Guide to the perfect man

Þegar tvær einhleypar konur koma saman og borða kjúkling. Úpps. Þá er ekki nokkur von. Fyrir karlmenn. Þér er tíðrætt um karlmenn. Evu líka. Það er ljóst að þið eigið í vanda. Ykkur vantar mann. Well, menn. Tvö stykki. Þið eruð fastar í hjólfarinu. Komist ekkert. Hafið fundið hina einu sönnu afsökun. Mennn eru fávitar. Og þannig hafið þið útilokað alla menn. Þið þurfið miklu einbeittari og markvissari leið að settu marki. Markmiðinu um hinn fullkomna mann.

Því hef ég soðið saman leiðbeiningu um það hvernig finna á hinn fullkomna mann.

1. Veljið 10 menn af handahófi

2. Notið Íslendingabók til að útiloka skyldleika (7 eftir)

3. Útvegið sakavottorð (6 eftir)

4. Notið Lánstraust til að útiloka vanskilamenn (3 eftir)

5. Notið bifreiðaskrá til að útiloka menn sem eiga bíldruslur eða bíla sem ykkur líkar ekki (t.d. húðlitaðir Porsche bílar) (2 eftir)

6. Hafið samband við meðmælendur t.d. fyrri kærustur, systur, vini, o.s.frv. (1 eftir)

7. Náið sambandi við manninn og hefðbundið matsferli hefst - stefnumót

Þessi aðferð sparar tíma, fé og make-up því ekki þarf að fara á 10 stefnumót heldur aðeins eitt - í mesta lagi. Einnig fækkar þetta vonbrigðastundunum og þær verða að hámarki ein. Ef í ljós kemur að helsta áhugamál mannsins er frímerkjasöfnun þá byrjið þið aftur á reit 1 og veljið 10 menn af handahófi. Nema - auðvitað - ykkur finnist frímerkjasöfnun skemmtileg.

Vá... það virkaði rosavel fyrir mig að fara bara á Ara í Ögri! Ekkert vesen, bara hössluð af rétta manninum. En ég er náttúrulega líka svo falleg og frábær

Ég þarf ekki mann Igor. Ég þarf hund.

Hvað þarf ég eiginlega að segja þetta oft áður en fólk gerir sér grein fyrir því að mér er full alvara?

Þú veist líka ekki hvað liggur að baki. Ofboðslega margir karlmenn sem hafa sagt mér að ég sé "á flótta" með því að velja að vera ein, ég sé að "missa af lífinu". Auðvitað vita þeir ekkert af hverju, ekkert frekar en lesendur anna.is. Ég er ekkert æst í að segja þeim það en enda oftast á að gera það til að þeir skilji að mér er full alvara. Get samt lofað þér að ég er ekki á flótta. Ég á ekkert erindi í samband með neinu nema mögulega hundi og það er af hluta til þessvegna sem ég hef ákveðið að tilvonandi mannsefni mitt þurfi að vera ofurmenni til að fá mig til að kikna í hnjáliðunum.

Svoleiðis karlmenn eru nefnilega ekki til.

Þessi aðferð sem þú bendir á virkar auk þess ekki. Ef maður vogar sér að spyrja karlmenn hvort þeir séu aumingjar á fyrsta deiti - hvað þá fyrir fyrsta deit þá verða þeir hræddir og leggjast í drykkju eða fela sig á klósettinu. Kemur þá til álita fyrrnefnt örorkumat. Vil líka benda á að fyrir þingi liggur fyrir tillaga um að húmorsleysi verði metið til örorku líka.

Júlía: Það er ljótt af þér og illa innrætt að koma hérna þar sem þú veist að ég ræð ríkjum, bitur og miðaldra, og segja frá því, í enn eitt skiptið, að það eina sem þú þurftir að gera til að finna hin fullkomna mann var að draga andann á Ara í Ögri.

Hættu að þessu Júlía. Þetta er ljótt. Alveg sama hversu falleg þú ert.

