Ég var að uppgötva í vinnunni í dag að undanfarin sex ár hef ég drukkið heitt vatn og þvegið á mér hendurnar upp úr köldu vatni. Uppgötvunin kom ekki til af góðu því ég hrasaði á leiðinni á klósettið og þegar ég var að rísa upp rak ég augun í bláa og rauða merkið á krananum á klósettinu. Snéru öfugt við það sem ég er vanur heiman frá mér. Ég hef því alltaf snúið krananum öfugt í hvert sinn sem ég hef farið á klósettið.

Hrösunin kemur ekki heldur til af góðu því ég hef labbað um haltur undanfarna daga. Fékk sár á tánna. Það væri svo sem ekki í frásögur færandi að fá sár á tánna ef það sár hefði ekki leitt til blóðeitrunar. Þar sem ég er sannur karlmaður og fer ekki til læknis fyrr en í fulla hnefana þá beið ég og horfði á blóðeitrunina læðast upp vinstri fót þangað til mér ofbauð frekjan og yfirgangurinn í henni og keyrði sjálfan mig á bráðavaktina eina nóttina fyrr í vikunni. Þar rættist óskin um að prófa að vera sjúkraflutningamaður. Stóð mig bara vel þó ég segi sjálfur frá. Nú bíð ég spenntur eftir því hvort meðferðin, sýklalyf í æð, bakteríudrepandi sprey og töflur í tugatali, sem ég fékk á bráðavaktinni í Fossvogi virki þannig að ekki þurfi að taka af mér fótinn - eða þaðan af meira.

Andskotinn Igor! Af hverju eru karlmenn svona.. vil ekki segja vitlausir.. en.. stoltir!

Reyndar hefur mér alltaf fundist soldið cool þegar menn eru með staurfót. En bara svo að þú vitir það.. þá finnst mér það bara cool from a distance!

Láttu þér batna!

Fann ekkert nógu skemmtilegt get well kort, svo ég óska þér bara til hamingju með afmælið í staðinn! Fer alltaf í gott skap þegar ég skoða þetta kort og mæli með bloopernum. Þú veist að hláturinn lengir lífið og kannski getur hann líka ráðið við blóðeitrun! Og.. til hamingju með afmælið!

Ætli þetta myndi ekki flokkast undir heimskulegt stolt. Þannig að þú ert ekki langt frá því. En þetta er það síðasta sem við karlmenn eigum eftir á þessum síðustu og verstu kvennfrelsis tímum - höldum dauðahaldi í heimskulegt stolt. Þó það kosti okkur fótinn. Þetta er líka eitthvað sem við vitum að þið kvenfólkið viljið ekki og munið því láta í friði. Snjall leikur

Reyndar fannst mér færslan þín svo fyndin að mér sýnist hláturinn vera á góðri leið með að hrekja blóðeitrunina í burtu. Takk fyrir kortið.

Ekkert að þakka Igor. Og þú veist að ég meinti "get well"