Ég held ég hafi byrjað svo seint að drekka að ég hafi bara verið orðin vön því að láta það sem vind um eyrun þjóta ef fólk var að reyna að fá mig til að drekka. Ég ræð hvað er í mínu glasi og fólk finnur það.

Hefurðu þá alltaf verið laus við þetta bögg?

Ég hef látið þetta fara í taugarnar á mér - þ.e. bögg í fólki - er ekki nógu sjálfstæð líklegast -og hef því oft ýmist gefið eftir eða þá notað vatnogsítrónu trikkið.
Í útilegum virkar pilsner vel.

Mér finnst hins vegar stundum gaman að fá mér í glas, aðallega til að gleyma volæðinu um stund, öðlast smá falskt sjálfstraust, losa um höft og hræðslu, þora, en ég á líka erfitt með að þola drukkið fólk ef ég er edrú.
Oftast langar mig bara að vera sjálf edrú. Það er ódýrt og gott að hafa bílinn við höndina. En..... það endar líka oftast á því að þá er ég bara heima hjá mér og geri ekki neitt.

Hins vegar finnst mér rauðvín alveg ótrúlega gott og það skemmir ekki góðan mat að hafa með því gott rauðvín.
Ég væri hins vegar alveg til í að það væru á boðstólum alkóhólfrí rauðvín sem smakkast nákvæmlega eins og þau sem eru með alkóhóli.

Ég drekk sjaldan í dag og þegar ég drekk er það oftast mjög lítið vegna þess að ég veit ekkert verra en að vera drukkin og hvað þá að vera þunn.

Ef að hinsvegar karlmenn vilja frekar konur sem eru fullar verð ég að fara að endurskoða þetta mynstur. Kannski kominn tími til að fara að ráfa um barina ofurölvi með pilsið girt ofaní sokkabuxurnar?

Ég get að minnsta kosti sagt að ég hef aldrei fyrir utan fyrsta og síðasta sénsinn minn lent edrú á séns.
Sá fyrsti var rétt um fermingu og endaði eftir 3ja vikna dramatískt samband og eitt ull. Hið síðasta endaði í að kærastin sem var óvirkur féll með látum og þá var úti um það ævintýri.

Er farin á barinn.

Nei, ég hef ekki verið alveg laus við bögg, en ég held ég taki ekki svo mikið eftir því. Og þá er það eiginlega ekki bögg, er það? Nú er ég komin eftir langan tíma aftur í sama umhverfi og ég var í sem unglingur og margir hreinlega líta á mig sem bindindismanneskju held ég, þótt ég sé það ekki. Ekki alltaf. Ég allavega fæ að fara mínu fram í friði. Finnst mér

Ég er stundum ekki látin í friði með þetta og það pirrar mig alveg ósegjanlega. Eins og t.d. þetta dæmi á barnum eftir ráðstefnuna. Reyndar er fólk sem þekkir mig alveg hætt að bögga mig með þetta - fer líka orðið svo sjaldan í partí

Þetta er alveg nýtt trix .. Má ekki bjóða þér kók í sítrónu væna ???

Fyrirgefðu.. en ert þú ekki giftur?

Ég byrjaði líka seint að drekka og held að það sé ástæðan fyrir því að ég er held ég bara aldrei bögguð. Fólk er frekar hissa ef ég er með í glasi heldur en ef ég er ekki með. Vel hinsvegar æ oftar að vera ekki í glasi því eins og þú segir þá vil ég ráða mér algerlega sjálf þmt hvenær ég fer heim.

Ég veit t.d. ekkert, ekkert, leiðinlegra en að norpa við að bíða eftir leigubíl.

Á ég að vera giftur ?

Ó.. ertu ekki giftur?

Prufaðu þá að spyrja mig ef þú hittir mig einhvertíma. Ef þú notar orðið "væna" mun ég horfa alveg undrandi á þig í smá stund.. svo mun ég líklega segja "Excuse me, did you say something? I don't speak spanish."

Ég er ekki alveg að átta mig á vandamálinu.

Hverju skiptir það ef einhver heldur að maður sé alkóhólisti ef maður vill ekki fá sér í glas? Er ekki vandamálið hjá þeim sem það heldur? Sérstaklega ef maður er ekki álkóhólisti.

Afhverju þarf maður að segjast vera á lyfjum ef maður vill ekki í glas? Er ekki betra að segja bara nei takk, ég vil ekki í fá mér í glas? Eða segja, Já takk, sódavatn með sítrónu, ef þú vildir vera svo vænn?

