 |
|
|
|
 |
Ber að ofan
Mánudagur, 17. júlí 2006
Málið með þessi gleraugu er að ég fæ ekkert action þegar ég er með þau, þessvegna fer ég með þau út. Grínlaust. Mr. President er einn af fáum karlmönnum - eh.. fáum myndarlegum karlmönnum sem sýnir mér áhuga þegar ég er með gleraugu. Yfirleitt er ég látin mest megnis í friði þegar ég er með þau. Þessi strákur sá hinsvegar í gegnum þau, fyrst setti hann þau uppá haus á mér, svo tók hann þau hreinlega af mér og gaf í skyn að hann langaði að dansa við mig. Ég fór að dansa við hann. Ég var ekki búin að dansa við hann í tvær mínútur þegar maðurinn hreinlega tætti sig úr að ofan. Stelpurnar ærðust úr hlátri svo ég hef vitni. Ég sagði ekki orð við manninn, hann bara tætti sig úr. Þegar Ken kom aftur varð hann frekar fúll, dustaði bera manninum í burtu og dró mig afsíðis og spurði hvað þetta ætti allt saman að þýða. Ég útskýrði fyrir honum að ég var bara að dansa. SEM ER SATT! Ég er alltaf að lenda í svona rugli. Blásaklaus en allt lítur voða vafasamt út. Stelpurnar voru ennþá í kasti. Ein þeirra spurði mig hvernig ég færi eiginlega að þessu. Ég er náttúrlega smá göldrótt og hann var soldið flottur svona ber að ofan. tíhíhí. Ken rauk út af ballinu og ég ákvað að leyfa honum að cool off. Enda var ég þarna sem aðþrengd (fyrrverandi) eiginkona, ekki sem aðþrengd refsigyðja. Þegar ég kom heim var Ken inní eldhúsi í fýlu og þegar stelpurnar voru búnar að útskýra fyrir honum að ég gerði ekkert - ÞVÍ ÉG GERÐI EKKERT - þá hætti hann í fýlu. Hann refsaði mér samt soldið. tíhíhí Vá hvað þetta var skemmtileg helgi. Sveitaball og alles í frábærum félagsskap! Vissi alltaf að ég átti að geyma þetta til fullorðinsáranna. Harpa sagði mér að fólk myndi mæta á svæðið með áfengi í kaupfélagspoka - yeah RIGHT - hugsaði ég. Trúði henni ekki - fyrr en ég stóð í miðasölubiðröðinni með fólki sem var allt með kaupfélagspoka fullan af áfengi. Wtf? Ég var að sjálfsögðu í gallabuxunum sem ég keypti í kaupfélaginu fyrr um daginn. Ógeðslega töff kaupfélagsbuxur - eins og sjást á myndinni. Harpa hafði líka áhyggjur af því að ég myndi drepast úr leiðindum því ég var sú eina sem var ekki að drekka en ég held að hún muni ekki hafa áhyggjur af því í framtíðinni. Ég var búin að reyna að segja henni að ég þyrfti ekki áfengi til að skemmta mér. Ég er pínu gamaldags og hefði fengið kikk útúr því að sjá Röggu á sviðinu, er ekki alveg að fíla Birgittu en Glanni Glæpur var svo magnaður að ég var alveg að kaupa hann. Þvílíkur stuðbolti þessi maður, það hálfa væri nóg. Heyrðist svo lítið í Birgittu, held að Ragga sé með sterkari rödd en hún. Annars veit ég ekkert um það og var svosem ekkert að velta þessu mikið fyrir mér, þetta var of gaman til að láta svona smáatriði fara í taugarnar á sér. Ég var auðvitað bílstjórin á svæðinu - enda mitt fyrsta verk þegar ég kom í sveitina að senda Ken á ruslahaugana til að henda drasli úr bílnum. Ég er búin að kaupa svo mikið af heimilistækjum og það var svo mikið drasl í skottinu að við urðum að setja umbúðirnar af gasgrillinu í aftursætið! Þetta er allt komið á haugana og búið að bóna bílinn minn! Í kvöld héldum við Harpa og Ken áfram í singstar, Ken er alveg furðu góður í þessu og ég fékk alveg fiðrildi í magann þegar hann tók "ain't no sunshine" áðan. tíhíhí
KARLMENN ERU DÁSAMLEGIR ÞEGAR KARLMENN ERU KEN! | anna | 22:53 |
comments
Þetta slagorð er magnað. Ég er búinn að prófa það við ýmislegt (og nota að sjálfsögðu spari-flauelisröddina mína.)