Tobbi: Viltu að ég færi trúarleg rök fyrir þessu? Viltu þá kannski líka fá trúarleg rök fyrir því að konur séu jafn miklir öryrkjar og karlmenn? Eða ertu þessi klassíska karlremba sem finnst sjálfsagt að skilja konur eftir útí kuldanum alltaf hreint? Ha?

Ég sé ekki aðkomu jesú og englanna að þessu tiltekna máli, þó ég myndi ekki útiloka að þú hafir keis á alla fjölskylduna hvað hitt varðar.

Ef við gefum okkur að hægt sé að rekja ættir þínar aftur til Adams og Evu fæ ég ekki betur séð en að jessi og pabbi gamli beri nú heilmikla ábyrgð á því rugli öllu saman og löngu kominn tími á að einhver fari í mál vegna meingallaðra gena, erfðarsjúkdóma og/eða skorts á líkamhlutum. En í millitíðinni, því svona málarekstur tekur tíma, má ég þá benda þér á að það má alveg nota fingur og tungu með ekki síðri árangri og ef þú hefur ekkert úthald í handleggnum, þá er alltaf hægt að fara í ræktina og lyfta (eins og ég) og svo mæli ég eindregið með klettaklifri - fyrir fingurna.

Hana! Þú biður mig um trúarlega rök fyrir því að karlmenn séu mögulega fatlaðir og eigi rétt á örorku. Ég gef þér lagalegar ráðleggingar sem gætu fellt heilögu þrennuna OG gef þér heilræði í *censored* sem munu nýtast þér alla ævi!

Þú getur ekki verið svekktur yfir þessu svari. Ekki séns. Það verður ekkert betra en þetta.

Auðvitað vantar þig ekki mann. En þetta var tilvalinn formáli til að koma þessum gátlista að. Hann virkar fínt enda áttu ekki að spyrja manninn hvort hann sé aumingi. Færð bara kennitöluna hans og hann mun aldrei komast að því sjálfur. Þarft ekki að hræða þá að óþörfu.

Nú svo gætir þú auðvitað notað gátlistann ef þú skyldir rekast á ofurmennið. Aldrei að segja aldrei.

Mér finnst að það eigi að búa til miðlægann gagnagrunn með lista yfir alla menn sem uppfylla þessar lágmarkskröfur.

Hvað ætli það yrðu margir á listanum? Þrír? Þú veist að ég vil hvorki virka alka né óvirka. Þessi óværa virðist svo landlægt að þetta virðist helta 95% íslenskra karlmanna úr lestinni. Hin 5% eru gift, svo maður ætti kannski að fara að fylgjast betur með dánarfregnum.

Ég er alveg sammála þér með gay-partinn. Það hlýtur að vera einfaldara þannig.

Ég er búinn að komast að því að það er best að vera ástfanginn og sofa ekki hjá viðkomandi. Dagdraumarnir eru fyrir vikið svo skemmtilegir

Merkilegt... ég var eiginlega að komast á þá skoðun að best væri að vera ekki ástfanginn en sofa samt hjá viðkomandi

Miðlægur gagnagrunnur! Þetta er augljóslega viðskiptatækifæri. Þú ert snillingur.

Samkvæmt Hagstofunni eru 109.849 konur á aldrinum 17-107 ára. Væntanlegir viðskiptavinir miðlæga gagnagrunnsins. Skiptir ekki máli hvort þær eru giftar eða ógiftar. Allar þurfa þær á þessum upplýsingum að halda. Ef hver kona greiddi kr. 1000 í árgjald eru þetta kr. 109.849.000 í tekjur á ári.

Væntanleg fórnarlömb í gagnagrunninn eru auðvitað allir karlmenn á aldrinum 17-107 ára. Þeir eru 108.997.

