 |
|
|
|
 |
Þrjár vikur af Roaccutan
Sunnudagur, 23. apríl 2006
Ég var að dunda mér áðan við að kroppa dautt skinn af andlitinu á mér. Hef alveg gert leiðinlegri hluti en það - eins skerí og það er. Ég hef varaþurk og þurrk í kringum nefið og já.. alhliðarþurrk svona.. sem virðist samt einskorðast við andlitið á mér og aðallega bólurnar. Þurrkurinn er mestur í þeim og ég held ég hafi sagt áður að þær hreinlega detti af. Það er engin lygi. Í gær tók ég eftir því að löngu "nú er ég hissa" hrukkurnar á enninu á mér eru orðnar sjáanlegar aftur. Þetta er alveg ný tilfinning - að vera glöð að sjá hrukkur. En af tvennu illu kýs ég að hafa þessar hrukkur, sem bera þess vitni hvað margt kemur mér á óvart í lífinu, en að hafa bólu-þúfna-ger. Hægri kinninn á mér er all verulega miklu betri en sú vinstri, samt sef ég yfirleitt á hægri. Merkilegt. Ég var alltaf að skipta um koddaver til að vera nú alltaf með hreint á koddanum. Það sem ég er ekki búin að leggja á mig til að losna við þetta ógeð, þegar allan tímann þurfti ég bara að fara á lyf. Svona getur þetta verið. Annars sýnist mér ég vera að sleppa ótrúlega vel miðað við aukaverkanalýsingarnar. Ég finn bara fyrir þurrk í andliti. Punktur. Ég er náttúrlega að jinxa sjálfa mig með því að vera svona jákvæð. Ég verð örugglega búin að missa allt hárið næsta sunnudag og jafnvel útlim líka. Er samt eiginlega farin að hallast að því að þrír mánuðir verði nóg í mínu tilfelli. Ég vona það. Annars er eitthvað að gerast með brjóstin á mér sem er á sér engar eðlilegar skýringar nema þær að ég sé haldin svona svakalegri hlutekningaróléttu. | anna | 8:20 |
comments
Getur verið að bólurnar séu að flýja þangað í var, því þar er allt mjúkt og djúsí, en ekki þurrt og hart? Safnast saman og ræða nýjar strategíur. Haldnir sellufundir, drukkinn bjór og rekin upp stríðsöskur! Spurning.... Ok, ok. Ég hélt að Anna hefði áhuga fyrir hinu kyninu þegar? Er hún bara búin að vera að ljúga þegar hún hefur, endurtekið, sagst ekki vera lesbía? Sveiflast hún kannski bara til beggja átta? Anna: hvaða útlimur myndi helst vera fair trade fyrir Mjallhvítarhúð? Nr. 5 | posted by: Kalli | 23.04.2006 | 9:43:27 | [+] |Kjaaaaftæði. Ég hef ekki áhuga á einu eða neinu. Nema kannski krókódílum. Ég er orðin gjörsamlega afhuga karlmönnum og mér finnst kynlíf ógeðslegt. Skil ekki hvernig fólk getur stundað svona óþarfa vessaskipti. Kyssast í tíma og ótíma, náttúrlega bara RUGL. Ég er ennþá í sjokki yfir því að þú skulir ganga með krókódíl, þú ert nú einu sinni litla systir mín og ég hélt alltaf að þú værir ennþá að leika þér með Barbie en ekki að stunda svona.. óhugnað. Auk þess stal ég börnunum mínum í Kringlunni eins og allir vita. Ég vil ekki segja hvaða útlim ég myndi fórna fyrir Mjallhvít. Er hædd við jinx-ið sko og ég get ekki orðið afhuga konum þar sem ég hafði aldrei áhuga á þeim (þannig) til að byrja með! Nr. 6 | posted by: anna | 23.04.2006 | 9:55:55 | [+] |Kynlíf er overrated..........það sagði amma alltaf Safna þeim ? Svona eins og Goldmember safnaði húðflögunum sínum ? *ojbara* Mæli frekar með skipulagðri blíkbrennu ( bólu-lík-brennu ). Í víkingastíl. Á tjörninni. Um miðnætti. Nr. 10 | posted by: Þór | 23.04.2006 | 14:47:48 | [+] |Ég sá einu sinni mann í einhverjum þætti sem hafði safnað naflakuskinu sínu í krukkur......... en ekki nóg með það - hann hafði flokkað það eftir lit!!!!!! Get ekki gert að því að ég get ekki tekið Roaccutan alvarlega, sorrý. Accu-Tan hljómar eins og mjög nákvæmur þýskur sólarbekkur fyrir FM hnakka, eða brúnkuspreiið hans Ásgeirs Kolbeinssonar. Svona er ég skemmmdur og langsótt í gáfurnar hjá mér. Nr. 12 | posted by: DonPedro | 23.04.2006 | 21:33:18 | [+] |post a comment
|
