Ég keypti mér slatta af DVD myndum í London. Bestu kaupin sem ég gerði voru þó óumdeilanlega tvær fyrstu seríurnar af Frasier. Það er eins og að hafa gamla kunningja í heimsókn að spila þetta gæða efni.

Ég byrjaði auðvitað á byrjuninni og komst að því að fyrstu þættirnir eru svona la-la, enda leikararnir augljóslega að finna sig í hlutverkunum. Það var eitt sem okkur blaðamanninn greindi á um, hann sagði að við værum mere consumers en ég sagði "we could write this shit".

Ég stend við þá fullyrðingu.

Mig dreymir um að skrifa sitcom pilot um dysfunctional klassíska íslenska fjölskyldu. Einn daginn vinn ég kannski í lottói og get hætt að vinna.. og farið að skrifa. Verð að muna að fara að kaupa miða.

Þangað til held ég áfram með anna.is en er að spá í að breyta aðeins um stíl. Lýsa hrakförum mínum í ástarmálum. Þó hrakfarirnar séu ekki raunverulegar, enda myndi ég aldrei lýsa þeim á síðunni minni, þá get ég vel ímyndað mér hvað myndi gerast ef ég færi nú út á markaðinn með alvöru leit í huga. Því eins og allir vita, þá finnur maður ekkert þegar maður er að leita. A.m.k. sjaldnast eitthvað eigulegt.

Hrakfarir en líka litlir smásigrar inná milli. Maður verður alltaf að vera winner stundum. Má ekki vera of glataður.

Ég er að spá í að byrja í kvöld. Sleppa Jude Law alveg, enda hefur hann miklu meiri áhuga á tvivial en mér, virðist vera. Ef ekki.. nú þá er maðurinn bara ruglaður nema ef ske kynni að þessi latex galli hafi ekki alveg verið að gera það fyrir hann. Eitthvað var það. Kvarta allavega ekki yfir.. sko sjáiði! Ég ætlaði að skrifa mannin út en hann skrifar sig bara inn aftur.

Jesús.

Ah.. hef hann inni þá. En bæti við nokkrum í viðbót. Þar sem ég stunda ekki skemmtanalífið mun ég kynnast þeim á óvenjulegum stöðum, en um leið benda á að maður getur fundið ást og losta hvar sem er. Ég sé fyrir mér að ég komi til með að hitta markaðsstjóra á næstunni, líklega í bílapartabúð.. þegar ég kaupi loksins afturljós á bílinn minn. Það er rosalega líklegt scenario. Það er líka rosalega líklegt að ég klessi á myndarlegan karlmann á Miklubrautinni bráðlega sem fellur fyrir mér og býðst til að borga viðgerðina á mínum bíl, just to be nice. Já svo hringir örugglega í mig í vinnuna fjallmyndalegur karlmaður sem leikur í auglýsingum sem býður mér í keiluhöllina.

Ég er að hugsa um að láta pabba flytja til mín líka, karlægt gamalmenni sem hatar börn, drekkur íslenskt brennivín í bílhlössum og gengur með staf sem hann notar til að berja fólk sem fer í taugarnar á honum. Höfum hann mjög sjóndapran og heyrnalausan en þar fyrir utan fílhraustann.

When all of this is goin' on ætla ég að taka fjögur fög í VMA, sjá um að keyra börnin í karate og sund eftir vinnu, þrífa ofninn once in a while, fara í bað og stunda heitt kynlíf þegar færi gefst með flotta gæjanum sem ég hitti út á bílaplani um daginn, sem vill ekki búa með mér eftir að pabbi kom inn í myndina. Býður upp á endalausa árekstra og skemmtilegheit. Já, best að hann búi með danskri frænku sinni sem vinnur á vöktum. Höfum hana í eldri kantinum líka... -eða miðaldra, ennþá í leitinni endalausu að þessari einu sönnu ást. Já.. það er betra. Hún talar að sjálfsögðu enga íslensku og er með tourette syndrome.

Ef þetta er ekki uppskrift, þá veit ég ekki hvað.

Það minnir mig á.. ég hefði átt að taka einn dönskuáfanga líka. Ég tala ekki stakt orð í dönsku!

| anna | 17:03 |

comments

Þú ert hin íslenska Carrie Bradshaw í mínum augum en engin Bridget Jones eða Dís. Enda súpersexý skvísa með tvö börn í eftirdragi (sem er að vísu merki um fullkomleika). Ég treysti þér algjörlega til að skrifa um stórkostlegar hrakfarir og skemmtilegheit á næstunni. Þú mátt hins vegar ekki gleyma að mæta í þjálfun hjá mér reglulega því það verður annað próf haldið fljótlega og krefst þess að þú hafir lært eitthvað í ferðinni til London! Ég sé einnig að nú sé þörf á dönskukunnáttu minni, þe. danskri tungu og menningu
Ég þori líka að veðja að danska frænkan reyki geðveikt mikið og drekki fyrsta bjórin í frokost. Auk þess er hún sólardýrkandi og stundar ljósabekkinn á loftinu í Melabúðinni amk fjórum sinnum í viku enda krumpuð mjög!! Hún á sennilega eingöngu ermalausar skyrtur og alltof þröngar snjóþvegnar gallabuxur með glimmerskreyttum rassi og heldur að hún sé amk. 15-20 árum yngri en hún er. Já hún stendur ljóslifandi fyrir mér og skil ég nákvæmlega stöðuna sem þú ert í. Mundu allt sem ég hef kennt þér

Nr. 1 | posted by: edda | 1.09.2004 | 17:14:34 | [+] |

Edda. Lífið væri svo.. ömurlegt án þín. Mér þykir svo óendanlega vænt um þig.

Takk fyrir að vera til.

Nr. 2 | posted by: anna | 1.09.2004 | 20:09:53 | [+] |

Fyrsta bjórinn í frokost? Er þetta bindindismanneskja? Alvöru Danir eru byrjaðir í bjórnum fyrir morgunmat og eru alveg örugglega ekki að bíða til hádegis með það. Frokost er hádegisverður, stundum meira að segja kvöldverður.

Nr. 3 | posted by: beggi dot com | 1.09.2004 | 20:29:23 | [+] |

Beggi minn! Þú hlýtur að gera þér grein fyrir því að kella vaknar ekki fyrr en upp úr hádegi nema hún eigi tíma í ljós kl. 10. Frokost er svo sannarlega hádegisverður en sjaldnast kvöldverður
Annars nefndi ég bara bjórinn. Hún fær sér venjulega Jågemeister og eplasnaps í morgunsárið - svona áður en ljósatíminn byrjar og með vínarbrauðinu!

Er ekki danskur kvöldmatur kallaður middag?

Nr. 4 | posted by: edda | 2.09.2004 | 9:47:40 | [+] |

júbbs!

Nr. 5 | posted by: Hildigunnur | 2.09.2004 | 19:56:09 | [+] |