 |
|
|
|
 |
Prins póló og appelsína
Þriðjudagur, 18. október 2005
Ástæðan fyrir því að fólk leiðist út í sælgætisát í staðinn fyrir að borða ávexti er einföld: að borða ávexti er subbulegt og leiðinlegt. Tökum dæmi. Dæmi a) Anna mætir til vinnu með prins póló Dæmi b) Anna mætir til vinnu með appelsínu Í dæmi a mun Anna taka fram prins pólóið þegar hungrið fer að segja til sín, rífa utan af því umbúðirnar og borða beint úr pakkningunni. Að því loknu má henda umbúðunum í ruslið og sleikja á sér fingurna ef um amatör er að ræða sem kann ekki að borða prins póló án þess að klína sig út í súkkulaði. Ég bendi á að hægt er að fara á námskeið í borðsiðum í flestum Húsmæðraskólum þar sem þetta atriði er einmitt tekið fyrir. Einfalt og þægilegt. Í dæmi b mun Anna taka fram appelsínuna þegar hungrið fer að segja til sín. Ef vel ætti að vera þarf Anna að hafa eftirfarandi áhöld: skurðarbretti, eldhúsrúllu, hníf og tannþráð. Með þessa hluti við höndina mun appelsínuát Önnu verða töluvert minni þraut en ella. Nú spyr ég: hvað eru margir sem hafa þessa hluti í frakkavasanum? Þar sem Anna er ekki með fyrrnefnda hluti á sér þarf hún að bora nöglunum í appelsínubörkinn. Við það spýtist e.k. viðbjóðslegur og klístraður appelsínusafi á skjá, lyklaborð, pappíra, gleraugu að ógleymdri peysunni sem Anna er í. Þetta virðist ófrávíkjanleg regla. Þegar búið er að afhýða appelsínuna þarf aftur að bora nöglunum þarna einhverstaðar til að þvinga í sundur svokallaða appelsínubáta og Anna þarf að passa að fingurnir komi helst ekki nálægt munninum þegar hún stingur þessu upp í sig vegna þess að ef safinn af börknum kemst í samband við munnvatn verður munnurinn stamur og erfitt verður að hreyfa tunguna. Ekki er óalgengt að þegar þú stingur appelsínubát uppí þig leki appelsínusafi niður handlegginn á þér og niður á olboga. Það er alltaf skemmtilegt. Þetta ferli er endurtekið þangað til allir appelsínubátarnir eru búnir. Nú þegar Anna hefur lokið við að borða appelsínuna er hún í gulslettótum fötum, með skítugan skjá, klístruð blöð á skrifborðinu, klístraða fingur og appelsínukjöt á milli tannanna. Eins og staðan er í dag eru appelsínur fínar fyrir fólk sem býr uppí tré. Af hverju í fjandanum er engin búin að genabreyta þessum ávöxt þannig að hægt sé að borða hann vandræðalaust? Óþolandi að standa í svona heilsu rugli. | anna | 10:25 |
comments
Gæti ekki verið meira sammála Ó mæ god hvað ég er sammála! Enda hef ég ekki REYNT að borða appelsínu í einhver ár - ekki einu sinni heima hjá mér (þoli ekki hvað þetta festist á milli tannana heldur). En þetta er náttla engin afsökun fyrir heilsufæðis-leysi því það eru MUN vænlegri ávextir til, eins og banani, epli (ok, smá safavesen þar líka), ber ofl. Hins vegar mæli ég helst með drykkjarjógúrtum eða skyr.is í svona vandræðum - lang-auðvedasta heilsumáltíðin t.d. þennan með "alvarlega manninum" og eitthvað með "fyrirsátursbörn"... Nr. 7 | posted by: lifur | 18.10.2005 | 16:34:02 | [+] |Virka ekki í quick time en virka í VLC. Borgarnetið hjá Ogvoda var niðri hluta úr degi sem gæti útskýrt af hverju linkarnir virkuðu ekki þar sem efnið sem er á bak við þá er hýst á öðrum server en þeim sem anna.is er hýst á. Þetta á að vera komið í lag hjá vódafónum. Nr. 8 | posted by: anna | 18.10.2005 | 16:40:33 | [+] |Humm... Bananar ? Epli ? Kiwi ( borðaðu bara hýðið með Subbulegir ávextir eru einmitt Applesínur, Mangó, Melónur ( sérstaklega þessar með grjótmulningi í ) Og svo gætirðu bara tekið með þér gulrót, og bæði séð betur, og aukið við litabirgðirnar handa litfrumunum ( ekki að þig skorti nokkuð á litinn, reyndar... Miss Ghandi Ahhh.. ég get hinsvegar borðað prins póló án þess að það myljist allt niður. Eigum við að kenna hvoru öðru snyrtimennsku? hehe Ég er actually mjög spennt fyrir að sjá einhvern borða appelsínu án þess að gera mess. Er ekki hægt að gera stuttmynd um þetta? Mig vantar crew! Nr. 11 | posted by: anna | 19.10.2005 | 13:27:15 | [+] |post a comment
|
)
