Ég er alltaf svo fegin þegar mig dreymir ekki köngulær, mig hefur oft dreymt köngulær, snáka og hákarla... þetta þrenna sem ég er skíthrædd við og það hefur alltaf þýtt einhver vandamál í vændum.

Þannig að kannski ættiru að vera glöð að dreyma ekki svoleiðis kvikindi...

Við megum aldrei gleyma því að draumar eru sjálfkeyrð úrvinnsla á upplýsingum liðinna daga á "random mode".

En.. kannski er einhver að hnippa í þig og biðja þig að staldra aðeins við og hugsa?

Eða ...kannski varstu bara orðin þreytt á að dreyma ljótt ?(af hverju að dreyma svona andstyggileg kvikindi anna.is?!)

Ég vil hins vegar trúa því að einhver sé að fylgjast með og passa upp á okkur ........og hnippi í mann við og við.

Það gerir mig örugga - svona eins og að skreppa upp í Brimborg.

Og þetta sem þú skrifar um eru bara draumar sem þú mant, pældu í því hvað það getur verið ótrúlegt magn af rugli í öllum þeim draumum sem maður gleymir!

Langi Sleði. Ég veit ekki hvað þú ert að tala um. Þú ruglar bara.

Linda: Ég held að ef ég færi uppí Brimborg væri það öruggur staður fyrir mig að vera á. Auk þess finnst mér nýji volvoinn töff.

Elín: Mig hefur svo oft dreymt köngulær að mér finnst það eiginlega orðið sætt þegar mig dreymir þær. Ég sakna þeirra.

Eða ekki. Mig dreymir bara furðulega.

Mmmmmm.....Brimborg

En veit einhver hvað ljónið í barnamyndinni Madagascar heitir?? SPRON er að spyrja börnin mín að þessu og við erum öll blanco. Plís, anyone??

Alex

Alex?

"Íslendinga dreymir frekar fyrir atburðum en Evrópubúa

ÍSLENDINGAR eru gjarnari en aðrar Evrópuþjóðir á að túlka drauma sína sem skilaboð um eitthvað utanaðkomandi heldur en persónuleg skilaboð úr sálarlífinu. Þannig telja Íslendingar sig dreyma fyrir veðri, atburðum eða félagslegum samböndum en aðrir Evrópubúar túlka drauma sína sem einhvers konar ávísanir á innri átök sálarinnar.

Þetta er meðal þess sem fram hefur komið í rannsóknum dr. Adriënne Heijnen, mannfræðings og verkefnastjóra hjá Den Danske Forskerskole i Antropologi og Etnografi, en hún kynnti niðurstöður sínar á fyrirlestri á vegum Félags þjóðfræðinga á Íslandi í vikunni."

Þessi tilvitnun er úr frétt í Morgunblaðinu sem birtist föstudgainn 24. febrúar 2006.

Þó íslendingar séu langbestir í heimi þá skjátlast þeim á þessu sviði. Auðvitað segja draumar ekkert fyrir um atburði. Draumar eru auðvitað ekkert annað en rót í minningum - myndbrot af liðnum atburðum. Minningum sem geymdar eru í heilanum og við draumfarir er heilinn að vinna úr þessum upplýsingum og endurraða (indexa).

Mér þykir alltaf gaman að minnast á viðtal í Morgunblaðinu við hárskerann í litlu þorpi úti á landi en sagan sagði að hann dreymdi fyrir um atburði (mjög íslenskt). Í viðtalinu tók hann sem dæmi að hann dreymdi iðulega nóttina áður þá sem kæmu til hans í klippingu. Þetta þótti blaðamanninum merkilegt en augljósari skýring er auðvitað að umræddir viðskiptavinir hafa auðvitað verið nýbúnir að hringja og panta tíma og hann skrifað þá niður í bókina sína. Það verður ekki af okkur skafið, íslendingum. Einstakir.

En hvað er það sem ákvarðar hvernig draumurinn verður í það og það skiptið? Það er ljóst að rekja má ALLA drauma til einhvers atviks sem gerðist áður en maður fór að sofa, oftast frekar stuttu áður en gæti þó verið einhverjum dögum áður.

Ég hef sjálfur prófað þetta og tiltölulega auðvelt að sýna fram á. Áður en maður fer að sofa verður maður að vera staðráðinn í því að ef mann dreymir og maður man drauminn að fara strax í að meta það hvort einstök atriði, nöfn, atburðir, o.s.frv. í draumnum eigi sér tilvísun í eitthvað sem gerðist, var sagt, maður skrifaði, hugsaði eða maður sá áður en maður fór að sofa. Það er undantekningarlaust að þannig getur maður skýrt ástæður draumsins og oft þarf það ekki að vera annað en örlítið atriði sem "triggeraði" drauminn t.d. nafn sem maður sá í blaði o.s.frv.

En afhverju ekki köngulær? Ég tel að þessi virkni verði því meiri eftir því sem álag, streita eða breytingar í lífi manns eru meiri. Þegar það gerist er maður á fullu að hugsa, melta, skoða og spá og heilinn því á fullu að róta upp í gömlum minningum. Því þarf oft lítið til að "triggera" myndbrot af liðnum atburðum sem mynda drauminn. Ég hef á tilfinningunni að ekki sé óalgengt að þetta aukist á aldrinum í kringum 35 ára en er þó ekki viss hvort það tengist aldrinum eða hreinlega að á þessu aldri verða oft ýmsar stórar breytingar í lífi fólks. Nýtt starf. Breytt fjölskylda. Ný ábyrgð. Name it.

Ergó: Þegar svona háttar til verða köngulær að smámáli og því tekur því ekki að dreyma þær. Því sagði ég að færslan þín um að þú værir ásökuð um að hafa valdið skilnaði skýrði það að þig dreymdi ekki lengur köngulær. Þær ásakanir koma auðvitað róti á minningar og myndbrot fortíðar skjóta upp kollinum í formi drauma. Gamlar skólasystur. Ónefndir bloggarar.