 |
|
|
|
 |
In a zzzzone
Þriðjudagur, 26. apríl 2005
Fór úr óráði í ofvirkni. Ég á það til. Setti upp mt á tveimur stöðum og færði heimasíðu á annað kerfið. Þar sem búið var að fokka upp mt kerfinu á gömlu síðunni var ekki hægt að exporta gömlum færslum og ég þurfti að gera þetta handvirkt. Það var rosalega gefandi lífsreynsla. Ég tók afrit af minni síðu á meðan - just in case. Sem betur fer er bloggarinn sem ég var að vinna fyrir ekki ofvirkur svo þetta voru ekkert heví tvö ár. Annars væri ég búin að missa vitið, það er nokkuð ljóst. Auk þess fæ ég rosalega vel borgað fyrir þetta, seinna. Kíkti líka á verkefnið sem ég er að vinna fyrir Guð. Græjaði smá myndvinnslu og sendi frá mér. Vantar meira efni til að komast í gang með það dæmi. fire in the disco.. Hvað gerði ég fleira? Já.. það kom upp fokking villa þegar ég setti þetta upp og ég var að velta því fyrir mér að fara að sofa.. þegar ég áttaði mig á því að ég átti eftir að versla í matinn fyrir allsnægtarheimilið. Ég leyfði mér nefnilega þann munað að kaupa mér brjóstahaldara í byrjun mánaðarins og þrjá bómullarboli. Ljóta ruglið. Ég fæ svona mikilmennskubrjálæði öðru hvoru og held að ég hafi efni á að kaupa mér eitthvað. Gleymdi að hugsa útí að í þessum mánuði voru skráningargjöld í Karate, sérsmíðaðir skór fyrir Dodda og innlegg. Það setur heldur betur dæld í sjúskaða debetkortið. On the bright side þá rofaði til í heilabúinu á mér á leiðinni heim og ég fattaði hvað var að. Gæti hafa gerst þegar ég keyrði yfir þessa hraðahindrun áðan á kolólöglegum hraða. fire in the... taco bell.. Áðan átti ég heilar tvö þúsund krónur til að lifa á fram á föstudag og ég lét það ekkert dampen my spirits. Núna held ég að ég eigi ca 600 kall, eftir ég fór í skjóli nætur í 10/11 eða 11/11 og keypti brauð, banana, mjólk, smjör og eitthvað fleira.. ab mjólk og svona... þetta verður ekkert mál. danger, danger.. Í kvöldmatinn hafði ég lasanja sem ég fann í frystinum frá einhverju ofvirkniskasti sem ég hef tekið í eldhúsinu og eldað svoleiðis í massavís til að eiga þegar ég nenni ekki að elda. Works like a charm þegar maður er blankur líka. Sá eitthvað meira af mat þarna svo við munum ekki svelta. Mér var líka bent á það um daginn að það má alveg borða endur. Maður finnur þær niðrí bæ, við tjörnina. hehehe high voltage.. Neinei.. þetta lagast. Fæ pening þegar ég klára verkefnið fyrir Guð og svo þarf ég að nota Bidtman rökin til að fá hin verkefnin. Ég mun eyða 24/7 fyrir framan tölvuskjá en það er ágætt. Það kostar ekkert. A.m.k. þarf ég ekki að borga fyrir það. danger, danger... Sexhundruð kall eftir. Nei! Fjögurhundruð... frumburðinum vantar tvöhundruðkall fyrir ferðalag með skólanum á morgun. high voltage.. Fimm ár. Ætli ég verði hætt að blogga þá? fire in the.. gates of hell | anna | 1:40 |
comments
Ég hef 20 ára reynslu af ástandi sem maður heldur að lagist eftir 5 ár. Mín leið út er sú að forðast 11-11 eins og bárujárnstónleika, baka brauðið og kaupa helst ekki neitt fyrr en frystirinn er tómur, þurrefnaskápurinn sömuleiðis og ekkert til í kæliskápnum nema smjörlíki og remúlaði, ég viðurkenni að það er ekki hægt að búa til mat úr þeirri samsetningu, jafnvel þótt maður eigi líka bókhveiti sem rann út 2003. Nr. 5 | posted by: Eva | 28.04.2005 | 7:12:16 | [+] |Já ég hef einmitt fjórtán ára reynslu af þessu. Síðasta ár hefur hinsvegar glætt smá von í brjósti mér vegna þess að ég hef ekki hækkað heimildir, ekki tekið ný lán, ekki fengið mér kreditkort, ekki fengið fyrirfram greidd laun, ekki vælt í ættingjum um lán.. bara borgað niður og strax í haust lækkar greiðslubyrðin um 20 þúsund. Um áramótin lækkar hún aftur um 30 þúsund. Ég geri ekki mikið og það má auðvitað ekkert koma upp. Þar sem lífið er ekki þannig og það kemur alltaf eitthvað upp tek ég að mér aukaverkefni til að geta borgað svona "óvæntar uppákomur" eins og læknaheimsóknir, lyf, sérsmíðaða skó, föt (þegar þau gömlu eru ónýt beyond repair) og þessháttar. Ég er ekkert rosalega flott húsmóðir þegar ég vinn svona mikið en ætti náttúrlega að fá brauðvélina sem mamma á (og notar aldrei) og kenna frumburðinum að skella hráefni í hana og ýta á "start". Svo versla ég auðvitað í bónus alla jafna, nema í undantekningartilfellum þegar ég gleymi mér við vinnu og allar búðir eru lokaðar.. nema þær sem eru opnar 24/7. Ég er ákveðin í því að klára þetta á fimm árum. Ég er búin með 400 kallinn, á ekki krónu með gati en ég á mat fyrir kvöldið, nesti fyrir krakkana og klósettpappír. Á morgun fæ ég útborgað og get verslað. Einu sinni verslaði ég alltaf alveg rosalega mikið um mánaðarmót og fyllti alla skápa. Ég er hætt því. Núna kaupi ég bara það sem vantar, alltaf. Það er miklu ódýrara. Nr. 6 | posted by: anna | 28.04.2005 | 11:26:26 | [+] |
|
