Ekki að ég vilji draga neitt úr alvarleika ástandsins hjá þér en það breytir samt ekki minni skoðun að þú ert ein fegursta kona sem ég hef augum barið
Gangi þér vel með lyfin

Eitt augnablik hélt ég að lyfin myndu gera þig svona kærulausa...

En hey, gott að losna við þetta. Þrátt fyrir að þetta vandamál loði við mig hef ég ekki alveg sömu hörku og þú þegar kemur að því að losna við þetta.

Merkilegt. Ég sé þig næstum því á hverjum degi og aldrei hef ég tekið eftir þessu. Þetta hlýtur að vera innbyggði soft-filterinn sem fer í gang þegar ég horfi á kvenfólk.

Þetta lyf, er það Isotretinoin?

jedúddamía

stikkpillur?

Ég á tvær góðar vinkonur sem hafa þurft að fara á þennan viðbjóðslega kúr. Ég get ekki sagt neitt til að hugga þig. Nema að þær eru báðar fallegar og líta vel út í dag, án kúrsins.

Strákar. Konur geta notað svolítið sem heitir farði sem felur eitthvað af svona ógeði. Eftir því sem ástandið versnar fer þessum konum fram með pensla og liti.

Það virðist líka algengt að ef þú þekkir manneskjuna áður en bólurnar yfirtaka andlitið tekurðu ekki eins eftir því að hún sé farin að fá bólur. Alveg grínlaust. Ég var farin að halda að ég væri með achne-rexíu og í raun og veru væri ég með fallegustu húð í heimi en alltaf þegar ég liti í spegil sæi ég einhvern hrylling sem væri ekki þarna í alvörunni. En þetta er akkúrat öfugt við anorexíu. Þeir sem þekkja þig segja nefnilega oftast "hva.. ég tek aldrei eftir því að þú sért með bólur" svo hin bólótti heldur að hann gangi um með stórfelldar ranghugmyndir í hausnum.

Þeir sem þekkja bólugemlinginn taka ekki eftir þeim nema þeim sé bent séstaklega á þær. Þá blasa þær oftast við þó til séu dæmi um að aðstandendur taki ekki eftir bólum þrátt fyrir að þeim hafi verið bent á þær. Þeir sem hinsvegar þekkja ekki viðfangsefnið sjá oft bara gangandi bólufés.

Ég pantaði mér þennan tíma hjá húðsjúkdómalækninum eftir að ókunnug afgreiðslukona í snyrtivöruverslun kommentaði á hvað ég væri með ofboðslega slæma húð. Það spurði hana engin álits en mig langaði að kyssa hana því hún staðfesti að ég væri ekki rugluð í hausnum.

[Þrátt fyrir þetta tel ég mig ekki vera lesbíu]

Ég legg nefnilega ekki í vana minn að spyrja ókunnuga t.d. í biðröðinni í Bónus: "fyrirgefðu má ég fá smá álit hjá þér. Finnst þér þetta mikið, lítið eða meðal mikið af bólum framaní mér?" Þó ég hafi reyndar gert það í dag - en hann er læknir.

Ekki stikkpillur, nei.

Parísardama: Kúrinn sumsé virkaði á þessar konur?

Annars er gott að vita að karlmenn hafi svona innbyggðan soft filter og já, þetta er lyfið sem þú linkar á Elías.

Úff - Þú verður algjör Toxic Avenger á þessu lyfi - engin smáræðis listi af aukaverkunum. Hvílík meðferð til þess að losna við þetta. En þetta svínvirkar er mér sagt - nú er bara að lifa af næstu 6 mánuði - Það sem drepur okkur ekki, gerir okkur sterkari (vona ég)

Ókey. Nú kemur smá .....smá.

Ég hef séð margan unglinginn ganga í gegnum þennan lyfjakúr, en einungis eina fullorðna konu. Unglingunum vorkenndi ég óskaplega, en þeir eru jú unglingar og allir hálf bjánalegir hvort eð er. Konunni hins vegar DAUÐ vorkenndi ég því þetta var hræðilegt á að horfa.
Þetta er í rauninni eitursprengja og ég myndi engan setja á þetta nema hann væri með acne á háu stigi - en það er annað en bólur.

Hins vegar langar mig að benda á eitt.
Ég varð fyrir þessum undarlegheitum á miðjum aldri, eftir að hafa verið öfundsvert unglingstrippi með tvær bólur frá fermingu að stúdent, að ég fékk allt í einu bólur - og ekki bara í framan.
Ég hins vegar var send af föður mínum lækninum til kvensjúkdómalæknis sem greindi þetta sem hormónaójafnvægi sem síðan var lagað 1,2, og 3 með einfaldri getnaðarvarnarpillu.

Ertu viss um að þú sért rétt greind?

Anna, þú átt samúð mína. Roaccutan er mest óspennandi lyf sem hægt er að taka á eftir hausverkjastikkpillum fyrir fíla...

Við systkinin vorum á þessu og litum út eins og belgískar múmíur

Held það geti hjálpað að drekka mikið vatn á meðan kúrnum stendur, en þetta er gerfi-A-vítamín ( í risaskömmtum, ef ég man rétt ). Fyrir mig gerði þetta ekkert. Fyrir systir mína lagaði þetta ástandið eitthvað, en henni skánaði fyrst þegar hún fór á pilluna ( sést varla bóla í andlitinu á henni núna ).

