Sokkarnir eru báðir bláir og rauðir og þeir eru báðir með myndum af boltum - Aðeins annar þeirra er röndóttur, bláu litirnir eru ólíkir og annar er með fleiri boltum en hinn. Tá og stroff eru rauð á öðrum en blá á hinum. Sem sagt þrennt líkt og fernt ólíkt.

Mýsnar eru báðar gráar en þó ekki eins á litinn. Önnur er með dekkri snúru og skrollhnappi og stóru upphleyptu merki. Þær eru eiginlega eins í laginu. Sem sagt eitt líkt og fernt ólíkt.

Sokkarnir eru líkari en mýsnar.

Já nákvæmlega!. Úff..

og það er betra að eiga klukku sem er stopp en klukku sem seinkar sér um mínútu á dag, sú stopp er rétt tvisvar á sólarhring en hin ekki nema égveitekkihvað sjaldan...

sambærilegt, no?

Ég er búin að greina þetta í msn samræðum við Júlíu systur. Dodda er sama þótt hann sé í ósamstæðum sokkum. Ég vil að hann sé í samstæðum sokkum vegna þess að ég hef áhyggjur af því að honum verði strítt annars. Ergó: ég er að ofvernda barnið. Ég er hætt við að kaupa eins sokka. Hann má alveg vera eins og hann vill til fótanna.

Guttinn minn gerir nákvæmlega eins og Doddi. Mér finnst þetta bara fínt!

Bróðursonur minn hefur alltaf verið í ósamstæðum sokkum. Hann er að verða 14 ára og ég held því miður að þetta sé að eldast af honum. Mér fannst alltaf krúttlegt að sjá hann svona, amma hans hafði hinsvegar af þessu gífurlegar áhyggjur, hélt að honum yrði strítt í skólanum en það virtist ekki vera. Hinsvegar var hann orðinn þreyttur á spurningum um þetta svona um 9 ára aldurinn og þá sagði hann alltaf þegar honum var bent á þetta "ég veit, pabbi valdi þetta, hann var að flýta sér"

Mér finnst æðislegt þegar börn taka uppá svona. Leyfðu honum þetta bara. Ef þetta elst af honum, er þetta saga sem verður gaman að segja frá þegar hann er orðinn fullorðinn. Einu sögurnar sem allir muna úr æsku manns og segja manni hvað eftir annað eru þessar sem eru öðruvísi en normið, því þær eru jú minnisstæðastar. Ég fæ enn að heyra frá fólki að það man þegar ég var sex ára að tala um kommúnisma og rómantík (ekki spyrja af hverju) og dæsti að ég vorkenndi svo sovésku þjóðinni... af hverju? spyr mágkona mín. "Af því Brésnev er dáinn." Hún varð miður sín því hún vissi þetta ekki sjálf...

Ég hef sagt það áður og segi það enn... Doddi er kúl.

Ekki hafa áhyggjur af HINUM. Þeir hafa þær nógar sjálfir. 6-7 ára snillingar vita orðið hvað getur leitt til stríðni sem hafa þarf áhyggjur af.

Sonur minn er tæplega 17 ára. Hann er gjarna í grænum sokk með gulum stjörnum á öðrum fæti og gráum íþróttasokk á hinum fætinum. Skýringin er leti. Hann nennir ekki að leita að samstæðum sokkum.

Mikið var ég glöð að lesa komentið frá þér um að þú værir hætt við að henda öllum sokkunum hans. Um að gera að leyfa honum að hafa þetta eins og hann vill. Það er kúl að vera í ósamstæðum sokkum. Það er kúl að þora að vera öðruvísi.

Ef þú hefðir hent öllum sokkunum og keypt aðra sem allir eru nákvæmlega eins þá er aldrei að vita nema að drengurinn leiðist út á glæpabrautina...