 |
|
|
|
 |
Nú get ég ekki orða bundist lengur
Fimmtudagur, 27. apríl 2006
Undanfarið hef ég verið að velta fyrir mér hvort staða himintunglanna sé eitthvað sérstaklega hagstæð þegar kemur að ást og samböndum. Fyrir alla aðra í heiminum en mig. Ég er orðin frekar þreytt.. nei.. ég er orðin DRULLU ÞREYTT á því að nú eru allar vinkonur mínar í skýjunum því þær sem áttu ekki kærasta, jafnvel þær sem höfðu ekki átt kærasta árum saman, eru nú allar búnar að finna þann eina rétta. Eins og gengur finnst þeim gaman að tala um það. Við mig. Nú er svo komið að þeir karlmenn sem ég umgengst eru líka að finna ástina hingað og þangað og svífa um á bleiku skýi. Og hvaða lán hendir mig? Jú. Ég missti kynhvötina í Kringlunni, tók ekki eftir því og hún týndist. Ég er búin að hengja upp auglýsingaplaggöt í búðum og myndir af henni hjá Securitas en hún finnst hvergi! Ég er búin að reyna að rifja upp þennan hryllilega dag og finnst líklegt að ég hafi misst hana nálægt kaffihúsinu þarna undir rúllustiganum á fyrstu hæð og líklega hefur einhver samviskulaus óvandaður einstaklingur frá helvíti hreinlega tekið hana. Ég næ ekki uppí þessa ósvífni. Þessi kynhvöt var merkt mér, símanúmer og allt! Svo eru þessar hamingjusömu konur stundum að hringja í mig og segja mér frá því hvað þessir frábæru kærastar þeirra eru mergjaðir elskhugar og hvað þeir eru duglegir að halda utanum þær og kyssa þær og REFSA ÞEIM. Þessar sögur valda mér ógleði og stundum uppköstum. Mér er fyrirmunað að skilja af hverju fólk ætti að vilja nudda sér berrassað upp við hvort annað í tíma og ótíma og klína sig útí allskonar líkamsvessum án nokkurar sjáanlegrar ástæðu. Ekkert nema subbuskapur sem af þessu hlýst og svo festist allskonar drasl í tönnunum á manni. Ljóta ruglið. Ég bið fólk að hlífa mér við svona hryllingssögum í framtíðinni og næsta par sem kemur hingað í heimsókn og finnur hjá sér þörf fyrir að kyssast í sófanum mínum verður hreinlega hent út! Svalamegin! | anna | 19:40 |
comments
Heyrðu... ég er nú í ágætri aðstöðu til að leita að kynhvötinni þinni svona í og með öðrum verkum. Þarf ég samt ekki að hafa varann á ef ég finn hana? Er hún ekki stórhættuleg? Er ekki best að senda þér hana líka bara í pósti ef ég handsama hana? Nr. 2 | posted by: Kalli | 27.04.2006 | 20:56:31 | [+] |Erum við með tunglsýki þá...............þ.e. þessar sem eru undir ranga tunglinu?? Ég hef ekki hnotið um draumaprinsinn enn og er ég þó farin að draga lappirnar í tíma og ótíma. Ég held að ég þurfi nauðsynlega að fá almennilega refsingu bráðum..........bara til að sanna að ég sé á lífi. Það er sad. Erún lítil og bleik ? Svona eins og 30 kílóa "Watchamacallit" með handföngum ? Þá sá ég hana á puttanum á leið til Hveragerðis. Hún var með skilti... ...á því stóð "Vinn fyrir vanrækslu" - held hún hafi bara verið áttavillt og með heimþrá...
Ó Harpa, þetta er hræðilegt! Ég verð þá að bjóða henni heim til mín ! Það eru greinilega allir ennþá á kafi í ísvefnum og Dóra Takefusa enn að hella Önnu fulla af kóki. Geisp, geisp á meðan. Á meðan ætla ég að gera einhvern skandal og fylla nokkrar raðir af brosköllum. Ég veit þeir verða drepnir. Heyrðu... ég kíkti á ebay eftir kynhvötinni þinni, Anna. Fann hana reyndar ekki en hvernig líst þér á smá Advanced Sex Drive Substitute™? Nr. 14 | posted by: Kalli | 29.04.2006 | 8:36:39 | [+] |Já, alveg rétt. Hann virðist fara svo vel í þig að ég var búin að gleyma honum. Skál fyrir því. Nr. 15 | posted by: Gestur | 29.04.2006 | 10:58:30 | [+] |Hann fer svo vel í þig að ég var búin að gleym'onum. post a comment
|
