 |
|
|
|
 |
Með allt á hreinu
Fimmtudagur, 17. nóvember 2005
Bíllinn minn er svo fullkominn að honum fylgir fjarstýrð læsing. Hún virkar þannig að ég ýti á hnapp á bíllyklinum og þá heyrist pent hljóð - ekki annoying píp. Þegar ég er að opna bílinn blikka ljósin og þegar ég er að læsa honum kviknar á ljósunum í ca 7 sek. Ég þarf hinsvegar ekki að sjá ljósin því ég veit yfirleitt hvort ég er að koma eða fara og þarf bara að heyra hljóðið, þá veit ég að bíllinn er læstur. Það er þessvegna sem ég lít oft ekki afturfyrir mig þegar ég læsi bílnum, ég bara geng í burtu frá honum, ýti á takkann, heyri hljóðið og held áfram þangað sem ég var að fara, sæl og glöð og róleg yfir því að bíllinn minn sé læstur. Svona var þetta ekki í morgun. Í morgun var ég með bíllykilinn í höndunum, lokaði hurðinni, og byrjaði að ganga í burtu, og ýtti á takkann á lyklinum en ekkert gerðist. Ég labbaði aðeins lengra en ekkert gerðist. Það var ekki fyrr en ég snéri mér við, að ég áttaði mig á að ég var að reyna að læsa útidyrahurðinni með bíllyklinum. Svona byrjaði þessi föstudagur, sem reyndist svo vera fimmtudagur. Í hádeginu kom ég heim og aldrei þessu vant náði ég í dagblöðin í póstkassann. Ég setti þau á eldhúsborðið og blaðaði aðeins í þeim og ákvað að kíkja betur á þau þegar ég væri búin að vinna, svo ég skildi þau eftir á eldhúsborðinu. Áður en ég fór ákvað ég samt að opna eldhúsgluggann. Þegar ég kom heim úr vinnunni höfðu dagblöðin dreift sér smekklega um gólfið í eldhúsinu:
Í þessum mánuði hef ég alveg óvænt átt peninga og samt ekki fundið neina þörf fyrir að kaupa mér eitthvað. Fyrir utan flakkara og harða diska, sem ég virðist bara ekki geta keypt nóg af! En það er ekki það eina sem ég virðist ekki geta keypt nóg af. Not to worry, ég verð örugglega ekki svona rík lengi vegna þess að það er alltaf nóg að borga, eins og venjulega. Ég er hinsvegar alsæl því ég á fyrir því. Nema hvað, ég versla stundum í matinn, eins og fólk gerir, og það er ekkert óeðlilegt við það per se, en þegar ég á peninga hef ég vanið mig á að versla það sem ég vil síst vera án til að eiga þegar ég verð blönk og þó ég sé ekki að verða blönk alveg á næstunni, þá virðist þetta vera svo greypt í huga minn að ég held áfram að kaupa það sem ég vil síst vera án - í næstum hverri einustu verslunarferð. Hvaða hlutir ætli þetta séu? Niðursuðuvörur, til að ég og börnin sveltum ekki? Hrísgrjón? Nei. Það sem ég get greinilega ekki hugsað mér að vera án þegar ég á enga peninga.. eru hreinlætisvörur. Eins og eftirfarandi myndir sanna.
