Hvers vegna í ósköpunum ertu ekki kennari í sex ára bekk? Þú værir löngu búin að slá í gegn.

Ég myndi ekki endast viku í kennslu í sex ára bekk. Ég nennti ekki að læra stafrófið á sínum tíma og hef komist þetta langt án þess. Sé ekki tilganginn að fara að læra það núna, bara til að kenna börnum þessa vitleysu!

Lærði ekki hægri og vinstri heldur, ruglast alltaf á hvað er ferningur og ferhyrningur, kann ekki að teikna hring og Óli prik sem ég teikna lítur út eins og drag drottning.

Auk þess myndi ég daðra við alla pabbana, hvort sem þeir væru einstæðir eða ekki.. þetta yrði general disaster.

Já.. svo þegar ég væri þreytt á bekknum myndi ég mæta með Futurama og ferðasjónvarp. Ljóta ruglið.

Maður verður að þekkja sín takmörk.

Þetta hljómar allt vel Anna, þú værir víst frábær í sex ára bekk. Og ekki síður vinsæl hjá pöbbunum Og það er engin sóun að kenna þótt það sé ekki hálaunastarf. Það er ekkert verr launað en margt annað og ég þekki nokkra metsölu- og verðlaunabarnabókahöfunda sem eru með mun lélegri laun en kennarar fyrir skriftirnar. Og myndu aldrei geta lifað á barnabókunum. Því miður!

Já það er ömurlegt að vita til þess að fólkið sem er í raun að ala upp krakkana okkar þurfi að borða hafragraut í sunnudagsmatinn. Leikskólakennarar eru líka á grátlega lágum launum.

Annars var mér nú bara að detta þetta í hug áðan, þetta með barnabókina. Ah.. get ekki sagt að mér hafi dottið það í hug einu sinni. Blaðamanninum datt það í hug fyrst, svo mömmu, svo einhverjum úr hirðinni á badabing.is, svo Hörpu..

Getum sagt að þetta hafi komið upp áður.

En þegar Hörpu datt það í hug kom hún með svo magnað argument að ég gat bara ekki annað en samþykkt hugmyndina og gert hana að minni eigin. So to speak. Plottið er a.m.k. mitt.

Glætan að ég nenni þessu ef ég verð ekki milli. Þá skrifa ég frekar glæpa og spennu thrillerinn um snowglobe-inn sem fær bara að koma í stofuna um jólin.

Stærri markaður, you see...

Hvaða orð er notað yfir snowglobe á íslensku?

Annars langar mig að sjá leikrit þar sem sviðið er áhorfendasalur og allt leikritið gerist meðal "áhorfendanna" sem leika leikritið.

Getur ekki eitthvað gott leikritaskáld skrifað þessa speglun fyrir mig? Mig langar virkilega að sjá þetta leikrit.

Einu sinni heyrði ég snowglobe kallaðan snjókomukúlu. Eigandinn notaði hann til að galdra fram snjókomu þegar jólin ætluðu að verða rauð.