Er ekki sagt að það sé óþarfi að sækja vatnið yfir lækinn?

Bögg segirðu. Bögg þýðir væntanlega að maður er spurður aftur sömu spurningarinnar eftir að maður telur sig hafa svarað henni. Ég held að besta lausnin við böggi sé þessi.

Maður á bar: Má bjóða þér í glas
anna: Nei takk.
Maður á bar: Jú, láttekkisvona, á ég ekki að bjóða þér í glas
anna. Ertu heyrnarlaus eða heilabilaður, nei takk.

Hreinskilni borgar sig.

Ég hef notað pilsner og kók í sítrónu trikkin mjög mikið. Ég hef líka átt snilldarleiki með aðstoð dyggra barþjóna. Hér er trikkið mitt: ef mann vantar að losna við einhvern sem er of drukkinn og leiðinlegur, þá er fátt betra en að kaupa 3-4 tekílahringi en sjá til þess að fá vatn sjálfur. Þetta hef ég gert, og þótt mikil hetja fyrir drykkjuþol meðal þeirra sem rámar eitthvað í hvað gerðist.

Og ég er varla búin að sleppa lyklaborðinu þegar í inboxið dettur póstur með subjectinu "How To "Cure" Your Fear Of Women"

Ef ég vissi nú bara netföngin hjá þessum mönnum svo ég gæti áframsent þetta..

LOL ég kem til með að NOTA þetta!

Þar til barþjónninn réttir tröllinu þrefaldan vodka og bætir við „compliments of the brunette at the bar.“

Það er ekki til broskall Í HEIMNUM sem er nógu hræddur á svipinn til að lýsa því hvernig mér leið þegar ég las svarið þitt Kalli..

Steratröll.. jesús kristur og allir dvergarnir. Það fer um mig hrollur sem á ekkert skylt við sælu..

Ég ætla að halda mig við kurteisislegt og kalt "nei takk".

Nei nei ! Grundvallaratriði að ef glasamaðurinn heldur til streitu að hvísla að barþjóninum að setja bleika regnhlíf í vodkan og hafa skilaboðin "þessi í krumpuðu jakkafötunum með greitt yfir skallan vill hitta þig við barinn/við klósettin/á dansgólfinu þegar þeir spila YMCA"

Það eru of margir áhættuþættir í þessari senu.

Þessi í krumpuðu jakkafötunum gæti aulað því út úr sér að ég hefði logið þessu og þá er ég með steratröll og fashion slys á eftir mér.

Ég skal þiggja í glas sem þakklætisvott fyrir að hafa bjargað þér frá slysadeiti við steratröll

Held nú að áhættan við "nei takk" sé meiri en við hina aðferðina. Ef þetta fer í einhverja flækju þá segirðu bara steratröllinu að þessi krumpaði hafi verið að bögga þig og lætur þig svo hverfa á meðan þeir útkljá málin með ... rímorðasamkeppni eða eitthvað.
"Nei takk" hefur nefnilega margar merkingar eins og ég held að allar konur þekki. Getur þýtt bara .. nei takk. Sumir þýða þetta sem "reyndu betur .." aðrir sem "já takk !!". Er þetta ekki rétt túlkað hjá mér ?

Hahaha! Ég dó næstum því úr hlátri þegar ég las svarið hans Kalla.

En þetta er nefnilega málið.
Í heimi þar sem að menn ganga að konum og spyrja þær hvort þær vilji kona heim að r*** án þess að nokkur samskipti hafi átt sér stað áður og hinir mennirnir á staðnum eru annaðhvort á amfetamíni eða vodka í orkudrykk er ekki vænlegt að taka nokkra sénsa.

Er alltaf að sjá betur og betur hvers vegna ég er nánast búin að loka mig af heima hjá mér og fer sjaldan út á meðal fólks

I'll hold you to it!

Annars er ég forvitinn eftir þessa umræðu. Er það almennt að heilla kvenfólk að maður hefji kynni á að bjóða þeim í glas? Án þess að ég tali að reynslu hefði ég haldið að það væri mun meira elegant að bjóða í glas eftir velheppnaðan formála af léttum samræðum. Og þá frekar á nótunum „ég ætla að fá mér annan, má ekki bjóða þér eitthvað“?

