 |
|
|
|
 |
Risessa í miðbæ Reykjavíkur
Föstudagur, 11. maí 2007
Í morgun skrapp ég úr vinnunni, fór í Melaskóla, kippti syni mínum úr tíma og fór með hann sem leið lá í Hljómskálagarðinn. Þegar við nálguðumst Hljómskálann heyrðum við svakalegar hrotur og sáum að uppá skálanum svaf svakalega stór risa stelpa sem mér skilst að sé risessa. Þarna lá hún í sólstól, steinsofandi. Doddi spurði af hverju hún væri sofandi og klukkan rúmlega tíu, ég sagði honum að líklega væri hún bara
VÁ HVAÐ ÞETTA VAR MAGNAÐ! Það er engin annar en eiginmannsígildi mitt, Glitnir, sem er samstarfsaðili götuleikhússins Royal de Luxe frá Frakklandi sem sér um að setja þetta magnaða ævintýri á svið í miðbæ Reykjavíkur og ég hvet fólk að fara og kíkja á hana í dag og/eða á morgun.
Forsaga málsins er þessi: "Á leiðangri sínum uppgötvar Fornleifastofnun Frakklands goshver undir götum Reykjavíkurborgar. Leiðangursmenn rekast þá á sofandi risa sem hefur legið í dvala undir borginni í hundrað ár. Þegar ró risans er raskað lætur hann öllum illum látum og eyðileggur nálæga bíla með tröllvöxnum hnífapörum sínum. Yfirvöld setja sig í samband við dóttur risans, risessuna, og biðja hana um að koma til Reykjavíkur að róa almenning. Hún dvelst í borginni í tvo daga og reynir að tæla föður sinn í átt að höfninni. Hvernig lýkur sögunni?"
Ég frétti síðast af ferðum Risessunnar þegar hún lagði sig klukkan eitt við Hallgrímskirkju. Hún fer aftur af stað klukkan þrjú. Föstudagur 11. maí 15.00 heldur hún aftur af stað frá Hallgrímskirkju, niður Skólavörðustíg, upp Laugaveg, Snorrabraut og gengur eftir Sæbrautinni að hafnarbakkanum en þar mun hún leggjast til svefns. Laugardagur 12. maí 10.30 Risessan vaknar á hafnarbakkanum og fer í sturtu. Hún gengur inn á Ingólfstorg, Aðalstræti, Lækjargötu og Fríkirkjuveg þar sem hún hittir fyrir risann um kl. 11.30. 15.00 Lokagangan hefst frá Lækjartorgi, upp Hverfisgötuna, Snorrabraut, Sæbraut og að hafnarbakkanum þar sem lokaatriðið hefst um kl. 17.00. -- Ég ætla aftur klukkan þrjú. | anna | 12:54 |
comments
Alltaf sama sagan með þessa Frakka, dónar upp til hópa. Haldið þið ekki að hún hafi hysjað upp um sig kjólinn og migið á götuna !! Já. Veist þú um klósett á Íslandi sem er nógu stórt fyrir svona stelpu? Frakkar eru og verða spes. hehe Nr. 2 | posted by: anna | 11.05.2007 | 16:21:06 | [+] |Vá, magnað. Mér finnst líka skemmtilegt og kannski magnað að lesa það að þú takir þér tíma til að gera þetta með stráknum þínum!!!! Skrifa svo um það. Vá. Skítt með bankastofnun. Sorry ef ég kem við þig. Nr. 3 | posted by: AD-lesandi sidunnar | 11.05.2007 | 17:11:26 | [+] |Það er nú ekki á hverjum degi sem svona magnaður atburður gerist á götum borgarinnar, auðvitað fer maður með strákinn sinn að sjá þetta. Ég hringdi reyndar fyrst í skólann og spurði hvort þau ætluðu að fara, því eldri dóttir mín fór með sínum skóla, en bekkurinn hans sonar míns var ekki að fara í bæinn svo ég rændi honum úr danstíma. Mögnuð upplifun! -- Jæks. Nr. 4 | posted by: anna | 11.05.2007 | 18:54:58 | [+] |Hefði nú strax verið skárra að míga t.d. í tjörnina. Hún er nú einu sinni eitt stórt andaklósett. post a comment
|
