 |
|
|
|
 |
Fyrirsæta?
Fimmtudagur, 29. september 2005
Ég var varla búin að fá mér sæti þegar ég mætti í vinnuna í morgun þegar það kom maður með myndavél í dyragættina sem spurði mig hvort ég gæti verið fyrirsæta fyrir hann í nokkrar mínútur. Ég sagði "já ekki málið", strækaði pós og brosti kaldhæðnislega, því ég hélt að hann væri að djóka í mér. Þegar kom í ljós að hann var ekki að djóka velti ég því fyrir mér hvort hann hefði gleymt gleraugunum sínum heima eða hvort hann væri kannski blindur en það var ekki þannig. Fjórum mínútum síðar stóð ég við þjónustuborð að þykjast vera að fá hjálp með tölvupóstinn minn á meðan tveir ljósmyndarar tóku myndir í gríð og erg. Á næstu dögum mun sumsé birtast mynd í fréttabréfi. Ég er í fallhlífinni minni og lít út eins og eitthvað sem dó, en gekk aftur. Eins og heróínsjúklingur, nema ég held að þeir fái ekki bólur. Það myndi taka mig ca korter að breyta þessari hryggðarmynd í eitthvað skárra en þessa dagana nenni ég því ekki. Ég er með ljótuna. Ég er leið á því hvernig ég lít út, mér finnst ég ljót hvort sem ég er tilhöfð eða ekki og mér er sama þótt ég sé það. Having said that finnst mér áhugavert að þetta er fjórði karlmaðurinn á sex dögum sem annaðhvort biður mig um að vera fyrirsæta fyrir hann eða spyr af hverju ég er ekki á skrá sem fyrirsæta. Ég er ekki að grínast. Ég hef verið spurð að þessu áður, það sem er óvenjulegt núna er að engin af þessum fjórum var drukkinn og engin þeirra var að reyna að sofa hjá mér. Ég sagði þeim fyrsta að mig langaði ekki að vera módel. Þá sagði hann mér að það væri hægt að fá hellings peninga upp úr þessu. Ég hafði í alvöru talað aldrei hugsað út í þá hlið málsins. Núna velti ég því fyrir mér hvort þetta sé nýtt trend, að fá konur sem eru ekkert sérlega hot til að sitja fyrir á myndum. Eru allir orðnir leiðir á konum sem vakna og líta út eins og kvikmyndastjörnur? Þið vitið hvaða konur ég er að tala um, þessar sem gætu dottið ofaní drullupoll og þegar þær stíga upp úr honum myndast röð af öðrum konum sem henda sér sjálfviljugar í drullupollinn í þeirri veiku von að drullupollur fari þeim jafn vel. Ég er langt frá því að vera þannig kona, ég hef dottið í drullupoll og ég varð bara skítug. Af hverju hef ég ekki áhuga á því að vera á skrá hjá módelskrifstofu en finnst ekkert mál að vera eins og draugur upp úr öðrum draug á mynd í fréttabréfi? Er það vegna þess að ég er self destructive? Eða vegna þess að ég skilgreini mig út frá fleiri atriðum en útliti? Eða vegna þess að ég vissi að ég myndi snúa bakinu í ljósmyndarann allan tímann. | anna | 16:14 |
comments
Hvaða barlómur er þetta ? Það er ekkert að útlitinu þínu, hvorki á góðum degi, né á vondum ( ég hef séð þig á „vondum“ degi Þó þú breytir kannski ekki drullupolli í SPA við það eitt að detta í hann, þá geturðu alveg huggað þig við það að glanspíurnar eru síður en svo merkilegar þegar það er búið að gera þær „uglyfied“ ( skafa málninguna og spartlið af ) - Þá er nú skárri „beauty naturale“, þótt það fylgi því ein eða tvær ( náttúrulegar ) bólur sem enginn sér nema vera með andlitið bókstaflega oní hálskirtlunum á þér ? Mæli með því að raunveruleikaflótti dagsins verði einhver óraunveruleikamynd, ekki einhver hefðbundin veruleikavandamálamynd. T.d. einhver kræsin hrollvekja sem dreifir huganum frá þessum ..hugsunum Eða eins og meistari Megas sagði ( og eitt af því fáa sem kom af viti frá honum ? ) - Smælaðu framan í heiminn, og heimurinn smælar framan í þig Minnstu nú ekki á launin við mig! Ég gerði þetta frítt! Hvar eru umboðsmenn þegar maður þarf á þeim að halda? Við kláruðum þetta á innan við fimm mínútum, ég reyndi að fá þjónustufulltrúann til að gefa mér upp universal e-mail sem færi á alla í Háskólanum vegna þess að ég þyrfti að senda út póst þar sem ég krefðist þess að mér yrði gefið einbýlishús og bíll, en hann mátti ekki vera hvítur. Hann tók nú ekki eins vel í það og ég vonaði því ég trúi því í hjarta mínu að einhver hefði aumkað sig yfir mig. Það hefði ekki einu sinni þurft að kosta sjötíu milljónir, ég er alveg tilbúin til að fara niður í allt að fimmtíu og fimm! En ég held að hann hafi verið brosandi og sætur á myndinni. Life is far too important to take seriously! Mig langar ekki að vera fyrirsæta. Drauma starfið mitt er að skrifa fyrir sjónvarp, þó ég hafi náttúrlega allt sem þarf til að verða heimsfræg kvikmyndaleikkona. Ég er nefnilega lágvaxin. Eiginlega hef ég allt sem þarf til að vera heimsfrægur karlkyns kvikmyndaleikari! Ég vil frekar vera stelpa. Nr. 3 | posted by: anna | 29.09.2005 | 20:09:36 | [+] |post a comment
|
)
