Get nú ekki annað en kommentað úr því maður er manaður til þess.

Well, ekki gera þau grundvallarmistök að halda að "spot reduction" eða "staðminnkun" sé möguleg. Þú minnkar ekki rassinn með því að gera rassæfingar, magann með því að gera magaæfingar eða fitukeppina aftaná handleggjunum með því að gera tricep æfingar. Þessar stelpur sem maður sér gera endalausar (og ég meina endalausar) magæfingar eru ekki að gera sér neitt gagn.

S.s. jú Heather og JLo gætu alveg verið látnar gera sömu æfingarnar þó að JLo sé með miklu, miklu flottari rass.

Erfðir ráða því að mestu leyti hvar á líkamann fólk safnar fitu. Þegar fólk grennist fer hún af í öfugri röð. Ef fólk safnar fyrst fitu á magann er sú fita síðust til að fara. Sumir karlar safna t.d. haugum af iðrafitu (mör) löngu áður en nokkur fita sést á andliti eða útlimum. Staðsetning fitubirgða er algerlega óháð því hvers konar æfingar fólk gerir.

Grunnþarfir í líkamsþjálfun eru ekki eins mismumandi og sumir vilja vera láta þó að þjálfun íþróttamanna sé auðvitað mjög ólík.

Allir ættu að gera 6 grunnstyrktaræfingar (hnébeygju, réttstöðulyftu, pressu af einhverju tagi, tog af einhverju tagi, magaæfingu af einhverju tagi, mjóbaksæfingu af einhverju tagi). 2-3svar í viku, 2-5 sett af hverri, 4-12 endurtekningar í hverju setti. Ekki pína sig til að taka aukaendurtekningu, það skilar engu og minnkar árangur.

Allir ættu að auki að teygja 2-3svar í viku á þeim vöðvum sem hafa mesta tilhneigingu til að stífna upp (læri aftan og framan, kálfar, mjóbak, axlir, háls).

Að lokum ættu allir að ganga, hlaupa, synda, hjóla, skíða, spila golf, tennis eða fótbolta, iðka leðjuglímu eða eitthvað nokkrum sinnum í viku amk 15 mínútur í hvert sinn af nægilegri ákefð til að púls hækki og maður svitni.

Allt er gott sem endar vel.

Ég vissi að ég gæti stólað á þig!

Mér sýnist ég vera í góðum málum, þannig lagað og svo er ég búin að finna góðann mann til að kenna mér skriðsund svo sundbolur er kominn á fjárlögin fyrir næsta mánuð! Hjólinu mínu var stolið og ég hef ekki sett nýtt á fjárlög, hef aldrei spilað golf en mamma er alltaf að segja mér að koma með sér, tennis væri ég til í að prufa en fótbolta kem ég ekki nálægt. Það er trauma síðan ég var unglingur.

Mig hefur líka alltaf langað að prufa leðjuglímu. Hvar er boðið upp á svoleiðis? Er það ekki meinhollt fyrir húðina?

Það þarf ekki að gera þetta allt. Amk ekki allt í einu. Bara eitthvað sem hækkar púlsinn og manni finnst skemmtilegt.

Svo undarlegt sem það kann að virðast hafa sumir gaman af fótbolta, þess vegna nefndi ég það. Óskiljanleg árátta finnst mér.

Leðjuglíma er örugglega fín fyrir húðina. Er ekki annars í tísku nútildags að nota súkkulaðibúðing, ávaxtahlaup eða síróp í staðinn fyrir leðjuna? Er þetta ekki málið ef maður vill koma af stað nýju líkamsræktaræði og græða fúlgur?

Ég sé það í anda:

Killer Kornflake Kung Fu Kardio!
Whipped Cream Wrestle Mania!

Íslenska útgáfan gæti verið "Síldarmjölsslagur!" eða "Grásleppuhrognaglíma!"

Allt er best í hófi.

Ég man eftir að hafa skellihlegið að Grace í Will & Grace þar sem hún stundaði svona "ghosting" með litlum árangri. Ég hélt reyndar að fólk stundaði ekki svona í alvörunni en það eru til Jóakimar um allt!

þetta líst mér á, Helgi Common sense prógramm. Snilld að sleppa við píningarendurtekningarnar, geri það héðan í frá.