Fyrir þær sem eru að leita að maka. Svo ég vitni nú aftur í Hagstofuna þá eru nákvæmlega 60.787 karlar giftir eða í sambúð eða 55,8% allra karlmanna á þessum aldri. Það gerir 48.210 á lausu. Verð að viðurkenna að þeir eru fleiri en ég reiknaði með.

Ef notaður er gátlistinn minn til að vinna úr þessum mönnum þá verða aðeins 1 af hverjum 10 sem komast á stefnumót. Það eru 1% af 48.210 eða 482 karlar. Skv. þínum tölum eru 95% karla virkir eða óvirkir alkar og það væru þá 458 karlar af þessum 482. Eftir sitja 24. Meint ofurmenni.

En eru þetta raunveruleg ofurmenni? Það er stóra spurningin. Nú er spurning hvort hægt sé að finna samlegðaráhrif með Nornabúðinni og Galdradúkkum til að skera úr um það hvort einhverjir þessara 24 séu raunveruleg ofurmenn. Láti konur kikna í hnjáliðum? Ykkur stelpunum ætti ekki að vera skotaskuld úr því að nýta galdraþekkingu ykkar til að skera úr um það.

Til að auka tekjur væri síðan hægt að gera það nákvæmlega sama fyrir karlana. Þeir eru eins og áður sagði 108.997 og kr. 1000 í árgjald yrðu kr. 108.997.000.

Heildartekjur væru þá 218.846.000. Áður en þú veist af værir þú búinn að kaupa Albert.

Svekktur er ég ekki, því getur þú treyst. Ég áskil mér þann rétt að segja nei í dag við spurningunni um karlrembuna en að endurskoða þá afstöðu mína reglulega í framtíðinni. Ég er, sjáðu til, enn það ungur að ég get kennt reynsluleysi og óþroska um vanhugsuð prinsipp í lífinu. Og ef út í það er farið - falla ekki prinsipp á hverjum degi?

Hvað varðar beiðni mína um rök þá gildir einu hvort þau séu út frá karlkyni eða kvenkyni. Bað einfaldlega um trúaNleg rök (nb. ekki trúaRleg) sem ég gæti notað þar sem nefnd Áslaug er ótrúlega nösk á sjá í gegnum hinar ýmsu ástæður bótabeiðna.

Klettaklifur hef ég æft og get staðfest yfirlýsingar þínar hvað varðar ábata æfinganna. No doubt about that...

En svekktur er ég ekki nei. Þvert á móti. Trúanleg rök eður ei - þá labba ég í burt með bros á vör, enda búinn að fá gott heilræði ungur að árum sem mun væntanlega nýtast mér um þau ókomin. Því þakka ég kærlega fyrir mig. Sjaldan sem svo góð ráð koma fríkeypis.

Góðar stundir.

kv, tobs

"Heildartekjur væru þá 218.846.000. Áður en þú veist af værir þú búinn að kaupa Albert."

Tja, með 218 milljónir á milli handanna gæti Anna mögulega keypt sér eitt stefnumót með Wayne Jarvis... svona líkt og Robert Redford með Demi Moore hér um árið. Slíkt deit yrði væntanlega - dare I say - prófessíjónal.

kv, tobs

Þú ert soldið skemmtilegur Tobbi. Hentu þessu nú samt í Áslaugu og sjáðu hvað gerist. Ef það klikkar geturðu alltaf borið við húmorsleysi. Svo myndi ég neita að svara öllum spurningum af trúarlegum ástæðum og segjast vera vísindakirkjumaður og ráðast á hana og hrista hana rækilega til öðru hvoru.

Þú verður komin á 100% örorku áður en þú veist af!

Hversu ungur ertu annars? Ertum við að tala um afskipti lögreglu nokkuð?

Ef ég ætti svona mikla peninga.. þá myndi ég kaupa.. TVO WAYNE JARVIS-A!

Vá hvað það væri æðislega gaman. Annar verður að hafa húmor, hinn má vera alveg drepleiðinlegur - ef hann er professional og serious á meðan og getur vaskað upp.

