 |
|
|
|
 |
Kanelsnúðar
Mánudagur, 26. september 2005
Í kvöld ætla ég að baka kanelsnúða. Það eru tvær ástæður fyrir því að ég ætla að vaða svona inn á verksvið bakarameistara. Ástæða 1: Þegar börnin eru í íþróttum koma þau svöng heim og éta mig útá gaddinn. Kanelsnúðar eru hollir og góðir (víst!) og þau verða minna svöng ef ég get gefið þeim svoleiðis eftir sund/karate og þá get ég haldið áfram að fóðra þau á snarli á kvöldin án þess að fá mikið samviskubit þangað til hagur strympu vænkast – um mánaðarmótin. Ástæða 2: Frumburðurinn varð óvart þess valdandi að það rifjaðist upp fyrir mér hvað mér finnast kanelsnúðar góðir. Hún segir eiginlega betur frá þessu en ég.. Note to self: muna að kaupa mjólk á leiðinni heim..
|