Nema að þetta sé svona eins og frímerkjasöfnun fyrir mér. Gæti verið. Erfitt að fá möppu utanum handsápu held ég. Ég er semsagt kona sem heldur að hún geti læst útidyrahurðinni með bíllykli. Ég verð hissa þegar blöð fjúka útum allt í roki og þó ég verði svo blönk að ég á ekki fyrir mat þarf ég ekki að hafa áhyggjur af því að ég geti ekki farið í bað og þvegið mér, að ég eigi ekki hrein föt og að ég geti skeint mér með hágæða klósettpappír. Þá verður aaaaaallt í lagi. Eins og þetta sé ekki nóg, þá held ég að ég hafi drepið lifur. Ég er miður mín. En.. lífið heldur áfram. Er að hugsa um að henda í þvottavél og fara svo í bað, en ekki fyrr en ég er búin að *censored* og þvo mér um hendurnar. | anna | 23:14 |
comments
Þessu er stillt upp af aðdáunarverðri reglusemi hjá þér. Þú þarft greinilega ekki að skammast þín fyrir baðskápana. Ps, hvort læturðu klósettpappírinn rúllast niður veggmeginn eða "hinu" megin? Nr. 1 | posted by: AlanHudson | 18.11.2005 | 2:33:06 | [+] |Það er nú bara scary að horfa upp á svona reglusemi. Nr. 3 | posted by: igor | 18.11.2005 | 7:36:39 | [+] |Þetta með klósettpappírinn. Ég á einn "to do" lista: "skipta um mynd í debetkorti", "taka bakkupp af hörðum disk", "kaupa festingu fyrir klósettpappír", "bora hillu á vegginn fyrir ofan rúmið"... Ég er búin að vera með þennan lista í gangi í.. tjah.. það fara nú bara að verða komin hátt í fimm ár! Ég fer kannski að gera eitthvað af þessu, en ef ég ætti svona klósettpappírs-eitthvað, þá myndi hann ekki rúllast veggmegin niður. Ég hef auðvitað farið á klósettið þar sem þetta er svona veggmegin, og mér finnst alltaf jafn undursamlegt að fylgjast með hvernig það virkar svona öfugt, rétt eins og gegn öllum náttúrulögmálum, en ég vil hafa þetta non-veggmegin hjá mér. Það er líklega hluti af því af hverju ég er ekki búin að kaupa festinguna. Ég þoli nefnilega ekki klósettpappírsfestingar sem eru þannig að pappírinn rúllast allur af hjálparlaust. Igor: Þér finnst þetta scary, spáðu hvernig mér leið þegar ég komst að þessu!! Ég fattaði í morgun að ég er byrjuð að safna ljósaperum líka. Ég hef nefnilega ekki átt ljósaperur mánuðum saman og nennti ekkert að gera í því. Perur gáfu sig og það var orðið meira og minna ljóslaust í allri íbúðinni en ég nennti samt ekkert að gera í því. Þangað til ljósið inná baði fór. Ég get ekki farið á klósettið í myrkri svo ég fór og keypti ljósaperur og setti í allt sem þurfti. En einhverra hluta vegna hætti ég ekki að kaupa þær... Nr. 4 | posted by: anna | 18.11.2005 | 8:41:22 | [+] |Nei þetta á sér í raun og veru mjög eðlilegar skýringar. Það sem er að er að ég á einfaldlega of mikla peninga. Í mörg herrans ár hefur þetta kerfi gengið fullkomlega upp hjá mér því ég hef átt mjög takmarkað af peningum og það hefur oft komið fyrir að ég á hreinlega ekki peninga fyrir þessum vörum. Né mat. En það er einhvernvegin minna niðurlægjandi að bjóða sér i mat hjá ættingjum en að bjóða sér í bað. Þetta er bara merki um góðæri hjá mér og að ég þori ekki að leyfa mér að trúa að það sé komið til að vera. Því það er of gott til að vera satt. Enda má segja að ég sé vön því.. að ef eitthvað gott gerist, þá gerist eitthvað sem er hræðilega slæmt stuttu seinna. Líklega er ég ómeðvitað að birgja mig upp fyrir það hundsbit sem lífið mun bjóða mér uppá næst. Nr. 6 | posted by: anna | 18.11.2005 | 9:53:33 | [+] |drepið mig? Alls ekki! lifur! þú ert á lífi!! Ég er svo fegin! Já ég held að ég þurfi verulega á loose shoes geturðu downlódað hérna og af því ég veit hvað þú ert söngelskur þá er textinn hér. Mig minnti að þetta hafi verið aukalag í song of the week hjá mér fyrir löngu. Það var rétt hjá mér og ég hef alltaf verið dugleg að taka afrit af síðunni minni. But be warned. Þú færð viðlagið á heilann og þetta er ekki eitthvað sem þú vilt vera að söngla annarshugar innan um fólk. Nr. 8 | posted by: anna | 18.11.2005 | 10:50:57 | [+] |ef ég hefði lesið commentið þitt af meiri nákvæmni áður en ég smellti á lagið og blastaði það yfir vinnustaðinn minn, væri fólk kannski ekki að gefa mér þessi tvíræðu augnaráð núna... Nr. 9 | posted by: lifur | 18.11.2005 | 14:09:50 | [+] |Jú, þetta gerðist víst... nú er ég að reyna að bæta fyrir syndir mínar með því að spila lagið Móðurást með Ragga Bjarna mjög hátt... crisis management sem er ekkert sérstaklega að virka. dittó beibí! Nr. 13 | posted by: lifur | 18.11.2005 | 15:10:31 | [+] |post a comment
|
að halda núna. Í alla nótt dreymdi mig að ég væri að hreinsa lifur!
