Hvernig veistu hvort sjálfsmorð er þinn stíll eða ekki ... fyrr en of seint.

Ég gæti sagt magnaða reynslusögu af þvottavélinni minni en ætla að sleppa því. Ekkert við þá sögu kemur vel út fyrir mig.

True.

Ekkert svona. Þú verður að segja þvottavélasöguna maður!

Nýjum þvottavélum fylgja pinnar til þess að tryggja að tromlan haggist ekki í flutningi.

Ef maður les manúalinn sér maður að síðan á að taka þá úr.

Sumt fólk les aldrei manúalinn. Ég er í þeim hópi.

Enda er til önnur aðferð, sumsé að byrja bara að þvo og sjá hvað gerist. Yfirleitt hendist þvottavélin um alla veggi áður en hún annað hvort skemmist eða brýtur veggina.

Í mínu tilviki náði ég raunar að verja vegginn með líkama mínum. Hélt á tímabili að ég væri að fórna lífinu fyrir dauða hluti (en eins og þú sagðir, helvíti dýra). Síðan náði ég að stöðva vélina.

Þá las ég manúalinn. Líklega er ég heppinn að ekki fór verr.

Er einmitt ein af þeim sem aldrei les manúala en hef sem betur fer ávallt verið umkringd analistum og les píum sem leggja mikið upp úr slíkum lestri.

Því hefur ódýra ítalska þvottavélin mín enst mér í 17 ár, þrátt fyrir þvottæðið mikla sem fylgir kúkú keisum eins og mér.

Það er þetta með stillingar og balanseríngar........

Læt aðra alltaf um þennan part í flutningum.

Hef hins vegar einu sinni lagt líf mitt að veði er ég greip þurrkara sem kom skoppandi ofan af þvottavélinni sem hann var giftur. Skil ekki ennþá hvernig ég fór að því ?? - en það er eitthvað adrenalínstengt er mér sagt - svipað og þegar ég fór í splitt þegar ég kenndi fyrsta airobic tímann minn......hef aldrei getað það fyrr né síðar......þ.e. farið í splitt né gripið og haldið á þurrkara. (Ætti kannski að vera option að kaupa sér adrenalín í flösku)

Þú getur keypt adrenalín á... „flösku“. Sástu ekki Pulp Fiction

Ég keypti frekar dýra vél síðast og var óánægð með hana í nokkrar vikur alveg þar til hún stoppaði alveg. Þá kom maðurinn sem fylgdi með ábyrgðinni... og skrúfaði betur frá vatnskrananum. Mér hefur sjaldan liðið jafn ljóskulega og þá.
Mæli annars með Bosch.
Vinkona mín sem selur tryllitæki í einni af fínu búðunum segir mér að nýríkir "unglingar" komi iðulega og kaupi allt nýtt og séu að henda nýlegum góðum græjum út til að allt sé í stíl og handgert í Þýskalandi. Spurning um að fá að hirða hjá þeim "draslið"?

Fer ég þá bara í lúguna uppá Lansa og ........

nennti einmitt ekki þessu drasli um daginn eftir að henda 3 ára gamalli ítalskri vél.. keypti mér siemens, 17 kall á mánuði í sex.. (btw fyrsta og síðasta skiptið sem ég kaupi mér á raðgreiðslum.. á yfirleitt fyrir draslinu sem ég kaupi, var bara með ónýta vél og flóð daglega í kjallaranum) Er hamingjusamari en býfluga á kafi í ferskjulíkjör með hana.. strýk henni ósiðlega milli þvotta..

Þú getur auðvitað keypt ný föt í stað þeirra sem þarf að þvo þangað til fjárhagurinn rýmkast. Ég skal viðurkenna að hann rýmkast hugsanlega aldrei með þessari aðferð en kosturinn er sá að þú eignast fullt af nýjum fötum og börnin þín líka. Ég gerði þetta einu sinni í nokkra mánuði með góðum árangri. Bý reyndar að þeirri klæðaskápsendurnýjun ennþá.

En með merki. Ég get mælt með AEG. Þær voru amk ennþá endingargóðar fyrir 10 árum þegar við keyptum okkar, og fyrir 17 árum þegar móðir mín gafst upp á Philco og einhverjum öðrum merkjum sem hún hafði átt fram að því. Hvort AEG eru ennþá jafn góðar og fyrir 10 árum veit ég svo ekkert um.

