 |
|
|
|
 |
Konudagur
Sunnudagur, 20. febrúar 2005
Ég vaknaði klukkan tíu mínútur í sex í morgun við það að einhver hringdi dyrabjöllunni. Ég vaknaði en hreyfði mig ekki. Reiknaði með því að þetta væri einhver niðri og ég tek bara ekki á móti gestum á þessum tíma. Ég verð að fara að mæta á húsfundi og láta vita að ég tek bara á móti gestum á milli klukkan 20:00 og 21:00, mán, þrið, og fim. Þegar ég var búin að liggja örfáar mínútur í svefnrofunum heyrði ég hinsvegar þegar einhver hrundi niður stigann. Kannski er ég með líf á samviskunni. Það væri þá ekki fyrsta lífið sem ég hef eyðilagt. Vön manneskja. Ég haggaðist ekki og sofnaði aftur stuttu síðar. Ég vaknaði næst hálf átta og fór aftur að sofa. Vaknaði aftur hálf tíu og skellti mér í líkamsrækt. Þegar ég var búin dreif ég mig í blómabúð sem var full af karlmönnum að kaupa blóm handa elskunum sínum. Sá sem var að kaupa mest grand vöndinn fékk synjun á kortið. Er það ekki alltaf þannig? Ég keypti túlípana fyrir mömmu. Ég er búin að liggja uppí rúmi í mestallan dag að lesa "Shutter Island", sem ég keypti um daginn af uppáhalds starfsmanni mínum hjá Máli og Menningu. Ég kannast svo við þessa stelpu og ég veit að ég hef örugglega verið með henni á leikskóla eða eitthvað. Konur.. þið sem lesið síðuna mína. Til hamingju með daginn! | anna | 18:23 |
comments
"Shutter Island" er frekar krípí. Öðruvísi krimmi er víst óhætt að segja. Þetta "twist" í lokin er svona og svona sannfærandi. Nr. 2 | posted by: Refurinn Loki | 20.02.2005 | 18:37:15 | [+] |Takk, og til hamingju með daginn sömuleiðis. takk sömuleiðis Vinur minn einn hefur loksins komist að þeirri niðurstöðu eftir 43 ára barlóm og afneitun að hann kann ekki að fara með peninga. Frá áramótum (sennilega vegna nýársheitis) hefur hann lagt inn ákveðna upphæð á reikninginn minn mánaðarlega (s.s. í heil tvö skipti) sem á að duga honum fyrir lífsnauðsynjum þann mánuðinn. Ég fæ svo reglulega upphringingar frá honum þar sem hann biður mig um að millifæra á sinn reikning ákveðna upphæð því hann sé að fara að versla. "Liggur ekkert á, bara þegar þú mátt vera að, ég veit þú hefur nóg að gera með ungviðið og svona. Helst samt fljótlega, er kannski kveikt á tölvunni...?" Aumingja vinur minn, eða auminginn vinur minn ef fólk vill heldur, hringdi svo í mig um daginn og bað mig um að millifæra 5.000 kall á reikninginn sinn svo hann gæti verslað svolítið inn í ísskápinn. Svo var víst líka farin pera á ganginum. Ég sagði ekkert mál, redda þessu núna, þú veist ég vil allt fyrir þig gera nema hitt og þetta verður komið inn eftir tíu sinnum sextíu. Almenn sátt um málið. Næst víkur sögunni að ungviðinu ósjálfbjarga, þau bæði búin að breyta um lit á kjallaraveggjunum norðanverðum, féllu alveg fyrir sveppabrúnu með karrílituðum loftlistum. Hvort tveggja litir með fancy nafni á nýja Slippfélagslitakortinu Ég vind mér náttúrulega í bleiuskiptin og skemmti mér svo vel að ég gleymi öllu öðru. Hann var kominn með fulla körfu að kassanum í Bónus en fékk synjun á kortið. Eins gott að hann er ekki í tygjum við konu annars hefði ég trúað að your man hefði verið my man. Greyið. Nr. 5 | posted by: Atviksorða-Anna | 20.02.2005 | 22:45:15 | [+] |
|