Meh! Sko... ég skil vel að djammið heilli ekki en það þarf ekki að loka fyrir skemmtanir. Bara bjóða nokkrum skemmtilegum einstaklingum til sín í „partí“. Ef valið er gott verður gaman; léttar samræður yfir léttum veitingum og góðri tónlist. Muna bara að ef manni finnst góð hugmynd að fara í bæinn þegar komið er langt fram yfir miðnætti voru drykkirnir og margir og kominn tími á að fara í háttinn

Erfiðleikar skemmtanalífsins gæti verið yfirskriftin hér. Til að byrja með ætla ég að taka það fram að ég drekk. Finnst gott að fá góð vín, borða góðan mat með þessum sömu vínum er ekki verra. Svo ef einhverjum dettur í hug að bjóða mér eitthvað að drekka segi ég bara já takk. En ég er ekki kona, svo það fylgir því ekki sami pakki

Mér finnast það þess vegna sjálfsögð mannréttindi að fá að drekka eitthvað annað en áfengi. Finnst að fólk sem á í erfiðleikum með að skilja Nei vera meira en lítið retarded "which part of NO didn't you understand?" er einhverra hluta vegna frasi sem ég man alltaf eftir:...

Svo alvöru karlmenn skilja þetta alveg. Bjóða eitthvað meira en drykk

Einn þáttur í þessu; ef einhver biður mig um eitthvað, býður mér eitthvað etc. og ég segi nei gera líkurnar ekkert annað en að minnka ef ég er beðinn/boðið það sama aftur. Kannski er þetta bara þvermóðskan í mér en að endurtaka eitthvað sem engar undirtektir voru fyrir finnst mér ekki líklegt til árangurs.

Ef fyrsta áhlaup virkar ekki er líklega betra að reyna áhlaup úr annarri átt... ekki satt?

Æ ég nenni ekki að pæla í vitlausum karlmönnum.

Tölum um froska. Doddi var að lesa fiskabókina sína um daginn og las að fæða einhvers fisks væri eitthvað sem ég man ekki og froskar. Þá hætti hann að lesa í smá stund og sagði "Froskar! Það eru uppáhalds dýrin mín - af slímugu."

Froskar eru líka uppáhalds dýrin mín. Af slímugu.

Sniglar eru mín af slímugu. Æðislegir í hvítlauk

Og með sveppum. Og... Chablis eða kannski kampavíni. Sammála Simma

Gaman samt að pilturinn flokki hluti svona. Ég hef t.d. svakalega gaman að því að búa til lista í huganum.

Hann hélt áfram að lesa.. "í þá daga voru þeir drepnir með berum" og í staði fyrir að lesa setninguna alla þar sem kom í ljós að þeir (fiskarnir) voru drepnir með berum höndum sagði hann, "mamma, þú drepur ekkert fisk með "berum", hvaða rugl er þetta eiginlega?"

Telst lax ekki vera slímugur? Þá er hann mitt uppáhalds af slímugu.

Jú ég held að lax sé slímugur. Finnst þér lax betri en silungur? - af slímugu.

Hundar eru mín uppáhalds dýr - af loðnu.

Já teljast fiskar með í slímuga flokknum? Við erum á barmi nýrrar flokkunar...

Slímugar
Hárugar
Fiðraðar

Og svo er bara að enska þetta...

Slimy
Hairy
Feathery

Hrafnar eru uppáhalds dýrin mín af fiðruðu.

Mér finnst gaman að veiða.

Já og mér finnst silungur betri til átu líka.

Mér finnst líka gaman að veiða.

Ég man í smáatriðum nánast allt í kringum þá laxa sem ég hef veitt um ævina. Í hvaða á, hvernig veðrið var, hver var með mér, hvaða flugu laxinn tók, veiðistaðurinn, hvernig ég renndi flugunni, hvernig laxinn tók fluguna.

Gaman.

Hvernig matreiðiru þá silunginn helst? Ég hef náð tökum á laxinum en aldrei náð góðum tökum þessum litla bróðir...

Vantar þig ekki aðstoðarmanneskju eða eittvað þegar þú ferð í lax? Get afslímað þá. hahaha

Djöfull held ég að það sé gaman að veiða lax. Ég hef bara veitt silung og ég hef meira að segja veitt stærsta silung sem hann afi minn hefur um ævina séð. Veiddi hann á litlu barnastöngina mína þegar ég var þrettán.

Stöngin brotnaði í látunum. Það var ekkert smá skemmtilegt.

Gleymi því aldrei.

Mér finnst temmilega soðin silungur með kartöflum bestur. Beint úr ánni.

