 |
|
|
|
 |
Royal PAIN in the ass
Mánudagur, 27. september 2004
Ég get svo SVARIÐ ÞAÐ! Síðan hún systir mín byrjaði að vinna í sjoppu og gerði mig að gms vini sínum er ekki orðið stundlegur friður fyrir þessari manneskju sem ég er smám saman að læra að hata. Núna rétt áðan byrjðu sms sendingar dagsins. Fyrst fékk ég eitt. Það innihélt bókstafinn H. Svo fékk ég annað. Það skeyti innihélt bókstafinn A. Næst kom L, svo L, svo O svo upphrópunarmerki. Ég er reyndar að tala við hana í símann akkúrat núna og hún er að segja mér þetta, því ég hætti að lesa eftir A og eyddi þessu út jafn óðum. Ég var í símanum að tala við mömmu. Mamma spurði mig hver fjandinn gengi á. Þá var Júlía komin upp í fimmtán sms. "Ah.. þetta eru bara 30 sms á dag, hún fer að klára kvótann" sagði ég við mömmu. Stuttu eftir að ég var búin að tala við mömmu hringdi Júlía í mig. Ég bað hana að hætta að hringja í mig og hætta að senda mér sms. Ég hefði heimili til að reka og ég mætti vera að svona vitleysu. Nei, hún ætlar ekki að hætta að hringja. Henni leiðist í sjoppunni því engin kemur að versla. Þá sagði ég henni að næst þegar ég hitti hana ætlaði ég að taka með báðum höndum utan um hálsinn á henni og herða að þangað til hún hættir að anda. "Já, kondu í sjoppuna, mér leiðist svo mikið". "Ef ég kem í sjoppuna Júlía, þá verður það bara til þess að berja þig". Mitt næsta bragð verður að hringja í Og Vodafone og fara fram á að þessi manneskja verði gms óvinur minn. Fá nálgunarbann. Ég er að klikkast á þessu helvítis stöðuga áreiti, hana.. eitt sms í viðbót. Ég meinaða.. | anna | 18:40 |
comments
Þegar þú segir mér að mamma sé að gera tilboð í hús við hliðina á mér, og að þú sért að fara að flytja þangað með henni.. come on Júlía.. maður annaðhvort grætur eða hlær. Taugarnar gefa sig. Svo lýgurðu líka að mér að Valdi bróðir sé að flytja af landi brott og að.. já förum ekki nánar út í það, gæti misskilist. The bottom line er. Hættu að senda mér sms í akkorði og hættu að hringja í mig á fimm mín fresti elsku Júlía mín. Nema þú hafir eitthvað til að tala um - sem er ekki lygi sem þú fannst upp af því þér leiðist. Ljúgðu á síðunni þinni! Þar sem blóð tengir okkur get ég ekkert gert til að hrekja þig frá mér. Þú þarfnast mín og ég þarfnast þín. Ég skal hætta að bögga þig svona mikið, en ég get ekki lofað því að hætta því. Það er bara svo skemmtilegt að vera ömurlega pirrandi - og þú ert eina manneskjan sem ég get tekið þessa þörf mína út á. Þú verður að skilja mig. Nr. 4 | posted by: Julia | 28.09.2004 | 22:02:27 | [+] |
|
