 |
|
|
|
 |
Góð mamma
Mánudagur, 16. ágúst 2004
Ég er komin heim og ætla að sofa þangað til ég fer til læknis á eftir. Þegar ég kom heim var popp út um öll gólf og eldhúsborðið jammed af mat og óhreinum diskum. Ég fór beint upp í rúm og safnaði kröftum, fór svo fram í eldhús og spurði: "hver var að borða popp?" "Við" svaraði Jóhanna. "Var gólfið líka að borða með ykkur?" spurði ég. "Já smá" sagði Doddi. "Aha" sagði ég og lagðist í sófann. Stuttu seinna kom Doddi til mín og sagði: "mamma, þú ert svo góð". "Finnst þér það?" spurði ég, steinhissa. "Já, þú ert góðari en jólasveinninn" sagði hann. "Er ég betri en jólasveinninn?" spurði ég til baka og fannst ég mjög sniðug að leiðrétta hann á þennan hátt. "Nei, þú ert góðari" svaraði hann. "Hey mamma! Ég fann riffilinn minn inní skáp á bak við fötin!" Oh joy. Næst fel ég hann niðrí geymslu. Hann finnur riffilinn aldrei þar. Ég er sannarlega góð mamma. | anna | 11:58 |
comments
Gott að einhverjar mömmur séu góðar! Fékk símtal frá forstjóranum mínum í dag þar sem hann bað mig fallega um að koma 4 mánuðum fyrr úr fæðingarorlofinu og byrja að vinna helst strax þar sem óvæntar uppákomur hafa átt sér stað innan veggja deildarinnar. Er í sjokki. Er með hnút í maganum. Er ég vond mamma? Mig langar ekkert sérstaklega að byrja strax þar sem ég var nú eiginlega farin að kvíða fyrir því að byrja í janúar! En nú er ég farin að hugsa um barnagæslu - dagmömmur í Kópavogi. Þetta dagmömmuástand er erfiðara en að fá flugstjóraleyfi á Air force one. Þarf aðstoð og hugmyndir
|
Er jafnvel farin að spá í að auglýsa eftir góðri konu sem getur bara sinnt heimilinu mínu á daginn amk fram yfir áramót. Auglýsi hér með eftir einni slíkri. Mér finnst ég amk. ekki vera "góðasta" mamman lengur 
