 |
|
|
|
 |
So tired
Sunnudagur, 12. mars 2006
Ég er búin að vinna alla helgina. Vaknaði snemma á laugardaginn, klæddi mig í þægileg leikfimiföt og settist við tölvuna. Ég sat sleitulaust við tölvuna þangað til klukkan átta um kvöldið, þá var mér farið að líða verulega illa og áttaði mig á því að ég var orðin svo svöng að mér var hálf óglatt. Ég á til að gleyma að borða þegar ég er mjög niðursokkin og þetta hefur komið fyrir mig aðeins oftar en tvisvar. Þegar svona er fyrir mér komið er hræðilega vont að borða. Mér er of óglatt til þess. Þar fyrir utan var ég orðin svo máttfarin að mig svimaði, svo ég byrjaði á því að fá mér tvo appelsínubáta til að fá beina blóðsykursinnspýtingu. Það virkaði, mér leið miklu betur en vissi að ég yrði að borða eitthvað. Mig langaði ekki í neitt, en setti lasanja í ofninn sem ég átti í frystinum síðan ég eldaði það síðast. Þegar það var tilbúið gat ég borðað tvo bita af því. Þá langaði mig að gubba. Borðaði tvo appelsínubáta í viðbót til að halda meðvitund og velti því fyrir mér hvað í fjandanum ég gæti þvingað ofaní mig. Prufaði að elda pasta og gat borðað tvo munnbita af því og var lífsins ómögulegt að borða meira. Þessi matur var nú samt sem áður nóg eldsneyti fyrir mig til að vinna til ellefu í gærkvöldi en þá fór ég í heitt bað og að sofa. Vaknaði snemma í morgun og eldaði hafragraut, til að endurtaka ekki ruglið. Í hádeginu náði ég mér í trefjajógúrt og var að drekka það öðru hvoru til fjögur. Ég var að klára að borða egg sem ég eldaði í kvöldmatinn og ég er í alvöru að hugsa um að fara í bað núna því ég er orðin þreytt. Mig langar mest að fara að sofa. Djöfull hata ég explorer. Ég vinn alltaf í Firefox en villuprófa í xplorer. Gleymdi mér og var nánast tilbúin með lúkk þegar ég hafði rænu á að prófa í xplorer og viti menn. Allt í rugli og ég mátti byrja nánst uppá nýtt. ARG! Ég er allavega ekki að deyja úr hungri. Þarf eiginlega að prógrammera símann minn til að pípa á mig á ca 4 tíma fresti og minna mig á að borða. Ljóta helvítis ruglið að vera svona. | anna | 19:11 |
comments
Þekki þetta vandamál MJÖG vel, því miður. Sér í lagi ef dóttirin er ekki heima. Best að fá sér hrærð egg. Fljótlegt, prótein, kolvetni og fer auðveldlega niður í hungur-ógleðinni Nr. 1 | posted by: Lindablinda | 12.03.2006 | 20:04:59 | [+] |Fyndið - það er greinilega fólk sem á við sama vandamál að etja og maður sjálfur. Þetta var verst þegar maður lifði á sígó og kaffi - þá endaði þetta stundum með því að maður var farinn að titra af of miklu kaffi og engum mat. Sykurfíkn mín varð held ég alveg til á þessum árum. En þetta er alveg ferlegt og sérstaklega þegar maður er orðin of svangur og búinn að drepa þetta alveg niður með kaffidrykkju. Mitt töfra er nýja uppáhaldsheimilistækið mitt - Blender. Ég hef komist að því að það er næstum því alveg sama hversu "ekki svangur" maður er - svona ávaxtablöndur eru alltaf góðar. Það sem meira er - það er hægt að setja út í þetta allan fjandann og það virkar bara allt. Sparnaðarráðið er að kaupa ljóta ávexti í Bónus með svaka afslætti. Því þegar þeir eru komnir ofan í blenderinn þá skiptir útlitið litlu máli. Nr. 3 | posted by: Simmi | 13.03.2006 | 14:20:36 | [+] |post a comment
|
