 |
|
|
|
 |
Það styttist í Duran.
Mánudagur, 27. júní 2005
Að sjálfsögðu fer ég á Duran, en ekki hvað? Keypti meira að segja miða á A-svæði og við vinkonurnar ætlum í keppni um hvor okkar getur snert höndina á John Taylor. As if. En ég er samt á A-svæðinu. Önnur vinkona mín hringdi áðan til að taka stöðuna, spurði mig hvað ég væri eiginlega að gera þar, þeir væru allir orðnir krumpaðir og gamlir og miklu flottari úr fjarlægð. "Þá tekur maður bara niður gleraugun", svaraði ég og við fórum að skellihlæja. Iss.. iss piss! Nokkrar hrukkur hafa aldrei pirrað mig, hvorki á mér né öðrum. Verst að hrukkur virðast ekki nokkurt einasta garantí fyrir þroska hjá viðkomandi. -Aftur, hvorki hjá mér né öðrum. Fór að hugsa um að mér finnst synd og skömm að ég eigi ekki eitthvað af þessum hörmulegu 80's fötum sem ég gekk í á sínum tíma til að sporta á tónleikunum. Þó mér finnist sumt af því sem er í verslunum í dag ekki síður hörmulegt. Ætla ekki að fara að eyða offjár í skrípagalla fyrir eitt kvöld. Þá mundi ég það.. ég á gallajakka sem ég kallaði "kick-ass" á sínum tíma (16 ára) og hann var svo dýr að ég hef passað uppá helvítið alla mína búferlaflutninga, þó ég veigri mér við að fara í hann í hvert einasta sinn sem ég rekst á hann í einhverjum kassa þegar ég er að flytja. Jafnvel þegar ég bjó í íbúð sem var með svo lítilli geymslu að ég varð að henda nærri öllu geymsludótinu mínu.. ekki henti ég ljóta gallajakkanum. Innst inni hef ég líklega vitað allan tímann að Duran myndi koma til landsins og akkúrat þessvegna henti ég ekki jakkanum, því við skulum átta okkur á því að hann er svo ljótur og 80's legur að ég get nánast hengt mig uppá það að hann komist aldrei beinlínis í tísku aftur. Það verða engin barnabörn sem missa vatn yfir þessari flík í skápnum hjá ömmu, no worries. Auðvitað ætti ég að grafa þennan viðbjóð út úr geymslunni því ef einhvertíma verður rétti tíminn til að sporta þessum hryllingi aftur.. þá er það n.k. fimmtudag. Ég þori að veðja að ég passi meira að segja í kvikindið! Þá víkur sögunni að þessu eina þarna.. sem er óyfirstíganlegt. Sama hvað ég sé fyrir mér að ég yrði hreint út sagt æðisleg pæja í þessum jakka, nenni ég ekki niðrí geymslu til að finna hann. | anna | 18:24 |
comments
Ekki bara verðurðu að finna jakkann, heldur verðurðu að setja inn mynd af þér í honum. Fyrir okkur miðaldra aðdáendurna. Já þið segið það... Ég er með lykil af geymslunni. Þeir sem vilja geta sótt lyklana til mín og leitað. Það er eins og muni eftir að hafa séð hann í rauðum pappakassa, meira að segja nokkuð framarlega í geymslunni. Það var fyrir ári síðan. Ef jakkinn finnst.. mun ég birta mynd, að sjálfsögðu. Ef sódastrím tækið finnst, verð ég hissa og glöð. Ef clariol nuddtækið finnst, þá ertu ekki í minni geymslu.. en ef þú finnur sódastrím tæki þar.. þá yrði ég hissa og glöð eftir sem áður. Nr. 2 | posted by: anna | 27.06.2005 | 20:12:05 | [+] |Mundu eftir vængjunum og bleiku vörunum. Ég er búin að útvega mér grifflur og jakka sem ég get brett upp ermarnar. Að sjálfsögðu herðapúða og svo er það bara að rifja upp hvernig maður blés hárið í nógu stóra boga Dear lord! Áttu auka grifflur? Sko.. ég ætla í kúkabuxum með legghlífar og SVITABAND Á ENNINU, túberað hár útí allar áttir með black light strípum, blásanseraður gloss, augnmálning upp í hársrætur og hermannaklossar. Kem til með að MISSA MIG þegar ég set á mig kinnalit. Ég held að einungis þannig geti ég náð gamla lookinu. Minnir mig á Ásgeir sem ég hitti einu sinni á.. jesús.. hvað hét það? Kaffistofan? Smiðjuvegi. Opið allar nætur. Allavega, ég var stödd þar ca sautján ára og Ásgeir svífur á mig og segir: "vá.. ert þetta þú? Ég þekkti þig ekki, þú ert í svo.. venjulegum fötum, maður þorði nú aldrei að tala við þig hér áðurfyrr.. þú varst svo.. pönkaraleg". Þarna beit ég hann í nefið og hann hefur ekki þorað að tala við mig aftur. Nei hva.. þó maður ýki aðeins. Nr. 6 | posted by: anna | 28.06.2005 | 12:54:34 | [+] |post a comment
|