Sko Ég fékk "ónýta" þvottavél hjá systur minnia sem var búin að standa úti í skúr hjá henni í 3 ár. Ég tók hana heim, skrúfaði síuna úr, hreinsaði hana og hún var as good as new. Í siðustu viku dæmdi konan mín þessa vél ónýta. Ég fór niður í þvottahús, skrúfaði síuna úr, hreinsaði hana og hún var as good as new . . .
Hey!
Þú baðst um reynslusögu!

Ingó. Demparar farnir í minni. Svarar ekki kostnaði að gera við þetta RUSL. Já og vélin mín er CREDA. Forðist ódýrar þvottavélar frá þessu merki. Held að þetta sé ekki einu sinni merki. Líklega bara einhver málningaklessa eða hor úr sölumanni sem hefur myndað þetta orð framaná vélinni.

Ef ég get sloppið með 50 þúsund kallinn er ég alsæl því ég á þann pening til þrátt fyrir Albert.

Ég bið ykkur hinsvegar að senda inn specs eins og make and model á þessar vélar. Það virkar ekkert að fara í raftækjaverzlun Íslands og segja "ég ætla að fá AEG vél eins og Igor á"

AEG ÖKO_LAVAMAT. Með íslensku lyklaborði.

Ég hef þá reglu að ef varan sem ég ætla að kaupa er í dýrari kantinum og í flóknari kantinum (lesist gæti bilað) þá fer ég í sérverslun og helst umboðsaðilann, í þessu tilviki Bræðurnir Ormsson.

Þá eru meiri líkur á að sölumaðurinn viti eitthvað um vöruna og eftirþjónustan sé í lagi.

Btw. Kostaði 50.000 fyrir 2 árum. Gæti hafa hækkað en gæti hafa lækkað líka eða staðið í stað því gengið hefur styrkst verulega á þessum tíma.

Ég fann hana á netinu. www.ormsson.is. Kostar núna 80.000. Kannski er mig að misminna hvað hún kostaði á sínum tíma. Veit ekki. En mér sýnist þetta vera nákvæmlega sama vélin. A.m.k. sama númer og hér fyrir neðan.

Specifications: AEG LAVAMAT 74639 ÍSLAND

Íslenskt stjórnborð og notendahandbók
Gerð : Frístandandi H-85, B-60, D-60
Ryðfrí tromla
2 demparar, þrjár gormaupphengjur
Ytra hús sinkhúðað (ryðgar ekki)
Hurðarlöm og krókur úr málmi
Auðvelt að fjarlægja aðskotahluti úr dælu
“ÖKO-System” sparar allt að 20% sápu
Hægt að taka sápuskúffu úr vélinni og þrífa.
Þvottahæfni : A
Þeytivinduafköst : B
Orkuflokkur : A
Hljóð(db(A)re1pw):Við þvott49/Við þeytivindu 72
Taumagn : 5,5 kg
Hurðaropnun stór : 30 cm
Ljósabretti : Sýnir hvar vélin er stödd í þvottakerfinu
Vindingarhraði : 1400/1200/900/700/400 snúningar á mín. Afgangsraki 50%
UKS kerfi : Jafnar tau í tromlu fyrir vindingu
Fuzzy-logig : Sjálfvirk vatnsskömmtun eftir taumagni, notar aldrei meira vatn en þörf er á.
Variomatik vinding : Sérstakt vindingarkerfi fyrir viðkvæman þvott og ull
Hitastillir : Innbyggður í þvottakerfin, 30-95°
Þvottakerfi : 24 kerfi, öll hugsanleg ásamt sparnaðarkerfi
Ullarkerfi : Ullarvagga; ullinni vaggað í litlu vatnsmagni
“Bio-kerfi” : Þvær í 20 mín. við 40-50° áður en hitastigið hækkar meira.
Sérstaklega gert fyrir þvottaefni sem innihalda ensím efni.
Froðuskynjari : Minnkar líkurnar á froðumyndun sem gerir skolun
auðveldari, minni vatnsnotkun. Vélin lætur einnig vita af of mikilli
sápunotkun með ljósmerki.
Aukaskolun : Sér hnappur, fyrir sérstaka kælingu og aukaskolun.
Klukka : Sýnir hvað hvert þvottakerfi tekur langan tíma. Hægt er að
stilla gangsetningu vélar allt að 19 tímum fram í tímann.
Orkunotkun : 0,94 kwst á 60°
Vatnsnotkun : 42 lítrar
Þvottatími : 128 mín. + forþvottur 18 mín.
Barnaöryggi : Hvorki hægt að loka vélinni né gangsetja.