Gangi þér vel með kúrinn

Vó, þetta er ekkert smá! Ég var með trilljón bólur á bringunni (heillandi ég veit) þegar ég var unglingur en það koma varla ein í andlitið. Það lagaðist eins á viku eftir að ég fór á getnaðarvarnapilluna Diane Mite.
Líka, sveppasýking og leggangaþurrkur er hrikalegt! Kláðinn er gersamlega óþolandi og maður verður algjörlega viðstolslaus! Ég mæli sterklega með að þau birgir þig upp af Vivag Female vagina capsules! Án gríns. Gerðu þér þann greiða.

Vivag Female vagina capsules

Alltaf lærir maður nýtt.

Það eru nokkurs konar stikkpillur, ekki satt? Ekki að ég sé kominn með fetish fyrir stikkpillum eða neitt svoleiðis...

Já þið segið nokkuð. Að ég geti fengið sömu niðurstöðu af því að vera á þessari pillu?

Verð að segja að mér finnst vel þess virði að prufa það fyrst, þetta Roaccutan er auðvitað viðbjóður. Læknirinn benti mér á pilluna sem möguleika en sagði að bólurnar væru svo djúpt í húðinni að ég myndi ná besta árangrinum með Roaccutan. Með því að velja að fara á Roaccutan taldi ég mig vera að velja öflugustu leiðina og mest effektífu.

Tilhugsunin um að fara á Roaccutan og lagast ekki, er hinsvegar alveg hrikaleg.

Eru fleiri out there sem hafa fengið bót meina sinna á þessari getnaðarvarnarpillu? Er hún ekki frekar ný á markaðnum?

Fyrir utan DonPedro sem er náttúrulega í blússandi afneitun? Ég sé svo fyrir mér að ég labbi inn í apótek einn daginn, til að kaupa mér Magnýl til dæmis, og heyri að tveir herramenn á undan mér í röðinni eru að diskútera endaþarmsstíla af innlifun og ánægju. Þetta væru þá auðvitað Pedro og Hugi...

Rétt Kalli.

Við Hugi erum líka geeks skv. fyrri skilgreiningu, sem þýðir að við tökum svona fetish mjög alvarlega. Berum saman stikkpillur, áhrif þeirra og þyngd á ánægjuvoginni.

Ég er aftur á móti ekkert í afneitun. ég hef brennandi áhuga á stikkpilluheiminum eins og hann leggur sig.

Anna Dianemite er einmitt pillan sem ég er að tala um. Ég myndi skoða þennan möguleika fyrst - láta greina þig í raungreinar áður en lengra er haldið.

Ég færi ekki á þennan viðbjóðseiturkúr nema í neyð. Fólk fer hrikalega illa á þessu og líður djöfullega. Svo kannski virkar hann ekki á þig - jei! Það yrði nú skemmtilegt.......

Má ég ekki bara senda þér póst? Finnst hálf óþægilegt að ræða þetta hér - ??

þó svo að ég gæti hins vegar eitt heilum degi í diskussjónir um endaþarmsstíla og gildi þeirra við Pedro og Huga ánþess að blikna.

Pedro: er ánægjuvogin andheiti vonleysiskvarðans?

Sendu mér póst Linda, you guessed it.. anna hjá anna.is.

Hvað er "smátími" Meinvill? Smá er svo afstætt hugtak

Búnaðessu!

Ódáðahraun er mjög fallegt,.... sem hraun auðvita, ekki sem andlit. Gangi þér vel að eignast rennislétta húð.

Reynslusaga fyrrverandi pitsuféss.

Heyrðu góða mín. Pönkarinn (sem dagsdaglega er nánast fullkominn á að líta) fékk eitt sinn óhugnanleg kýli í andlit og kýlin bara hrönnuðust upp hvernig sem hann reyndi að bera á þau allskonar eitur.
Pönkarinn eyðir yfirleitt miklum tíma fyrir framan spegil dagsdaglega, til þess að dást að fegurð sinni, en nú brá svo við að hann var hættur að meika að líta í spegil!
Þess vegna laug hann í fróman húðsjúkdómalækni að hann væri á pillunni (sem hann mun aldregi éta) og skrifaði undir allskonar skjöl um að hann ætlaði ekki í mál við lyfjafyrirtækið (þetta var fremur skerí) ef hann fengi Roaccutanið eftirsótta.
EN. Pönkaranum reyndist fremur létt að vera á þessum kúr og bólurnar hurfu á fyrstu vikunum. Hann fékk ekki fleiri bólur en fékk hinsvegar þann heiftarlegasta varaþurrk sem hann hefur á ævinni fengið, augnþurrk og húðþurrk og allan þurrk. Hann makaði sig allan út í ullarfeiti (sem maður kaupir til þess að bera á geirvörturnar á sér þegar maður er með barn á brjósti) og leið þá þokkalega.
En það besta er; pönkarinn tók bara þessar töflur í tvo þrjá mánuði en hefur varla fengið bólu síðan.

Gúdd lökk beib.

Takk Tóta. Vona að ég sleppi jafn vel og þú!!

Nokkra mánaða þurrkur er ekki mikill tollur fyrir að losna við þennan viðbjóð.