ravings of a lunatic: Unpublished - 2 dögum fyrir árshátíð

Unpublished - 2 dögum fyrir árshátíð

Laugardagur, 14. apríl 2007

Tveir íbúa Hagamels liggja lífshættulega særðir eftir sprengingu sem átti sér stað um níu leitið í gærkvöldi.

Ég var að máta árshátíðarkjólinn í gær, þennan sem ég ætlaði að vera í á Glitnis árshátíðinni þegar hann sprakk utanaf brjóstunum á mér. Ég er ekki að grínast.

Börnin veltust um úr hlátri á meðan ég stóð þarna eins og fáviti með kjólinn í henglum og brjóstin útum allt. Helvítis - en meira að segja ég gat ekki annað en hlegið þegar Doddi lýsti þessu í svona "instant replay" stíl með þessum orðum:

"Mamma! Ég hef aldrei séð föt SPRINGA svona! Þetta var frábært!!"

Segið svo að ég geri aldrei neitt skemmtilegt með fjölskyldunni.

Þessi kjóll passaði eins og sniðinn á mig þegar ég fékk hann frá útlöndum fyrir einhverjum nokkrum vikum síðan en nú er ég byrjuð að fitna og þar sem fita sest alltaf fyrst á brjóstin á mér eru þau þessum kjól ofviða í dag. Glatað. Ég tók mynd af brjóstunum en ákvað að birta hana ekki. Það eru takmörk fyrir hvað ég get lagt á lesendur mína.

Ég er auðvitað búin að laga rennilásinn og hann virkar. En.. það blasir við að ef ég fer í kjólnum.. verð ég tifandi tímasprengja. Og - ef kjóllinn springur utanaf mér á árshátíðinni, má líklega gera því skóna að ég sé búin að stimpla mig rækilega í minnið hjá öllu nýja samstarfsfólkinu - for life.

Ég er bara ekkert yfir mig spennt að stimpla mig á þennan hátt inn.

Skrítið.
--

Today:

Þetta reddaðist að sjálfsögðu. Fékk ég lánaðan æðislegan topp hjá vinkonu minni sem ég var í utanyfir kjólinn svo ég var úr allri sprengihættu.

Í dag frétti ég svo af því að það er fitness keppni í vinnunni svo verkefni helgarinnar er að safna eins mikilli fitu og mögulega er hægt utaná mig - fyrir mælinguna á þriðjudaginn. Það verða nefnilega veitt verðlaun fyrir mesta fitutapið og eitthvað þannig. Þetta hentar mér einstaklega vel þar sem ég er hætt að passa í megnið af fötunum mínum og hef stundað það undanfarið að mæta í kápu og nylon sokkabuxum innanundir í vinnuna.

Held að fólkið sem ég vinn með sé farið að sjá í gegnum það hjá mér.

Not to worry, eftir þriðjudaginn mun operation "back to D" hefjast eftir að fitan mín hefur verið samviskusamlega mæld í bak og fyrir og að sjálfsögðu mun mín deild vinna þessa fitness keppni, en ekki hvað. Nú þarf ég hinsvegar að fara og úða í mig þessum þremur pizzum sem ég var að panta og skola niður með kóki. Í eftirrétt er harðfiskur með smjöri.

Ég verð komin uppí F á sunnudaginn - shit you not.

| anna | 0:34 |

comments

Þakka þér fyrir að hlífa okkur við myndinni. Ég held að lesendum þínum þyki nóg um það sem þú setur ofan í þig þó það sem hleðst utan á þig sé ekki birt líka melodramatic