 |
|
|
|
 |
Júlía kemur í heimsókn
Miðvikudagur, 15. september 2004
Nú hefur það komið í ljós að ég fæ ekkert frí á kvöldin eftir vinnu fram að áramótum. Líkur eru á því að börnin mín fái hinsvegar langt frí frá skóla fyrir áramót, en það er önnur og miklu sorglegri saga. Þeim finnst nefnilega gaman í skólanum. Á mánudögum er það karate, þriðjudögum sund, miðvikudögum karate, fimmtudögum sund, föstudögum myndlist og laugardögum karate. Hefst nú skutlið fyrir alvöru. Í gær var fyrsti dagur í skutli og ég var komin upp í rúm löngu fyrir klukkan ellefu. Gæti líka haft eitthvað með þá staðreynd að gera að Júlía kom í heimsókn. Að fá Júlíu í heimsókn er eins og að eignast fimmbura sem eru á aldrinum þriggja til átján og allir ofvirkir. A.m.k. stundum. Í gær var hún skæð, enda vinnur hún í sjoppu og er high on sugar þessa dagana. Hún vélaði mig til að kaupa nammi svo ég varð high on sugar líka.. jesús. Við Júlía erum mjög líkar.. samt ekki.. og með sitthvorn lífsreynslugagnagrunninn. Sem dæmi get ég nefnt samræður sem áttu sér stað í bíl fyrir utan Melabúðina í gær: Júlía: "jesús Anna, það eru sveppir í hárinu á mér!" Júlía: "Anna, vá! Sjáðu hvað ég fann í eyranu á mér!" Að fá Júlíu í heimsókn getur orðið að hreinni martröð. Þannig hafði ég ákveðið að elda grjónagraut úr afgangs hrísgrjónum frá því deginum áður ofaní börnin en ég ætlaði að fá mér samloku... Júlía: "æji ég vil líka grjónagraut!" Þegar ég setti upp dreymna svipinn í bílnum og sagði.. "Oh Júlía ég er svo... " -greip Júlía frammí: "NEIIIIIIII ANNA! EKKI NÚNA! ÉG NENNI EKKI AÐ HLUSTA Á ÞIG! TÖLUM UM MIG EINU SINNI! TÖLUM UM MIG! MIG MIG!" (ok ég viðurkenni.. she had a point there, ég er búin að vera gjörsamlega óþolandi undanfarið) Eftir mat fór Júlía í eltingarleik við krakkana inn í eldhúsið og út úr því aftur, ég lét mig fallast á stól og greip um ennið með tilþrifum. Júlía greip um bakið á stólnum og hristi hann. Ég fer á taugum. Stuttu síðar sendi ég börnin inn í rúm og svo bara varð ég að fara í bað. Júlía kom til mín og sagði mér að ég væri óþokki að fara svona í bað á meðan hún væri í heimsókn.. því nú langaði hana að fara í bað. Svo sagði hún mér frá draugnum sem býr á baðherberginu heima hjá henni og hvernig mamma ræðst á Snrub og kyssir hann á almannafæri. Aumingja Snrub. Já, hún sagði líka eitt voða sætt við mig. Hún sagði mér að Snrub hefði sagt "rosalega er systir þín orðin grönn og sæt" eftir að þau komu í heimsókn til mín þegar ég var með veikindi dauðans og leið eins og jógúrtdós neðst í innkaupapoka úr bónus. Það yljaði mér um hjartaræturnar. Hún fór skömmu síðar og ég lá í baði, lengi, lengi... dreymin á svip og hugsaði: | anna | 15:04 |
comments
Nota bene, ekkert endilega af karlmanni, bara svona af lífinu in general. Nr. 2 | posted by: Atviksorða-Anna | 15.09.2004 | 21:20:53 | [+] |
|
Les aldrei blogg hjá þeim sem ég ekki þekki, en gat ekki stillt mig að segja að þú ert frábær penni. Maður hrósar aldrei of oft er það???
