 |
|
|
|
 |
Fnugge.. nei.. kannski meira.. fnurr
Laugardagur, 29. janúar 2005
Í kvöld sat ég ein í stofunni heima hjá mér, horfði út í loftið og spáði í hvort ég ætti að fara að kaupa mér ís og ná í vídeó. Doddi vakti mig s.l. nótt. Var með 39 stiga hita, hálsbólgu og hósta sem hver einasti stórreykingarmaður hefði verið vel sæmdur af. Litli anginn var mjög veikur og ég sat yfir honum inní stofu og huggaði hann þangað til hitastillandi lyfið fór að virka. Verst að þá var hann glaðvaknaður og vildi horfa á sjónvarpið "eins og ég geri alltaf þegar ég er veikur". Ég sat og horfði á Shrek 2 til klukkan rúmlega fimm, þá leið honum aðeins skárr og náði að sofna. Hann vakti mig aftur klukkan hálf níu í morgun. Ég var orðin vel þreytt seinnipartinn og lagði mig. Var af þeim sökum ekkert syfjuð þarna áðan þegar ég sat og starði út í loftið. Ég rak augun í þrjú andlit evu og ákvað að skila henni til Dórsins og fá eitthvað annað sjónvarpsefni í staðinn. Ég lagði af stað klukkan tíu og þegar ég kom til Halldórs náði hann í scrabble og við tókum þrjá leiki. Mér hefur farið heilmikið fram. Allavega var Halldór stórmóðgaður og mátti hafa sig allan við að vinna mig, en honum tókst það í öll 3 skiptin. Ég tók það sem merki um hversu svekktur hann var yfir frammistöðu minni að hann skýrði mig "Herfu Hullerup" á skorspjaldinu í leik númer tvö. Hann hefur reyndar líklega séð þennan scrabble-bráðþroska fyrir því ég hét "Grýla" á því fyrsta. Auðvitað ætti ég að fá auka stig þar sem ég horfi alltaf á leikborðið "á hvolfi". Í leik númer þrjú var ég öll á iði. Þá var ég búin að drekka swiss mocca og þrjú kókglös. Það leyndi sér ekki. Djöfull er sykur magnaður. Kók ætti í raun að nota slagorðið: "bein ínnspýting". Þegar skraflið var búið spurði Dórið mig hvort ég vildi ekki kíkja í afmæli Ómars í Quarashi. Why the hell not. Ég keyrði niðrá Sólon. Í afmælinu hitti ég Ottó og Gísla í Nexus sem ég kannast í gegnum vinnuna og dóttur mína sem er forfallin Inu Yasha aðdáandi. Þeir voru mjög hressir og tónlistin... djöfuls snilld. Ég tók nokkur spor á dansgólfinu. Var reyndar meira klædd fyrir sveitaball en afmæli á höfuðborgarsvæðinu, enda stóð ekki til að fara á djammið. Hefði sjálfsagt ekki verið hleypt inn ef ég hefði ekki mætt í fylgd Halldórs sem þekkir alla þarna. Þetta var óvænt. Plús.. ég fékk algjöran gimstein með mér heim úr einkasafni Halldórs. The Pink Panther Film Collection. Að lokum finnst mér rétt að það komi fram að ég skúraði íbúðina í dag og mig langar í svona poka. Nú er ég hinsvegar farin að sofa. Ætla að vakna snemma og hitta MAD og púla þangað til ég dett niður dauð. Yeah.. good times. | anna | 1:15 |
comments
Núh, átti Ómarið ammæli í gær ? Það útskýrir hversvegna var svona mikill friður og ró heima hjá mér í gærkvöldi Brill svo ekki sé nú meira sagt. Nr. 1 | posted by: Þór | 29.01.2005 | 15:12:25 | [+] |Ansi er dauft yfir þessu hjá þér. Ertu ennþá að horfa útí loftið. Úr því að ekkert er að ske; ég lærði tvö ný orð í dag sem tengjast áti: flexiterianism og freeganism. Að því er ég best veit eru ekki til íslensk nöfn yfir þessi fyrirbæri svo hér er kannski tækifæri fyrir þá sem kunna að búa til íslensk orð. Komst að því að Ralph Nader og ég aðhyllumst báðir "flexiterianism." Svo er ég með dálitlar áhyggjur yfir því að sonur minn, sem er anti-establishment vegan (eins og Dennis Kucinich), geti leiðst útí "freeganism." Það væri slæmt að mínu mati; ég efa það stórlega að freegans séu til á Íslandi. Nr. 2 | posted by: Organistinn | 31.01.2005 | 9:39:11 | [+] |Boy am I blond or what? Skil ekki orð í færslunni hjá Organistanum! Nr. 3 | posted by: edda | 31.01.2005 | 9:46:13 | [+] |Flexitarian borðar bara vegan eða vegeterian heima hjá sér, en lætur sig þó hafa það að éta fisk eða kjöt á veitingastöðum of í boðum. Í tilfelli Nader þá borðar hann fisk. Freegan, er anticonsumerist vegan sem borðar bara það sem aðrir hafa hent. http://www.nytimes.com/2005/01/30/magazine/30ONLANGUAGE.html?oref=login Nr. 4 | posted by: Organistinn | 31.01.2005 | 10:07:32 | [+] |
Flexitarian verðu hér eftir: Grænmetisæta+
|
Jaaahá ! Þarna kom það 
