 |
|
|
|
 |
One of these days
Sunnudagur, 20. mars 2005
Ég var að elda í kvöld. Opnaði ísskápinn til að ná í kartöflur en þegar ég opnaði hurðina datt opin skyrdós í gólfið. Ég er svo stabíl á geði. Stóð grafkyrr í nokkrar sekúntur og horfði á nútíma skyrlistaverkið á gólfinu, uppþvottavélinni og ísskápnum - og mér. Sá það reyndar ekki fyrr en ég leit í spegil seinna. Náði í tusku og þurrkaði þetta upp, þegjandi og hljóðalaust. Korteri seinna teygði ég mig í bretti við hliðiná hrærivélinni, missti takið á því og stórt glas fullt af maltöli datt um koll og mér leið eins og ég hefði orðið fyrir pollgusu frá bíl. Ég var rennandi blaut og stóð í miðjum maltöls polli. Í nokkrar sekúntur og horfði á tauma renna niður uppþvottavélina, sem ég var nýbúin að þrífa skyrið af, teygði mig í tusku, vatt hana og þreif upp maltið. Tíu mínútum seinna tók ég lint smjörstykki sem ég ætlaði að nota í ostakökuna sem ég var að búa til, það rann úr höndunum á mér... Á mottunni í eldhúsinu lá smjörið í klessu. Ég gretti mig, sagði ekki orð. Skóf megnið af smjörinu upp og henti í ruslið, henti mottunni í óhreina taujið. Það var ekki fyrr en ég hrasaði með hveitipokann og dreifði hveiti út um allt eldhús á sama tíma og ég rak mig í eldhúsborðið og fékk skurð á ennið sem ég gjörsamlega missti það. Þar sem ég stóð þarna, hélt um skurðinn á enninu, fann blóðið leka á milli fingranna og fylgdist með hveitiþokunni setjast rólega yfir allt í kringum mig sagði ég, undur hægt og rólega: "vei". Svo fór ég að gráta. | anna | 23:15 |
comments
Áts! Minn dagur er ekki einusinni til umræðu í samanburði ! Úffa :S Slæmur dagur! Ég vona svo sannarlega að vikan verði ekko öll svona hjá þér! kv. Tinks Nr. 2 | posted by: Sveina Tink | 21.03.2005 | 8:25:29 | [+] |Ég tek öllum svona sögum með fyrirvara á þessari síðu. Nr. 3 | posted by: thors | 21.03.2005 | 11:09:43 | [+] |mín bara komin í hörkusamkeppni við Carolu Fiction or not, þá skellihló ég. In retrospect, ef þetta er dagsatt, þá fyrirgefðu að ég hló... þetta "vei" í lokin er bara eitthvað sem ég segi líka stundum þegar ég á svona daga... Sem eru reyndar sorglega algengir. Nr. 5 | posted by: Jóhanna Ýr | 21.03.2005 | 15:30:02 | [+] |Ég er líka svona. Um daginn kom konan heim og sagði að einhver hefði ekið á bílinn í bílastæðinu fyrir utan 'kaupfélagið' hérna og látið sig hverfa. Ég tók því af karlmennsku. Núna hringdi hún rétt áðan og sagði að einhver hefði endurtekið leikinn. Ég tók því líka af karlmennsku - en símtalið var afar stutt. Geri aðrir betur. Hef annars til sölu afar vandaðan amerískan bíl, hvítan og lítið beyglaðan. Víðförull bíll. Hrein kostakaup. Áhugasamir endilega hafi samband. Þetta er t.d. betri drossía en jeppinn og bensinn (hint fyrir Ingólf). Nr. 7 | posted by: AlanHudson | 23.03.2005 | 7:41:54 | [+] |
|
Þú átt samúð mína alla þessa stundina. Á ég að bjalla í Kristó ? Hann gæti amk fengið að leika sér með latex hanskana og vaselínið... eða ekki... Band-Aid amk 
