestur á Grundó eins og þú, var einmitt í originalnum af þínu partýi á föstudagskvöldinu, og þekki því lýsingarnar. Sami organisti, sömu slagarar, engin æla. Svo "svaf" ég í herberginu við hliðina á ykkur á aðfaranótt sunnudags. Vel gaulað hjá ykkur. Ég var of hás til að endurtaka leikinn.

Konan sem heimsótti blómabeðið fyrir utan gluggann brá sér aftur í partýið, svo tímasetningarnar gætu vel passað - en ég kýs að trúa þér!

Þér er óhætt að trúa mér og ég kalla þig góða að hafa náð að sofa í gegnum þetta, það verð ég að segja!

Ætlarðu aftur á næsta ári? Endilega hóaðu í mig ef það verður annað svona skemmtilegt partí, ég verð á svæðinu!

ps. netfangið sem þú gefur upp virkar ekki Æsa, langaði að sýna þér soldið..

Gjössovel, hér er það rétta. Já, þetta var mikið stuð og gestrisni Grundfirðinga með eindæmum. Bláókunnugur maður, nágranni konunnar sem við gistum hjá vildi endilega bjóða okkur hjónum í lambalæri og þegar við afþökkuðum með eymdarsvip og sögðumst vera að sjóða fiskisúpu kom hann yfir með kassa - KASSA - af risa humarhölum til að skella í súpuna. Meira svona í Reykjavík. Ekki spurning að maður fer aftur á næsta ári, Þjóðhátíð hvað?

Fólkið sem ég er hjá þegar ég fer þarna, þau eru svo gestrisin að maður þekkir ekki annað eins. Alveg yndislegt fólk. Ég fór náttúrlega eins og lúði til fara í hlaupabuxunum og um klukkan eitt þessa nótt sat ég að sötra kók í stofunni hjá þeim þegar húsbóndinn á heimilinu sagði: "Jæææja Anna, nú færð þú þér bjór, ferð úr þessum hryllilegu buxum sem þú ert í og kemur með okkur í partý!"

Ég þorði ekki öðru en að hlýða og sá sko ekki eftir því. Setti á mig gloss og alles! hehehe

Ég vona reyndar að þetta verði ekki jafn stórt og þjóðhátíð. Finnst þetta svo gott svona. Ekkert of mikið at - enda fer ég með krakkana mína með mér - endilega ef þú ert með hljómsveit á svæðinu eða partí með skemmtilegu fólki, hóaðu í mig!

Mér fannst svo gaman í þessu partíi að þegar þau fóru í annað partí vildi ég ekki fara með þeim og varð eftir. Þá glotti maðurinn sem hatar hlaupabuxurnar mínar því hann hélt að nú hefði ég séð eitthvað karlkyns sem mér litist á. Ég hafði reyndar gert það - en gerði ekkert í því.

Sem voru líklega mistök þar sem mér var sagt að Guð búi á Grundarfirði og við vitum öll að þar sem Guð heldur sig er Jesú aldrei langt undan..