Alveg eins og talað út úr mínu hjarta. Ég hef velt því fyrir mér að flytja til Bretlands, bara til þess að geta notið þess sama og vinafólk mitt þar. Að versla í matinn á netinu.

Waitrose.com

Mikið svakalega finnst mér þetta nefnilega vera mikið sóun á tíma mínum. Kannski við ættum að stofna Waitrose á Íslandi....??

Nákvæmlega, þetta er tímasóun!

Ef einhvertíma var ÞÖRF á markaðnum sem þarf að uppfylla - þá er það nákvæmlega þetta!

Gengur það ef við stofnum svona búð? Kemur ekki Baugur GRÚPP eða Kaupás og ÉTUR OKKUR!

Mér finnst verra að ákveða hvað eigi að vera í matinn, en ef mér tekst að ákveða hvað eigi að vera í matinn get ég gert "mission" úr því að kaupa það. Gefin eru stig fyrir góðan tíma, hagkvæmni í leiðarvali um búðina og almenna stjórn á innkaupakerrunni, en dregin frá fimm stig fyrir hvern þann sem ég þarf að tala við, kassastarfsmaðurinn meðtalinn.

-Over and out

gamlar rækjur minna þig á Lifur *hóst*

segi nú ekki margt

Jú BG eða Kaupás gætu orðið eitthvað pínu fúlir - en spurning hvort við gætum ekki fundið út hver á Waitrose - kannski þeir hafi áhuga á því að koma sér inn á íslenska markaðinn - en kannski er þetta bara spurning um að halda á fund BG eða Kaupás og fá þá til að kaupa hugmyndina - hverjir eiga annars Nettó? Ég held að það sé fullt af markaði fyrir þessa þjónustu, bara spurning um að framkvæma

Jahérna. Nú neyðist ég eiginlega til að grafa upp færslu sem ég skrifaði um ferð sem ég fór með börnunum í Bónus. Það er nefnilega ekkert leiðinlegt að versla þegar maður er partur af liði.

Neineienienienienienienienieneinei. NÝJAR rækjur minna mig á lifur.

anna - takk! ég var farin að anda hratt oní bréfpoka

nýjar rækjur og Lifur. getur ekki klikkað

Hagkaup bauð upp á þetta fyrir einhverjum milljón árum þegar "internetið" var bæði framtíðin og lausna allra vandamála.

Kalli, fyrir hinn sanna karlmann, sem kaupir bara mjólk, brauð og kjöt, er illmögulegt að villast...

Úff kalli. Þetta var nú eins og að fá dverg beint í...

Já ég man eftir þessu. Það sem Hagkaup klikkaði á var að einungis þáverandi eigendur fyrirtækisins voru með Internet tengingu á þessum tíma..

haha.. ættu kannski að vera klámblöð hjá gjaldkerunum?
(ein fordómafull í garð tímaritalesningu og karlmönnum)

Annars er ég svo innilega sammála öllum þeim sem segja að það sé leiðinlegt að versla. Og það er stærsti ókosturinn við að vera skilin, því maðurinn sem ég var gift, hann sá um þetta. Mér fannst það fínt og var bara orðin ansi dugleg í að impróvísera og elda úr því sem til var.. Nú, ef ég gat ekki eldað úr því sem til var, þá bara fór hann út í búð og eldaði jafnvel sjálfur í kjölfarið. Þegar ég rifja þetta upp skil ég stundum ekkert í mér að vera að skilja.

Aldrei kemur það fyrir mig að skilja ekkert í því af hverju ég var að skilja!

Já og hitt vandamálið við Hagkaups ævintýrið var hvað þetta var ævintýralega óþægilegt fyrir notendur. Það var t.d. ekki hægt að vista niður innkaupalista, afhending var "einhvern tíma milli 4 & 8" og ekki hægt að fá afhent í vinnu. Þetta var svo mikið klúður hjá Hagkaup að manni fannst það alveg ævintýralegt, sérstaklega í samanburði við Tesco og svo Waitrose. En við Íslendingarnir sem stöndum svo svakalega framarlega í netvæðingunni (já, eða svo höldum við) látum þetta bara ganga yfir okkur....

Ég ætti kannski að setja saman smá pistil um tímarit við kassa og hverjum þau eru ætluð. Ef það er t.d. mynd af konu á forsíðunni og fyrirsögn sem inniheldur kíló, léttist eða megrun er bókað mál að karlmenn hafa ekki áhuga á tímaritinu. Allt banal human interest stöff er bara úti.

