 |
|
|
|
 |
Jólaboð Finsen
Sunnudagur, 26. desember 2004
Í dag var endurvakið sérlegt jólaboð ættarinnar. Mamma hélt utanum herlegheitin. Ég mætti snemma til að hjálpa til. Mamma var búin að segja mér hryllilegar sögur af látnum ættingjum mínum sem höfðu gefið upp öndina við að hræra jafninginn. Nú var komið að mér. Ég reyndar bauð mig fram í þetta djobb. Ekki nenni ég í líkamsrækt og eftir að ég hætti að vinna við skúringar fyrir tíu árum hefur heilsu minni hrakað skelfilega. Jafnast ekkert á við að vippa stólum upp á borð og vinda tusku hressilega til að halda sér í formi. Ég hrærði jafninginn og blés ekki úr nös. Öðru hvoru komu ættingjar upp að mér og spurðu mig hvort ég væri í alvörunni búin að vera að deita svona marga menn síðan ég skildi. Nei. Ekki í alvörunni. anna.is á sjálfstætt líf. Þegar maturinn var búin kviknaði í einum gestinum inní eldhúsi. Sannast hið fornkveðna: "If you can't stand the heat, stay out of the kitchen." Þetta var nú samt bara minniháttar bruni. Held meira að segja að það hafi ekki kviknað í neinum þannig lagað, en það kviknaði í einhverju og það var brunalykt lengi á eftir. Þetta er allt hið undarlegasta mál þegar ég fer að hugsa út í það. Næst verður hausatalning inn og út úr boðinu, það er hreinu. Eftir brunan barst talið að rafmagnslausum jólum og matseld. Frænka mín minnti mig á söguna af hráa jólamatnum, sem ég var búin að gleyma. Þ.e. jólunum sem mamma kenndi mér að elda hamborgarahrygg. Ég sver.. ef ég væri ekki svona gleymin væri ég líklega á tvöföldu prósakki með fastan klefa á geðdeild og færi lágmark vikulega í raflost. Spáiði í því.. ef fólk les mig religiously, þá veit það líklega meira um mitt eigið líf en ég sjálf! Ég man ekkert - og ég nenni ekki að lesa mig. Fer nógu mikill tími í að skrifa mig! Eins og venja er var dansað í kringum jólatréð. Jólasveinar mættu á svæðið og létu öllum illum látum. Einn af þeim vatt sér upp að mér þegar ég var að syngja "pabbi enn í ógnarbasli", vildi vita símann hjá mér og spurði hvort ég væri laus á morgun í hádeginu. Ég sagði honum að ég deita ekki óbís menn með skegg. Þá fletti hann sig klæðum og sýndi mér að hann væri ekki óbís, hann var með púða innanklæða. Ég sagði að það skipti engu máli, ég væri ekki á lausu. Þá reif hann af sér skeggið og sagði: "ég er ekkert með svona skegg í alvörunni". Yngstu börnin voru farin að gráta og karlmönnunum í boðinu fannst nóg um og tveir stæðilegustu tóku undir hendurnar á jólaveininum og hentu honum út. Hann spurði þá á leiðinni út hvar ég ætti heima og hvort ég væri í símaskránni. Mömmurnar voru að útskýra fyrir börnunum að þetta hefði ekkert verið alvöru jólasveinn heldur einhver skrítin maður. "Eru jólasveinar ekki allir skrítnir?" spurði ein þriggja ára. Það sem maður lendir í. Grunar að þetta verði í síðasta skipti sem við leigjum einhverja jólasveina sem við vitum engin deili á! Eftir það sem hér eftir mun þekkjast sem "jólasveina-atvikið" var boðið upp á kaffi og frómars. Hér brotnaði ég niður, enda álagið ekki búið að vera lítið. Meina.. það þurfti að raða stólum við borðið, hræra helvítis jafninginn, gefa fólki að borða og hella uppá kaffi. En að kvelja mann með svona óhugnaði eins og ananasfrómarsinum hennar ömmu. Ég á skelfilegar minningar frá því þegar ég var handmötuð með þessum hryllingi með silfurskeið sem barn. Hvað ég grét á leiðinni í jólaboðin. Ekki furða að ég hafi oft læst mig inná klósetti og neitað að koma fram. Þetta var auðvitað mikið uppnám og gestirnir kepptust við að annaðhvort borða frómarsinn eða hugga mig. "sko, sjáðu.. það er næstum allt búið" sagði Gulli frændi með fullan munninn. Þegar ég kom heim tók ég þrjár íbúfen og fór í bað. Lagði mig. Var að vakna. Fyrir utan allt held ég að þetta hafi bara verið feykigott jólaboð á íslenskan mælihvarða. | anna | 23:43 |
