 |
|
|
|
 |
Lögfræðingar
Mánudagur, 10. apríl 2006
Var að frétta að það hafi maður gert sér ferð hingað í síðustu viku sérstaklega til að þakka mér fyrir ráðleggingar mínar varðandi málaferli sem hann stóð í fyrir stuttu. Hann vann málið, eins og mig grunaði reyndar að hann myndi gera. Hann deildi ekki þeim grun með mér og hefur líklega þessvegna verið svona kátur. Ég er ekkert smá ánægð að frétta þetta. Í fyrsta sinn sem ég fór á fund með viðskiptafræðingi, sem var fyrir ca fimm árum síðan, var ég svo rökföst og ákveðin að maðurinn spurði mig í lok fundarins "ert þú lögfræðingur fyrirtækisins?". Mér fannst þetta alveg ferlega fyndið, þó ég hafi auðvitað ekki hlegið að honum. Sérstaklega í ljósi þess að ég hafði nýlega ákveðið að verða ljóshærð, með skelfilegum afleiðingum. Var með stutt, hlandgult hár sem ég hafði ekki greitt þennan morgunn því ég svaf yfir mig svo það stóð út hægra megin pínu eins og lítill hanakambur á röngum stað á hausnum á mér og vinstra megin var hárið niðursleikt eins og ég væri með nylonsokk yfir því. Samt ekki ósvipað og hártískan er í dag svo það má segja að ég hafi bara verið á undan minni samtíð. Ég leit nákvæmlega ekkert "lögfræðilega" út - meira eins og uppvakningur úr hryllingsmynd - en var dugleg að nota frasa eins og "með tilliti til", "með hliðsjón af", "að því gefnu" og "í góðri trú". Því miður veit ég ekki hvort það var. Hryllilega ógnvekjandi útlit mitt, orðalag eða rökfestan sem hrakti aumingja manninn útí horn. Who cares. Niðurstaðan var mér í hag - eða fyrirtækinu öllu heldur. | anna | 9:41 |
comments
Litli lögfræðingurinn! Geturðu ekki bara fengið þér skilti og opnað bissness? post a comment
|