Get ekki betur sjeð en það sje sjerstakur vasi fyrir júgursmyrsl, það kemur sjer alltaf vel og þá hljóta þetta að vera "Levit´s" Hægt að ganga í þeim öfugum (ekki á röngunni), ef þær eru farnar að slitna heldur mikið að framanverðu eða aftan, en verst þykir mjer að þú skulir eigi girða þau ofan í stígvjelin. Fyrst þú varst að fata þig upp í kaupfjelagi á annað borð hefði mjer þótt algert lágmark að kaupa líka nokkur pör af "Panther" sportskóm með riflás, á þig og börnin. P.S. Harpa: Þarna er andlitssvipurinn á Dodda lifandi kominn! Nr. 11 | posted by: AlanHudson | 18.07.2006 | 1:58:49 | [+] |Ég hef ákveðið að ræna þessum þræði. Ég hef komist að því eftir útilegur vikunnar að megin munurinn á konum og körlum er þessi. Karlar eru upp til hópa kaldari Með kaldari meina ég að karlar séu líklegri til að taka sénsins án þess að beint hugsa alveg til enda afleiðingarnar. Eins og einhverntímann kom fram hér. Ignorance is bliss. Konurnar eru varkárari/nákvæmari og reikna dæmið til enda. Þegar niðurstaðan er komin er tækifærið farið. Skynsemi er leiðinleg sagði maðurinn við mig um helgina. Seinna kom í ljós að hann var gjaldþrota. Ég held að það sé líka leiðinlegt. En þetta er dæmigerð hugsun þess sem lætur ekki smáatriðin aftra sér. Frábær afsökun. Maður sér þetta ágætlega í gönguferðum á hálendinu. Þegar stokkið er yfir læki, stiklað yfir ár, klifrað niður kletta. Nánast allir karlarnir sýna ekki hik (þó þeir geti verið logandi hræddir) en konurnar hika. Margoft hefur maður séð konu detta í læk eingöngu út af hræðslu og hiki. Þetta gæti líka skýrt afhverju karlar lenda oftar í alvarlegri slysum. Þeir taka meiri sénsa en detta sjaldnar en almennilega þegar þeir detta. Ég held að þetta sé meginástæðan fyrir því að karlar ná meiri frama í atvinnulífi en konur. Þeir sækja einfaldlega harðar eftir toppstörfunum. Þeir eru kaldari þó þeir hafi ekki endilega hæfileikana í starfið. Ef þetta er rétt þá veltir maður fyrir sér hver sé besta skipting þessara eiginleika í einstakling sem sækist eftir stjórnunarstarfi. Er ekki draumastjórnandinn með 60-70%% af kulda karlsins og 30-40% af varkárni/nákvæmni konunnar? Ef þetta er rétt hver er ástæðan? Eru þetta erfðir? Eða er þetta uppeldi? Nr. 12 | posted by: igor | 18.07.2006 | 2:59:31 | [+] |Æi... ég vildi að ég hefði heyrt Ken taka þetta lag. Hann hafði ekki kjark í það þegar ég þrábað hann um það. En það hefur kannski ekki verið kjarkleysi, þegar allt kom til alls. Auðvitað hefur hann viljað syngja bara fyrir þig - og þig eina. Kemur mér samt mest á óvart að hann skyldi ekki syngja það ber að ofan. Hvað kom til ? Ég fatta ekki alveg samhengið milli þess sem annars er hér til umræðu og þess sem Igor skrifar. En það mun kannski renna upp fyrir mér ljós. Ég held ekki að nokkrum manni dytti í hug að halda því fram við aðþrengdu (fyrrverandi) eiginkonur, núverandi bloggsystur höfum litið út fyrir að vera sérstaklega varkárar þarna á ballinu þótt það náttúrulega hafi ekki verið Anna sem svipti sig úr að ofan, heldur gaurinn sem hún var að dansa við. Það var BÍÓ!!!!! Takk Anna fyrir frábæran félagsskap og allar þið hinar Fríða. Það er ekkert samhengi. Þetta var þráðarán. Anna, hversvegna léstu mig þá fara út á ballið með gleraugun vitandi það sem þú veist? Auðvitað vill enginn heilvita maður konu með gleraugu. Tók líka eftir því að Ken var alltaf að rífa þau af þér. Ég hef vaðið í villu og svíma allan þennan tíma, djöfull er ég vitlaus!! Ogghhh, hefði nú viljað heyra hann taka þetta lag, en þið voruð sæt saman í "Don´t go breaking my heart" Alan: Já þeir eru skuggalega líkir. MÚHOHOHOHOHO Igor: Þetta er góður punktur - og góð tilraun til þráðráns! hehehe Hugskot: Ken er orðin pínu hræddur við Hörpu og er hættur að þora að vera ber að ofan. Ég held að hún þurfi á serious refsingum að halda! Fríða: Nei, við vorum sko EKKI varkárar! Fyrstar á dansgólfið, stökkvandi yfir hljómsveitarmeðlimi, hættandi lífi og limum, fórum meira að segja á kvennaklósettið þarna! Þori að veðja að engin karlmaður hefði þorað inná þetta kvennaklósett. Baun: Oh já, hann notar þennan refsivönd sinn af svo mikilli nákvæmni og ég á sko allar þessar refsingar skilið. Linda: Vissirðu þetta ekki???? Harpa: Láttu nú ekki svona, við fórum seint að sofa í gær! Hmm, nei það er svipurinn þinn, Doddi er einmitt með nákvæmlega þennan svip. Nr. 21 | posted by: AlanHudson | 20.07.2006 | 1:11:15 | [+] |avgrwpmn ptrgsoc pecart ysrectd svnml oasnjfd pyec Nr. 22 | posted by: guywok srqvcjb | 27.02.2007 | 10:54:26 | [+] |post a comment
|
Það er búið að vera æðislega gaman hjá okkur hérna í sveitinni. Ekki skemmdi fyrir þegar aðþrengdar (fyrrverandi) eiginkonur stormuðu á svæðið og gerðu allt vitlaust í singstar og á Stuðmannaballinu. Við vorum mætt snemma og fengum besta borðið á svæðinu - við dansgólfið. Kom reyndar upp smá ves á ballinu. Ken skrapp á barinn og ég sat með stelpunum við borðið þegar ungur maður með hatt kom uppað mér. Hann byrjaði á að horfa á mig og svo strauk hann hárið frá andlitinu, tók gleraugun og færði þau upp - eins og sólgleraugu.
Og hvað Ken varð fúll!!! 