comments
Einkennilegt hvað þú getur orðið leiðinlega hégómagjörn mín kæra. Af hverju er það? Nr. 1 | posted by: Úllen Dúllen | 27.12.2004 | 5:36:09 | [+] |Fæddistu með silfurskeið, með ananasfrómasi, í munni? LOL Já. Fæddist með silfurskeið fulla af ananasfrómarsi dauðans í munninum - og grét. Neinei, en amma dró fram silfrið í jólaboðunum. Það er engin lygi. Þetta með frómarsinn er samt bara djók. Ég hef ekki borðað hann í fjöldamörg ár. Getur vel verið að ég sé komin með smekk fyrir þessu núna. Hver veit.. Nr. 5 | posted by: anna.is | 27.12.2004 | 16:23:24 | [+] |Harpa, ekkert af því sem þú nefndir, fyrirgefðu framhleypnina í mér Anna. Ætlaði ekki að meika föss. Sorrý, skemmtilegur einkahúmor. Nr. 8 | posted by: Úllen Dúllen | 28.12.2004 | 1:15:30 | [+] |OMG Ég er orðlaus yfir þessum ásökunum Úllen Dúllen sem hún reynir þó að draga úr í nótt!! Anna.is HÉGÓMAgjörn og það leiðinlega huuummm 1. Jafningurinn með hangikjötinu. Það er sko alls ekki allra að útbúa góðan jólajafning og augljóst að þarna var vanur jafningjari á ferð. Þar sem ég borðaði þennan jafning fyrir mitt hangikjöt get ég fullyrt að aldrei hafi ég smakkað jafngóðan jafning fyrr né síðar - hann var bókstaflega fullkominn. Enginn HÉGÓMI þar 2. Ástsjúki jólasveinninn. Jú ég var vitni að þessu þar sem ég var beint á móti önnu.is í hringdansinum. Þessi feitari og söngglaðari reyndi stíft við önnu.is. Alveg sama hversu vel hún reyndi að verjast honum var ljóst að hann var ástfanginn. Jafnvel þótt sonurinn Doddi hafi haldið í hönd móður sinnar alveg skelfingu lostinn stoppaði það ekki feita jólasveininn með gerfiskeggið að fletta sig klæðum og sýna púðann. Enginn HÉGÓMI þar 3. Anansfrómans og silfurskeiðar. Jú alveg hárrétt. Amma hefur safnað jólasilfurskeiðunum frá því hún fæddist snemma á tuttugustu öldinni og gerir enn. Við munum sem sagt borða ananasfrómansinn úr jólasilfurskeiðum þar til yfir líkur. Það verður þó að viðurkennast að það er ólíkt skemmtilegra að borða af silfurskeiðum en venjulegum - sérstaklega ef maður þarf ekki að sjóða vatnið og vaska þær upp sjálfur! Enginn HÉGÓMI þar. 4. Íbúfen, bað og lúr. Komm-on. Fullkomin blanda vellíðunar eftir langan og strangan jólaboðadag. Sem hjúkka mæli ég með að allir prufi amk. einu sinni. Enginn HÉGÓMI þar 5. Ekið um borg og bý á bensínlausum bíl. Kannski það eina sem gæti möguelga vísað til Hégómans en bendir þó frekar til þess að konan trúir á sjálfa sig og kannski það allra líklegasta - hún þekkir bílinn sinn algjörlega. Anna.is getur nefnilega keyrt endalaust um á bensínlausum bíl. Það er að vísu meira en flest okkar hinna EN enginn HÉGÓMI þar ELSKU ANNA.IS ÞÚ FÆRÐ RISA STÓRT HÉGÓMAKNÚS FRÁ MÉR OG HINUM SEM TRÚA Á ALLA VITLEYSUNA ÞÍNA Þarf ég að fara í eitthvað svakalegt debat við ykkur? Ég þekki Önnu náttúrulega ekki neitt, hef aldrei séð hana hvað þá meira. Anna birtist mér sem mannleg og góð manneskja. Eftir að hún skildi finnst mér hún stundum full hégómleg og stundum smáborgaraleg, hvernig sem það er nú sett upp. Ég er náttúrulega bara að lesa þessa síðu á netinu og ég veit að ég get alveg sleppt því. Ég var ekki í þessu jólaboði og er ekki að skrifa þessa síðu, guð sé lof! Nr. 11 | posted by: Úllen Dúllen | 28.12.2004 | 13:02:42 | [+] |HAHAHAHAHAHA btw Góður frómans
|