Hmmm...þá þarf ég bara að tryggja mér sæmilega stöng, gott ferðaeldhús og smá leiðsögn í veiðimennsku og ég er í góðum málum

Veiðisögur þar sem stöngin brotnar... litli heilinn minn náði að snúa því upp í eitthvað dónó enda er hann slímugur sem snigill.

Þakka gott boð. Hef þig í huga næst . Gætir jafnvel hjálpað mér að skera fluguna úr andlitinu á mér eins og ég lenti í við Langá á Mýrum einu sinni. Félagi minn notaði öngul til verksins.

Minn stærsti lax var 17,5 pund. Setti í hann í Laxá í Aðaldal, fyrir ofan Æðarfossa (minnir þeir heiti það). Sá hann koma upp úr djúpinu sem þarna er og taka fluguna í yfirborðinu.

Silungurinn er skemmtilegur líka. Sérstaklega ef maður er með létta flugustöng.

Já þú mátt sko alveg hafa mig í huga

Ég var að ákveða að fara með krakkana í veiðiferð í sumar!

Vúhú! Hlakka til. Ætla að smyrja nesti og allar græjur. Rosalega langt síðan ég hef farið að veiða. Best að drífa sig og gera nú allt sem mann langar til að gera - á meðan hægt er að gera það í friði!

Hey Igor

Hvert mælirðu þá með að fara í silung? Kann ekki hálfa stöng að veiða, en á góða að....

ÉG ÆTLA AÐ TAKA AFA MEÐ!

Vá.. ég hlakka ekkert lítið til, grínlaust. Og með afa. Hann er svo frábær. Þetta verður ÆÐISLEGT!

Vá þessi svarhali tók algert U-turn...
Anna þú ert snilli notaðu þessa aðferð á vitleysingana sem skilja ekki nei

Hef séð foreldra nota þessa aðferð á rellandi krakka í búðum, ætti að geta virkað eins á vitleysinga?

Annars hef ég áhyggjur ég á ekkert slímugt uppáhald.

Enn einusinni kemur berlega í ljós hvað á sér stað í hausnum á Kalla. Þú ert perri. Heilinn á þér kemst inná topp tíu hjá mér - af slímugu.

Elín. Ég hef ákveðið að í framtíðinni mun ég alltaf segja "Did you say something? I don't speak spanish." Við alla karlmenn sem reyna að tala við mig.

Ég hef þungar áhyggjur af því að þú eigir ekkert slímugt uppáhald. Má ég benda á heilann á Kalla?

Elín hvað með Sushi flokkinn?

Sushi er ekki í slímugu Simmi. Búið að skola það og svona..

details, details

Simmi.

Silungsveiði í vötnum getur auðvitað verið ansi dyntótt en það eru margir möguleikar í silungsveiðinni. Ég fór lengi vel í Hlíðarvatn í Selvogi, rétt hjá Strandakirkju. Þingvallavatn er auðvitað alltaf kostur. Elliðavatn líka.

Reynisvatn ef maður vill vera meira öruggur með að fá eitthvað en það er auðvitað eldisfiskur. Ekki eins spennandi en gaman þegar hann tekur.

Annars er þetta út um allt.

Ég á einn leynistað.

Það er hylur í lítill á á norð-austurlandi. Pabbi veiddi þar í sama hylnum þegar hann var strákur, fór með mig í sama hylinn þegar ég var strákur, ég fór með minn strák og dóttur í sama hylinn fyrir nokkrum árum. Það merkilega var að alltaf veiddist fiskur á nákvæmlega sama stað á þessum næstum 60 árum.

Nei í alvöru ég á EKKERT slímugt uppáhald, ég borða bara fisk í neyð... hvað þá óeldaðan fisk.

Kannski gullfiskar? má það? mér finnst Nemó sætur.

Ég fékk alveg frábæra hugmynd rétt áðan. Simmi er með svona gjafa-óska-lista fyrir afmælið sitt og nú er ég líka komin með þannig. Mig langar í veiðigræjur.

Ætli það sé dýrt að græja sig upp frá grunni? Ég á eitthvað ónothæft rusl niðrí geymslu sem ég vil helst ekki þurfa að nota.

Mig langar líka í flott stígvél (figures) og helst flotta veiðihúfu líka sem ég get nælt flugur í.

Afi minn veit líka um svona leynistað Igor. Fór alltaf með okkur þangað, það var svo gaman. Í sumar ætla ég að hætta að hugsa um að veiða karlmenn og fara að veiða fiska með börnunum mínum í staðinn. Ég held að þetta sé besta hugmynd sem ég hef fengið á þessu ári.