En Igor. Það er bara einn stór galli á þessari hugmynd. Þegar fólk verður ástfangið dettur því ekki í hug að eitthvað geti komist upp á milli þeirra og ástarinnar sinnar. Myndi ekki nokkrum manni (eða konu) detta í hug að borga fyrir svona gagnagrunn á meðan þau væru í þessu annarlega ástandi.

Reyndar myndu þau nú líklega skrá sig, kannski.. tvö ár inní hjónabandið? Sakar allavega ekki að senda markpóst á liðið.

Best að hringja í Kára.

"Þú ert soldið skemmtilegur Tobbi."

Takk

"Hentu þessu nú samt í Áslaugu og sjáðu hvað gerist. Ef það klikkar geturðu alltaf borið við húmorsleysi. Svo myndi ég neita að svara öllum spurningum af trúarlegum ástæðum og segjast vera vísindakirkjumaður og ráðast á hana og hrista hana rækilega til öðru hvoru.

Þú verður komin á 100% örorku áður en þú veist af!"

Það er reyndar nokkuð til í þessu. Örorka af líkamlegum toga hamlar mér of mikið í lífinu og er ég því ekki sjálfviljugur að fara að orsaka hana. Það hefur hins vegar oft sannast að snarklikkaðir einstaklingar komast vel af í lífinu - þ.á.m. sá er þú vísar til með hristing og vísindum.

"Hversu ungur ertu annars? Ertum við að tala um afskipti lögreglu nokkuð?"

Nei nei, alls ekki. Er í raun ekki mjög ungur. Vísa bara oft í óþroskan af tveim ástæðum. Annars vegar vinn ég mest með mér eldra fólki og þau gera oft grín að þessari staðreynd. Þar sem ég sé ekki fram á að það hætti í bráð hef ég engan annan kost en að flagga fáum árum og vonast til þess að brandarinn þreytist. Hins vegar er ég ekki frambærilegri en svo að ég þarf afsökun fyrir afglöpum og mistökum. Mér sýnist sem svo að aldur komist langa leið í þeim efnum.

"Ef ég ætti svona mikla peninga.. þá myndi ég kaupa.. TVO WAYNE JARVIS-A!

Vá hvað það væri æðislega gaman. Annar verður að hafa húmor, hinn má vera alveg drepleiðinlegur - ef hann er professional og serious á meðan og getur vaskað upp."

Held að það sé alveg óhætt að segja að þú sért doldið skemmtileg líka án þess að þurfa að draga þá yfirlýsingu til baka í seinni tíð.

kv, tobs - 26 ára og nokkrum mánuðum betur

Ástin. Getur verið erfið. Getur gert út af við bestu viðskiptaáætlanir.

Tobbi. Prófaðu að fá allar fyrrum kærustur og sambýliskonur til að gefa skriflega lýsingu á þér. Farðu með skýrslurnar til Áslaugar og spurðu hvort þú fáir ekki örorkumat út á þær. Ef hún aftekur það með öllu köstum við Anna krónu upp á það hvor fær að prufukeyra þig

Oj, þið komið fram við hann eins og kjötstykki en ekki manneskju

Síðan hef ég veruleg issues varðandi hvað f.v. kærustum dettur í hug að segja.

Æj, fyrirgefðu elsku anna. Ég ætlaði ekki að vera vond við þig! Hjálpar þetta?:Mússí mússí mússí mússí!

"Tobbi. Prófaðu að fá allar fyrrum kærustur og sambýliskonur til að gefa skriflega lýsingu á þér. Farðu með skýrslurnar til Áslaugar og spurðu hvort þú fáir ekki örorkumat út á þær. Ef hún aftekur það með öllu köstum við Anna krónu upp á það hvor fær að prufukeyra þig."

Þarf ég að leyfa ykkur að lesa skýrslurnar fyrir peningauppkastið?

kv, tobs