Kr.80.000.-

Þetta lítur út fyrir að vera draumavélin mín. Ég kaupi mér svona eftir þrjá mánuði.

Ég á eftir að klappa þessari vél svo mikið að Albert verður líklega afbrýðisamur. Og ég mun ná mér í stól og horfa á hana vinda í fyrsta skiptið. Segðu mér að hún sé ekki hávær Igor.

Helvítis rassgat að það er ekki hefð fyrir því að gefa fermingarbörnum þvottavélar. Þá væru þær að fara á tilboð bráðlega.. hehehe

Takk Igor!

Okkar er einhver Ökó Lavamat líka, man bara að hún vindur á 1200 ef ég man rétt, það var hægt að fá flottari týpu sem vatt á 1600 (eða var það 1800?). Skil ekki að þvottur hafi gott af slíkri meðferð. Hún er alla vega hvít ef það hjálpar eitthvað.

Það verður reyndar að taka eitt með í jöfnuna.. og það er að ég er þekkt fyrir að kaupa mánudagsframleiðslu.

Ég valdi ofninn í íbúðinni sem ég bý í. Siemens af fínustu sort. Hann bilaði viku eftir að hann kom í hús. Brann yfir vír í honum, kom brunalykt og alles, og þurfti að senda hann í viðgerð. Viðgerðarmaðurinn sem kom sagði að þetta væri stærri aðgerð en svo að hægt væri að gera hana á staðnum.

Mekkanískir hlutir og karlmenn bara bila í minni návist! Svo það skiptir kannski engu máli hvað ég kaupi dýra vél. Það er líklega hvort sem er mánudagsframleiðsla sem kemur til með að vera ónýtt á korteri.

En í svona ákvörðunartöku þá hjálpar hvað ég er óhóflega bjartsýn manneskja. Það hreinlega jaðrar við heimsku hvað ég er bjartsýn, svo ég ætla samt að kaupa þessa vél og ég ætla meira að segja að verða hissa þegar hún stekkur á mig og drepur í miðri í vindu -á ullarkerfi.

Ég fíla græjur. Ég er nörd og glansandi (e. shiny) hlutir heilla mig. Ef þetta hefði verið tölfræði fyrir nýja gerð af fartölvu hefði ég lesið í gegn. Ef þetta hefði verið tölfræði fyrir nýjan bíl hefði ég líklegast lesið í gegn. Meira að segja ef þetta hefðu verið spekkar fyrir hátalara. En þvottavélar... þær hafa svona snooze function á mig.

Eftir tvær línur lognaðist ég útaf. Núna er fitublettur á skjánum mínum eftir hvirfilinn á mér og á gagnauganu má sjá móta fyrir stöfunum 567tyughjbn...

En Anna, þú bara færð þér sæti hjá maskínunni, með Albert í fanginu, þegar hún tekur fyrstu óhreinataushleðsluna og horfir með honum á Löður

Fyrst það er hægt að (reyna að) markaðssetja svartar blúndusamfellur handa fermingarstelpum hlýtur að fara að koma að því að þvottavélar falli inn í myndina. Það mætti setja svörtu blúnduna á ullarprógramm.

Og svo á ég Báru, íslensknefnda vél sem ég keypti í Vörumarkaðnum á Eiðistorgi fyrir löngu. Er sennilega að verða 20 ára (vélin, ég er eitthvað eldri), en þó er ekki alveg að marka. Ég fór ekki að nýta hana almennilega fyrr en ca. fyrir 6 árum. Fyrstu fjórtán árin var það ein lituð vél á viku (ef það) og ein hvít á 10 daga fresti. Sirka.

