 |
|
|
|
 |
I'm cool with that
Þriðjudagur, 06. júní 2006
Þá eru börnin búin að hitta Ken. Frumburðinum fannst magnað að hann heitir Ken því hún er að lesa bók sem er eftir mann sem heitir líka Ken. Hún tók hann í þriðju gráðuna og Ken kom bara nokkuð vel út. Frumburður. How old are you? Ég held að börnin hafi erft þetta hræðslu-vekjandi-element frá mér. Doddi tók honum með miklum fyrirvara og hans þriðja gráða var töluvert öðruvísi en frumburðarins. Doddi. Do you have a dog? Ekki flókið. Þessu næst sýndi Doddi Ken nýja hlaupahjólið sitt - sem er vélknúið og Ken, verandi frummaður, varð heillaður og spurði hvort Doddi vildi koma út að leika. Male bonding er stundum svo fallegur hlutur. Þegar þeir komu inn fór Ken beint á netið að skoða hlaupahjól með tvöþúsund hestafla vélum. Frummaður. Börnin eru farin aftur til pabba síns og ég verð að hætta að skrifa núna, Ken er svo refsingarglaður að ég held að hann hljóti að hafa verið hátt settur hjá spænska rannsóknarréttinum í fyrra lífi. Ég er allavega farin að styðja mig við skíðastafi sem ég fann niðrí geymslu. Verður spennandi að sjá hvort hann elskar mig nóg til að redda hækjum.. | anna | 22:04 |
comments
Ég er að spá í að taka þig mér til fyrirmyndar. En kannski fyrst þegar ég kemst í sumarfrí, fyrr hef ég kannski ekki tíma til að skrifa. Fj. vinna sem alltaf þarf að trufla mann! Jú, ég held ég verði að vera í sumarfríi því annars bara dett ég í dagdrauma öllum stundum og það má ekki í vinnunni. Nr. 1 | posted by: Útifrík | 6.06.2006 | 22:20:14 | [+] |Úlala... maður bregður sér af bæ yfir helgina og þegar heim er komið er bara allt mögulegt og ómögulegt búið að gerast... bitter barbie komin með ken, igor í heavy mokstri og skellir sér í rúmið í moldargallanum... fjölskyldumeðlimir hittast í kommentum um einhver lyf og nú er ken meira að segja búinn að hitta börnin. Vá segi ég nú bara... hef skemmt mér VEL við að lesa skrif undanfarinna daga Þessar yfirheyrslur barnanna minntu mig óneitanlega á yfirheyrslur föður þíns þegar einhverjir nýir komu með okkur heim á sínum tíma. Þá ekki endilega strákar. En ég man hversu ítarlegt eyðublaðið var sem allir strákar þurftu að fylla út og skila pabba þínum í fjórriti alveg þar til þú varst tvítug. Börnin hafa á efa erft þetta frá afa úlf. Very good site. Thank you Very good site. Thank you post a comment
|
