vó, mig langar í þetta púsl, öfund, öfund...

vá! geggjað púsl!
hvað gerir þú við púslin þegar þú klárar þau? setur þú þau í ramma, eða rústar þeim og setur þau aftur í kassann?

Ég rústa þeim og set þau aftur í kassann. Svo púsla ég þau aftur seinna. Sum oftar en önnur.

Ég held ég sé farinn að krumpast í heilanum... ellihrukkur á stöðum sem ekki sjást...

Mig langar í diskinn með Ellý Vilhjálms

Skil ekkert í mér... kannski þessi fílíngur að hlusta á það sem mamma hlustaði á, á meðan ég lá úti í vagni og tottaði pela ?

Held að aldurinn sé samt bara að gera mér skráveifu...

hlustaru ekki á neina íslenska tónlist? alls enga?

Það er nú það óhugnarlega við þetta allt saman. Svarið við spurningunni þinni Linda er: jú.. en það er orðið ansi fornt.

Skýringuna á þessu má finna í þeirri staðreynda að ég hlusta nánast aldrei á útvarp. Reyndar langar mig jú í disk með reggí bandinu, þessu nýja. Veit samt ekki einu sinni hvað þeir heita...

Þeir heita Hjálmar og eru æðislegir. Var einmitt á tónleikum með þeim á föstudaginn síðasta
En hvað með t.d. Sigur Rós, Björk eða Sykurmolana? Múm, Mugison eða Slow Blow? Bara svona að forvitnast af því að mér persónulega finnst vera svo mikið gott í gangi í íslenskri tónlist

Ja sko.. ég var þeirrar ógæfu aðnjótandi að eiga nágranna fyrir nokkru síðan sem dýrkaði Björk. Vill til að ég hef aldrei kunnað nógu vel að meta tónlistina hennar og að hafa þetta blastandi í næstu íbúð með lélega einangrun á milli varð nóg til þess að ég sór þess dýran eið að spila aldrei Björk. Ég hef staðið við þetta og finnst eins og ég sé ekki að missa af neinu. Björk er örugglega mjög fín það er líklega bara ég sem er svona ókúltiveruð eins og mamma segir.

Hitt fer bara hreinlega alveg framhjá mér. Ég hlusta ekki á útvarp og horfi það lítið á sjónvarp að ég gæti alveg eins verið hellisbúi.

Come to think of it.. þá eru svo margir með bera steypuna á gólfunum núna að ég væri líklega bara búin að búa í hellinum í viku þegar Vala Matt væri mætt á svæðið. Það er nefnilega alveg magnað hvað hægt er að gera við mosa og stuðlaberg.

Hvar færðu svona æðislegt púsl? Hjá Magna?