Við treystum þér til að kjósa rétt, en ellegar skenkja okkur dyggum lesendum eins og eina hryllingssögu af nýju vélinni væntanlegu

Þetta er sennilega með lengsu svarhölunum þínum Anna, og um þvottavélar af öllum appírötum. Hverskonar lesendur dregurðu eiginlega að þér?

Ekkert nema eðalfólk sem les þessa síðu - með örfáum undantekningum.

Þvottavélar eru mikið alvörumál sem fær alls ekki nógu mikið pláss í dægurmálaumfjöllun fjölmiðla.

Þessu þarf að breyta.

LIFI BYLTINGIN!

Svona för ðe rekkorð þá er ég með Edesa vél sem heitir því hommalega nafni "Eco pricess" skrifað í ljósbláu ( hommalegu ) letri framan á vélina. Það segir minna um mig en því meira um fjárhag minn þegar ég keypti hana. Hún hefur þó enzt betur en hefði mátt ætla. Eina sem hefur komið uppá er að hún náði að skekkja kolin. Smá fingraleikfimi í búknum á henni dugði til að rétta þau og hún hefur bara ekki slegið feilpúst síðan.

Kostaði rúmlega þrjátíukall í Raftækjaverslun Íslands ( pælið í mikilmennskubrjálæðinu sem felst í þessu nafni... ) fyrir... jah...átta árum eða svo ? Held ég...

Ég er að vísu bara að þvo fyrir einn...

Ég er að þvo fyrir þrjá en lengi vel var þvegið í þessari vél eins og um tuttugu manns í heimili væri að ræða. Fyrrverandi eiginmaður minn var með ofstopa þvotta brjálæði. Honum leið aldrei vel nema þvottavélin væri í gangi. Ég hef minnst á þetta áður.

Við skilnað læknaðist hann algerlega af þessum kvilla og hefur ekki kennt sér meins síðan. Sumir tala um að þetta hafi verið kraftaverk.

Var að kaupa svona vél eins og Igor talaði um... hún er bara alveg frábær... ekki að ég hafi mikið vit eða áhuga á þvottavélum.

En Anna meilaðu á mig, ég get kannski hjálpað þér ef þú vilt fá vélina fljótlega

Skil þetta ekki. 27 færslur komnar og enn hefur enginn minnst á Rollsinn - eða Bensinn er kannski meira viðeigandi líking - í þvottavélageiranum - Miele. Kostar sitt en er hverrar krónu virði.
Við keyptum Miele fyrir 16 árum og höfum aldrei þvegið færri en 5-6 vélar á viku síðan, fyrir utan eitt og eitt sömmerhollidei (sem reyndar hefur iðulega kallað á 4 - 5 vélar við heimkomu). Í fyrra, sirka á fimmtán ára afmæli vélarinnar, þurftum við að skipta um sigti við vatnsinntakið. Það kostaði fimmhundruðkall eða svo. Sé ekki fram á að losna við þessa vél nema með skilnaði, sem ekki er á dagskránni. Þetta verður erfðagripur. Og ég held mér sé alveg óhætt að fullyrða að hjá Miele eru bara ekki til mánudagsvélar, þannig að þú ert alveg seif með slíkan grip.

Ég hef frétt af þessu Miele dæmi en þarna erum við komin out of my league. A.m.k. eins og staðan er hjá mér í dag.

Ef ég gæti keypt mér allt sem mig langaði að kaupa mér þá væri ég að keyra um á Bentley, ekki Peugeot.

Og ég ætti heima á Höfða. Nema ég væri búin að láta flytja Höfða útí Viðey og grafa göng þangað. Eða brú.

Nei ég myndi bara byggja nýtt hús í Viðey. Eða Færeyjum. Ruglið í mér, ég myndi búa í húsi svipuðu Höfða nema það væri á Sikiley. Eða ég myndi láta flytja Höfða þangað. Nema ég held að Höfði sé friðaður svo ég þyrfti líklega að kaupa ríkisstjórnina og láta ófriða húsið.

Gæti samt haft draugagang í för með sér.

Og ég myndi fá mér báða hundana. Þeir myndu heita Albert og Ottó.

Mér fyndist ógeðslega töff ef það væru geithafrar á brúnni og tröll sem byggi undir henni.

Líklega myndi ég bara byggja göng útí Sikiley og keyra á Bentleyinum mínum á milli.

Eða brú.