 |
|
|
|
 |
Næstum allt back to normal
Sunnudagur, 22. janúar 2006
Ég svaf til klukkan tvö. Tengdamamma fyrrverandi kom heim með Dodda stuttu síðar og þegar hún kom í íbúðina og sá allt draslið sagði hún "jesús", þegar hún sá mig sagði hún "JESÚS". Já. Ég leit út fyrir að vera nýkomin úr styrjöld - og íbúðin líka.. því þótt börnin hafi verið hjá pabba sínum komu þau heim á hverjum degi og voru hér þangað til pabbi þeirra sótti þau um kvöldið. Þegar ég kom heim seint á kvöldin hafði bæst í draslið.. og ég hafði ekki orku í að gera nokkurn skapaðann hlut í því. Þetta breyttist í dag. Nú er íbúðin orðin hrein og ég er búin að þvo fimm þvottavélar. Allt að komast í rétt horf. Ég náði meira að segja að fara í bíó í kvöld líka. Eva vinkona mín bauð mér á frönsku myndina Caché í Háskólabíó. Góð mynd. Mjög góð mynd. Ég sit hér og hlusta á þvottavélina mala (er ekki byrjuð að vinda sko) og uppþvottavélin er á fullu líka. Hvað það er dásamlegt að hafa hreint í kringum sig. Þegar frumburðurinn var að tannbursta sig áðan sagði ég "nú er ég orðin mamma aftur". "Eins gott", var svarið. Nú ætla ég að taka uppúr ferðatöskunni og kíkja á hvað ég keypti þarna útí London! | anna | 23:42 |
comments
hahah.. ég og þú, eins og eva og ég, höfum verið saman í sitthvoru lagi á myndinni... Sá á Evu síðu að þér fannst myndin crap. Mér fannst byrjunin mjög góð þó ég væri í smá tíma að ná áttum og fatta hvað væri að gerast. Á meðan þetta svona.. silaðist áfram í byrjun finnst mér merkilegt að mér leiddist ekki en þetta vakti hjá mér einhverja óþægindatilfinningu - sem er myndinni í hag. Þessi mynd er samt augljóslega ekki allra, hehehe Ég er ennþá að velta henni fyrir mér. Hvernig eitt atvik eða tímabil getur haft svona afgerandi áhrif löngu seinna. Nr. 3 | posted by: anna | 23.01.2006 | 10:17:22 | [+] |Gaman að heyra að þið stöllurnar sáuð Caché. Myndin verður stöðugt merkilegri eftir því sem ég hugsa meira um hana. Ég fjalla um Caché í Víðsjá í dag... væri gaman að vita hvað ykkur finnst. En ég get ekki sett pistilinn minn á Kviku fyrr en hann er farinn í loftið. Svo mæli ég með því að þið kíkið líka á Babúsku. Allt öðruvísi mynd, en rosa skemmtileg. Vá, gaman að þú sért að fá þér voffa. fyrr bjóst ég við barni !!! Barni?? Já þú meinar að ég myndi þá bara stela einu í viðbót úr Kringlunni? Nei. Því miður. Eins og mig langar í það þriðja lítur út fyrir að ég komi bara til með að eignast hund í staðinn fyrir mann og barn. Se la vie. Hundur er málið. Hlakka til að heyra í þér! post a comment
|