Takk Igor!

Ertu þá með svona.. fishing scar eftir fluguna? Mér finnst þetta mjög karlmannlegt en ég spái því að ég láti börnin vera með hlífðargleraugun síðan um áramótin..

Koppafeiti, hún er slímug og þú mátt alveg hafa uppáhald af slímugu sem þarf ekki að borða!

tíhíhí

Ég sagði ekki að stígvélin heilluðu mig mest, en mig langar samt í flott svoleiðis.

Hvað get ég sagt. Ég fíla stígvél.

Viltu vita hvað heillar mig mest? Það heillar mig mest að fara í svona ferð með krökkunum mínum.

Mér finnst ekkert atriði að þú þurfir að borða uppáhaldið þitt af slímugu. Það hlýtur að vera eitthvað sem Elín fílar sem er slímugt.

Ef ekki.. þá þarftu ekki á námi því sem um var rætt hér annarstaðar.. að halda. (Kanína.. lol)

Vortilboð Veiðihornsins eru líka á netinu á veidihornid.is stóð í Mogganum mínum - ættir að geta fengið fína hugmynd þar hvað þetta kostar.

Flugan festist framan við vinstra eyrað á mér og því ekki á mjög áberandi stað. Ekkert ör sýnist mér en það hefði nú verið flott. Aðgerðin með önglinum tókst greinilega vel.

Ég er líka alltaf með gleraugu þegar ég veiði með flugu. Ljótustu gleraugu í heimi en ég er búinn að eiga þau í um 20 ár. Keypti þau í House of Hardy við Pall Mall street í London.

Svo er maður auðvitað með veiðitösku og klæddur í sérstakt veiðivesti. Og þröngar vöðlur. Lookar alveg rosalega vel (að mínu mati) og því skil ég ekki afhverju konan hlær alltaf jafn mikið að mér þegar ég er kominn í gallann

Það var gaman þegar ég fór þarna með krakkana og konuna á þennan leynistað. Þá voru liðin sennilega um 15 ár frá því ég fór með pabba þangað. Við vorum í útilegu, keyrðum rúma 100 km. á staðinn, við löbbuðum síðan upp með ánni í sennilega 2 tíma þar sem ég var að reyna að rifja upp hvar veiðistaðurinn væri. Loksins fann ég staðinn, henti út í og við náðum 8 fiskum í beit. Keyrðum til baka og settum þá beint á grillið. Frábært.

Ætli þú krækir ekki bara í einn á bakkanum í leiðinni.

Oh... verið að vísa á staði sem selja riffla... ég má ekki við að það áhugamál lifni við... hef ekkert efni á að fóðra SMLE...

Takk fyrir þetta Simmi. Þeir eiga samt ekki flott stígvél..

Silungur - hreinsaður og flakaður...........ekki roðflettur, settur inn í álpappír með sítrónupipar, smá sjávarsalti og sítrónusneiðum inn í ofn í obbolitla stund......mmm namm.

Skorinn í litla bita með roðinu.

Hunts Tomat og Basil hrísgrjón soðin. Saman við er hrært rjómaosti með svörtum pipar og smá sletta af rjóma útí.
Sett í eldfast mót - silungur ofaní með roðið niður. Inn í ofn í smá stund. mmmm namm.

Mitt uppáhalds af slímugu- finnst að vísu sniglar æði - en verð að borða þá með lokuð augun.

Sprite í glasi með fáeinum dropum af kóki eða diet kók getur litið út eins og bjór - mundu það líka.

Og ef þú reykir dettur engum í hug að þú sért ekki að drekka - eins sérkennilegt og það nú kann að hljóma.

Alveg merkilegt að þessi umræða þurfi yfirleitt að fara fram. Hvað er sjálfsagðara en að drekka ekki?? Er það virkilega eðlilegra að allir drekki?? Ég hef einmitt búið við þetta í langan tíma og eins og komið hefur fram þá er maður stimplaður alki, ólétt eða félagsskítur.
Eigum við ekki rétt á því að ráða því sjálf hvort og hvenær við drekkum áfengi?
Næst þegar ég lendi í þessu, þ.e. næst þegar ég er ekki ólétt og lendi í þessu þá ætla ég að segja: Nei takk ég vil ekki drykk en ef þú átt gott hass í pípu eða hreint kók þá endilega gefðu mér línu! Spurning hvernig viðbrögð það vekur.....