Miðvikudagur, 07. september 2005
Doddi: Mamma, varst þú apadýr einhvertíma?
Anna: Nei, það var ég ekki.
Doddi: ef ég er ekki apadýr, af hverju er ég þá með feld? Hárin á löppunum og svona, þetta er feldur mamma.
Anna: hrmfp (hugsar til þess að líklega er hún mjög frumstætt apadýr miðað við allan "feldinn")
Anna: af hverju spyrðu hvort ég hafi verið apadýr?
Doddi: útaf því að ég hélt að þú hefðir verið til í gamla daga. (vó.. hversu gömul heldur hann að ég sé!) Mér finnst ótrúlega fyndið, í gamla daga var notað stundarglas fyrir klukku. Hvernig voru þá eiginlega vekjaraklukkur?
Anna: tjah.. hvað heldur þú að hafi verið notað?
Doddi: ég veit það ekki, hanarnir.. þeir bara öskra þegar sólin er að koma upp, en ekki þegar maður vill vakna. Var afi úlfur til í gamla daga? Svo ég geti spurt hann hvernig vekjaraklukkur voru?
[seinna, við afa Úlf]
Doddi: Afi úlfur, hvernig voru vekjaraklukkur í gamla daga.
Afi úlfur: þær voru rosalega stórar, með bjöllu
Doddi: varst þú allaf til?
Afi úlfur: já ég hef alltaf verið til, síðan ég man eftir mér
Doddi: og varstu þá apadýr?
Afi úlfur: já, svo breyttist ég.
Doddi: í úlf?
Afi úlfur: nei í mannapa