Reyndar er Bleikt og blátt farið að vera hjá gjaldkerum en það heillar mig frekar lítið. Eiginlega finnst mér að það ætti að heita Bleikt og brúnt...

Sjálfur yrði ég til dæmis mjög hamingjusamur ef það væru blöð á borð við Classic Cars ,eða kannski tónlistar eða hifi blöð, hjá gjaldkerum. Klámblöð... hvað sem manni finnst um þau eiga þau ekki heima í matvöruverslun. Finnst mér. Playboy væri hins vegar kannski viðeigandi. Það er samt mikið til karlablað á sömu forsendum og við tölum um kvennablöð fyrir konur...

Rosalega er ég eitthvað veifin í dag.

Það eru reyndar til verkfæri í Europrís..

Einu sinni keypti ég þar hálft samsölubrauð, medisterpylsu, nýmjólk og hleðsluborvél.

Akkúrat. Ég þurfti virkilega að beita mig hörku þegar ég sá akkerið í Europris þarna um árið. Mig hefur alltaf langað svo mikið í svoleiðis á náttborðið.

Þessi búð er heimur út af fyrir sig. Ég hef samt aldrei keypt mat þar og þegar ég hugsa út í það þá þori ég ekki að gera það. Ég er sannfærð um að hann sé.. já, bara eitthvað skrítin..

Hahahahahaha! Varð hugsað til rækjupokans sem er inni í frysti!
Þurfti að telja á puttunum.

Ég reyndi að versla í gær.
það gekk ekki upp.
Ég bý í blokk á fjórðu með engri lyftu.
Ég er með bísepa sem virka.
Ég les ekki svona blöð Kalli, enginn skal bendla mig við þess konar iðju, þó ég sé kona, uuu nema ég sé kall, því ég rata ekki í búðum og veit aldrei hvað ég er að gera inni í þeim.

Maturinn í Europris er skrítinn. Mér finnst ég vera í útlöndum þegar ég er þar og ekki á svona næs deja vu máta.

Innkaupaferðir eru ekki nálægt því jafn spennandi í dag og þær voru í den, þegar maður varð yfirleitt að fara í að minnsta kosti 3 búðir til að fá allt sem þurfti, og líka niður á Granda til að prútta við sjómenn um furðufiska eða beitu.

Hmmmm tækjaporn í búðunum Kalli, það er málið. Hvernig velur maður rétta útgáfu af Jaguar E-Type, eða hvaða heimabíó splittar miltanu á manni best. Það er klám.

Bleikt og blátt eru bara digital myndir af íslenskum ex-hnakkamellum, fjólubláum og æðaberum að reyna að vera sexí í íslenskri náttúru. Þegar kemur að klámi, eins og öllu öðru, skal reiða sig á fagfólk, ekki amatöra.

Það er nú svo stutt í kellinguna í mér að ég hlæ að því að versla í öllum búðum nema Bónus. 62% af ergelsi Íslendinga í stórmörkuðum kemur af því að fólk er alltaf að reyna að drösla þessum kerrum með sér út um allt. ég dreg mína með mér, skil hana eftir þar sem hún er ekki fyrir, næ í krapp og fer með það í hana. World of difference.

Jesús mér finnst layout á flestum verslunum svo svakalega lógískt.

Meira segja þegar ég skrifa innkaupalista þá er ég búin að ákveða í hvað búð ég fer, fer svo í gegnum hana í huganum, hillu fyrir hillu og skrifa niður það sem mig vantar..... kaupi svo yfirleitt eitthvað allt annað en það er önnur saga.

ps. Anna ertu búin að kaupa þér slopp með tölum?

Af hverju er þetta ekki þannig? Að það sé hægt að skorða körfuna á einhvern stað og ganga svo um búðina í rólegheitunum og tína ofaní hana.

Ég geri þetta einmitt DonPedro style. Það er t.d. algjört prinsipp hjá mér að fara aldrei með körfu inn í kæli! Einu sinni var ég viss um að ég myndi verða úti í kælinum í bónus þegar þrjár konur höfðu króað mig af útí horni með körfunum sínum og sýndu ekkert fararsnið.

Ég slapp þó... við illan leik.

Ég er viss um að Elín byrjar alla innkaupalistana sína með „Operation:“ og velur svo eitthvað viðeigandi nafn. Pant ekki taka þátt í Operation: Þrumuþermi.

Ég hef alls ekki verið meðvitaður um það en ég hef notað aðferðina hans DonPedros meira en ekki. Og já, E-Type: Series 1, skiptir ekki öllu máli hvort það er 3.8 eða 4.2 og DHC eða FHC nema hvað varðar verð með það síðara.

Roger.